السلام عليكم
خواتي للاسف انا ماكنت ادري انه توصل الحركات في المنافسه بين التاجرات لي هالمستوى المنحدر انه اوفر شغلات اول ماعرفوها البنات في كل المنتديات عرفوهاعن طريقي وسوقت وتعبت ومسويه عروض عليها مميزه تيي كم بنت تبوق الصور من مواضيعي وتنشرهم في منتدبات ثانيه او نفس المنتدى وتقول متوفر عندها نفس بضاعتي شوفوا الكلام واي بنت تسالها في موضوع ماحطت الصوره فيه ترد عليها اهو اللي حاطه صورته بنت الكويت العسل طيب عيزانه تحطين صور والا تصورين !!!!اغلب اللي نزلوا مواضيع المقص سوووا نفس الحركه انا انبهكم بنات وانا مالي خص مثل اللي شرت من بنت اسمها لولو الكويت ويت تقولي انا شريت ولا وصلني المقص طيب وانا اشدخلني شاريه من بنت ماتعرفينها ولا لي اي رابط فيها كل من باعت مقص صارت مندوبه لي او لها علاقه فيني ؟؟؟ واشعرف البنات انه البضاعه اصليه اللي متوفره عندج رجاءا بنات انا اخلي مسؤوليتي عن اي مقص واي كريم سعد يزعمون البنات اللي توصلني سوالفهم انه متوفر نفس اللي اوفره عندهم لاني اضمن بضاعتي ولا اضمن شنو متوفر عند غيري اللي تبي الضمان تطلب صوره من صاحبة الموضوع واي بنت تقولج نفس اللي عند بنت الكويت والفرق اني انا ارخص قولي لها صوريه لي وبشوفه من حق اي بنت ومن حقي بعد انه مايكون فيه غش وتدليس عشان اروج لشي غيري تعب في تسويقه وصور وحط مواضيع تيي غيري بارده مبرده تنزل موضوع من غير صور وتقول للبنات اذا طلبوا الصوره هذا اللي توفره بنت الكويت العسل !!!! لا حبيبتي مااوفر مقص تيي معاه بكره لانه هذا اتقليد بو نص دينار الموجود في محلات السالميه اللي يجرح البشره وانا اكبر من اني انزل منتجات بوطقه تجرح بشرة البنات وادبل في سعرها
حدث العاقل بما يعقل ورجاءا ولا بنت تيي تقولي انه هذا اللي توفره فلانه اهو نفس اللي عندج لا مو نفسه ولا يقرب له والصور تشهد بموضوعي وتجارب البنات في القسم ماشالله واللي تبي اقدر ارسل لها التجارب كلها
رجاءا اللي توفر شي لا تقول نفس اللي عند بنت الكويت نزلي صور وتعبي عشان تاكلين مال حلال بدل الحركات اللي مانها اي فايده وتخربين علي لمن تبيعين شي مو اصلي بالتالي بيقولون هذا اللي توفره بنت الكويت وتسوقله من شهور طلع اي شي
واللي حابه تطلب مندوباتي سلام الحب - العزيزه - جروح العمر-نوران-بوظبي وبس-الجوهره
نبرة حزن -دانة البحرين2- اميرة الورد وانشالله في مندوبات غيرهم سواء في عالم حوا او الفراشه او لك او باقي المنتديات
وانا مالي اي خص في اي بنات يعرضون منتجات وفرتها وبوفرها انشالله قريب لانه صاير لبس اي بنت تعرض مقص او كريم سعد يدخلون علي البنات بالخاص يفكرونها مندوبتي انا مانوهت عنهم بالتالي مو مندوباتي اللي ماذكرت اساميهم ولحقوا على العروض لانه بنشحن وماباقي شي والاسعار مسوين عليها خصم واللي تقول انا ارخص تشيك على مندوباتي وانشالله مابيقصرون وعيب والله عيب يا تاجرات
وعلما بان اي بنت تطلب 3 شغلات من عندي لها هديه مميزه انشالله بتعجبها
يريت كل مندوباتي يدخلون الموضوع عشان يعرفون عن نفسهم وانا مضطره اسوي هالشي عشان كل بنت تاخذ حقها ومحد يخرب علي في منتج اوفره من شهور تنطرح بضاعه اي كلام تخرب مجهود شهور والسبه انه اهو نفسه اللي توفره بنت الكويت العسل !!!
مااقول غير حسبي الله ونعم الوكيل في كل من سرقت صور من مواضيعي وعدلت فيها او قالت اللي قالته هالبنت والله اعلم شنو يبيعون ويقولون هذا اهو اللي تبيعه حسبي الله ونعم الوكيل
اختكم shakshaka
بنت الكويت العسل
الروابط المفضلة