السلام عليكم ورحمة الله وبركاته
عزيزاتي ,,انا ان شاء الله منتظرة الولادة على الشهر الجاي بإذن الله ,, و محتاجة اعرف اماكن الاسواق او المحلات المتخصصة في عمل حلوى السبوع ( المولود الجديد ) و تكون اسعارها معقولة ,,

و جزاكن الله خيرا

عايزة تعرفي ايه بالضبط وضحي وانا اقولك الاماكن اللي فيها الحاجة انا مصرية عايشة في الكويت من 30 سنة ويمكن اقدر افيدك قولي طلباتك وانا اقولك فين تلاقيها باسعار كويسة انشاء الله

ولو حابة تراسليني علي الايميل فهو
واهلا وسهلا وربنا يقومك بالف سلامة انشاء الله تحياتي

السلام عليكم ورحمة الله وبركاته
الف شكر ليكي اختي نانيس على اهتمامك,,سؤالي بالضبط عن حلويات السبوع ,,اكيد عارفة الملبس و البونبون و الشيكولاتة اللي بتتوزع على الضيوف يوم السبوع ,,شفت في مصر افكار هايلة للعلب البلاستيك او حتى الفخار و نفسي الاقي زيها هنا ,,انا سأ لت في الخباز و في سابليه ,بس حاجتهم عبارة عن شيكولاته بس و مش رخيصة بالنسبة للهيعمل كمية يا ترى ممكن الاقي فين حاجات زي بتاعت مصر و اسعارها ايه ؟؟
و اكيد هتكوني اول المدعوين للسبوع ان شاء الله
و جزاك الله كل الخير

بصي يا جميل حاجات السبوع الملبس والشيكولاته والبونبون دي لازم تجمعيها بنفسك مش حتلاقي حاجات جاهزة
تاني حاجة لو عايزه تجمعي في الشويخ امام المنطقة اللي فيها الجزارين وبتوع اللحمة هناك مقابلهم عالطول محلات الحلويات اللي بتبيع بالجملة تقدري تروحي تشتري بالجملة كل حاجة وممكن تيجيبي المكسرات من المطاحن بس انا دايما باشتري من مركز سلطان المكسرات اسعارها كويسة وفريش دايما وبعدين يا ستي علشان تكيس الحاجات دي لازم حتيجيبي علب كرتون او فخاريات وده كله تلاقي اما عند بتوع الحلويات وبرضه بالجملة بس غالية شوية او من الاسواق الشعبية زي المحاميد و طيور الجنة اللي هم علي 100 فلس حتلاقي افكار جنان وحاجات حلوة وبعدين انا في سبوع بنتي جبت اكياس خيش ساده وجبت عرايس واستخدمت المهارات البسيطة في تحوليها الي اكياس زي اللي غالية بالضبط لزقت عرايس ودباديب وحركات كده يعني ولو عايزة نتكلم علي التليفون راسلني علي ايملي ابعت لك رقم موبايلي ونتكلم يا جميل وانا في الخدمة وخذي بالك من نفسك

الاخت الغالية نانيس,,
بجد بجد انا مش عارفة اشكرك ازاي ,,و ان شاء الله انا في اقرب فرصة هنزل و اجمع الحاجات دي ,,بس انا ع موما في اول التاسع ,,اجيب الحاجات دي دلوقتي ولا لسة بدري؟؟
و ان شاء الله هراسلك على لاني فرحت جدا لمعرفتك ,,فعلا جزاك الله خير على اهتمامك و يارب تفرحي ببنوتك و انت كمان اللي تعميليلها السبوع ,,,
الف شكر و جزاك الله خيرا

اسفة علي التاخير في الرد عليك بس بنتي كانت تعبانة شوية ولسه نازلة الشغل النهاردة وعلي فكرة كل ماتنزلي بدري يكون احسن واهو كله بركة تشتري حاجات السبوع وتتمشي وربنا معاك وياريت لو عايزه حاجة ابعتي بس علي الايميل وانا تحت امرك

السلام عليكم ورحمة الله وبركاته

بداية الف الف سلامة و الف بعد الشر على بنوتك الحلوة ,,سلميلي عليها كتير,,
ثانيا ,,ربنا يخليكي و اققفلك في فرح البنوتة ان شاء الله و انا باذن الله اللي هدلك على الحاجة تجيبيها منين في مصر
جزاك الله خير على وقفتك معايا ,, و يجعله في ميزان حسناتك ان شاء الله

جزاك الله خيرا

يسوق الفحيحيل اسألي هناك وراح تلاقين اكثر من محل يسويلك الي تبين واسعارهم متفاوته وتتربى بعزك انشاء الله ,,,,,,,,,,