سلام من المولى عليكن ورحمة من الله وبركاته

باختصار
بنات الامارات
ابي اعرف بالضبط وبالتفصيل الممل ، وين الاماكن اللي ينباع فيها الدراعات
سواء دراعات الخرجه والكشخه او دراعات البيت

بسرررررررررعه ارجووكم
لاني بنزل الامارات وما ابي ارد الا وانا محمله بهالدراعات الكشخه
سواء كانت فدبي او الشارقه او عجمان

وجزاكن المولى عني الف الف خير وعقبه جنات النعيم

هلا والله بأختي أم عمر وحياك الله ، أختي والله إني متشوقة أشوف محلك إذا كان عندك محل ، وعسى تكوني من مسقط ، علشان ما تكوني بعيدة وأقدر أزور محلك ، وإذا إن شاء الله تلاقينا أتمنى نتعامل مع بعض ، لان باين عليك خبيرة ما شاء الله في انتقاء كل ماهو جديد ورائع
انتظر ردك الكريم
وعفوا للإزعاج....

مرحبا اختي انا اعرف بعض المحلات اللي افصل فيه واشتري منها
في بوظبي محلات راجو ولها فرعين في شارع خليفه وفي المارينا مول وفي بعد محل دانات يمب محل راجو اللي بشارع خليفه
في دبي في مركزالمنال دراريع روووووووعه وقريب منه سوق الوصل اللي قدامه بعد سوق نايف عندهم جلابيات للبيت وللمناسبات بعد حلوه مرررررررره
في الشارقه مكان اسمه سوق الشارجه القديم اللي عند الميناء اسألي اي راعي تاكسي يدلج عليه هذا يخور ويبيع جاهز اللي تبين
وهلا فيج ضيفه واخت غاليه في بلدج بتنورينا
اختك ام شيخوه

اختي زيادة على اللي كتبته الاخت شيخوه في دبي عندج سوق عكاظ وسوق مرشد قريبين من بعض ومعاهم سوق الجملة

هلالالا بأم عمار
مشكورة غاليتي على ردك
بصراحه انا اشتريهم عشان وحده من الاهل هي اللي موصيتني اشتري لها
لان هي ما تقدر تنزل الامارات
فأشتريهم لها وهي تبيعهم
اذا تبين اعطيج رقمها انا حاضره وممنونه ، بس نطري لين اشتري لها البضاعه وبعدها بخبرج.


هلا وغلا بشيخوه
مشكووووووووووووووووووووره بعد عمري
المحلات اللي بدبي والشارقه اعرفهم ودايما اروحهم
بس المحلات اللي فبوظبي ما قط زرتها ، انشاءالله دربها ما يتوه
واحصل مكانها على طول


غاليتي صدى الاشجان
مشكوره على الاضافه يالغاليه
عزيزتي ممكن توصفيلي سوق الجمله وين بالضبط
وكيف بضاعتهم
وهم يبيعو بالجمله بس!!


وجزاكن المولى عني الف الف خير وعقبه جنات النعيم