حبوبة فيه مفروشات العبداللطيف بس الي في الرياض الي في شارع التحلية اطقمهم روعه والمحل يختلف بضاعته عن الي في الدمام احس ان الي في الرياض احلى بضاعة ...انا اخذت منهم طقم كندي ذوق مره



وياليت الاخوات يكتبون لنا محلات مفروشات أخرى راقية واسعارها مناسبة

عاد من غير شئ العبد اللطيف روووعه...

بس المشكلة بالشحن؟؟؟

لكن ان شاء الله تدبر...لأني مو ناويه اشتري قبل العيد...

أكيد تكون الأسعار نااار... عشان موسم....

تسلمين لي أسورة..

وفي أنتظار البنات يعطونا المزيد من خبراتهم....

السلام عليكمز.
انا اقدر افيدكم بالشرقيه فيه عندنا محلات العرفج بالدمام ودوا لهم نفس الكنب اللي تبون والله العظيم يفصلون لك طبق الاصل وباسعار رمزززززيه ...

انا مره شفت كنب في كتالوج اجنبي ولقيت قماشه عند السريع عطيتهم قطعه من القماش وفصلوا لي نفس الديزاين بالضبط بثلا ث الاف وخمس ميه والله انه طلع مثل اللي بالكتالوج بالضبط ..

أهلين كبورة..

وعليكم السلام...

خبري العرفج غالي... والا شو؟؟؟

المشكلة أن زوجي يبغى كنب جاهز.... يقول مافيني لدوارة الأقمشة.....

ومحتارة مررره...

حبوبة العبداللطيف ينقله لك مجانا

حياكم يالطيبات ...

شوفوا العبد اللطيف عنده الان تخفيضات تهبل بجدة اخذت منه غرفة نوم روعة ومعها طقم 2اباجورات

بقمية 500 هدية معها

وعنده اطقم كنب رائعة عجبنى واحد تمققت فيه عدل واقرا سعره ومش مقتنعة وبعدين كلمت

زوجى وعيالى اقولهم تعالوا عدوا معىالاصفار طلع ب23000الف بس

والله عندهم طقم بعد التخيفض ب8000الالاف ان الله احيانى اشتريه

محبة بالعكس العرفج رخيص مرره والله ان كنب غرفة الحريم عندنا راقي بمعنى الكلمه وكل من شافه مايقول الا انه من ارقى المحلات والله انه ماكلفنا الا اربع الاف وشوي يعني ماتعدى الخمس الاف والقماش جبناه من السريع وكان راقي مره

وهذا السعر يامحبة مع الستاره طبعاً محبه العرفج تلقينه في الشارع التجاري ببمخطط 8 كله محلات اثاث ووالاقمشه قدامه على طول بس يبيلك لفه وحده وتلقين السريع محل كبير مره توه فاتح بعد مهوب محل مجمع كله ارقى الاقمشه ..

السلام عليكم

أأأأأأأأأأأأأأأأأأأأأأأأأأأأأألف الحمدلله على سلامتك ياأم البراء متى رجعت والله ما دريت إلا اليوم وقت شفتت ردك للموضوع

انا مبسوطة والحمد لله بس دخولي قل كتير بسبب تراكمت الدراسة للأولاد والمسؤليات كترت عندي

مشتاقتلك موت والله الله يخليك ويوفقك ويسعدك ونطمن عليك دائما

تسلمين لي كبورة....

بإذن الله أروحه أول ما أوصل... بس دعواتكم تكفون....

طيب أكابر>>>>>>>>طمااااعه....

تعرفين محلات لغرف نوم الأطفال تكون أسعارها حلوة؟؟

ياليت إذا تعرفين تدليني.... وتكونين مشكورة...

صباح الخير على الجميع وصباح الفل على محبة القرآن ومبارك على الجميع السنة الجديدة 2005 جعلها الله سنة خير على الجميع مع تمنياتي لمنتدانا الرائع ان يشمله المزيد من التظوير وزيادة في عدد المنتسبين اليه ، فيما يخص الاثاث لدى محلات الدليجان المحل لدية مختلف انواع الاثاث واسعارة جيدة جدا مقارنة باسعار السوق فعلى سبيل المثال من اراد ان يشتري مكتب فافضل محل هو محل الدليجان لدية تشكيلة كبيرة من المكاتب وباسعار رخيصة جدا انا اثثت منزلى الجديد مؤخرا وبصراحة اشتريت منه غرفة لابني وغرفتين للبنات وطاول للتلفزيون رائعة مطعمة بالحديد المشغول واشياء اخرى متعددة اغلب اثاثة صينى واندونيسي وماليزي اما بالنسبة للكنبات فهو مركز على الكنبات الصينية وبعض الاحيان تجدين لدية كنبات جميلة جدا ولا يتجاوز سعر الطقم الخمسة الاف ريال ولكن تحتاجين الى زيارة المحل كل اسبوع حيث ان الكميات التى يحضرها من كل نوع قليلة اما فيما يتعلق بالكنبات انصحك بالذهاب الى محلات العصفور سوف تجدين ارقى الكنيات واسعارهم ايضا ممتازة انا اشتريت منهم اربعة اطعم بثلاثين الف ريال بمعدل سبعة الاف ريال للطقم الواحد ولكنها اطقم امريكية ممتازة الصنع ورائعة الشكل كما انه في هذة الايام توجد تخفيضات لدى محلات الصبان الذي لدية احلى غرف نوم وباسعار ممتازة جدا كما اننى لاحظت ان اسعار الكنبات لدية في فترة التنزيلات ممتازة جدا انصحك بزياة الثلات محلات التي ذكرتها واعطينى ملاحظاتك واذا حسيت ان السعر مرتفع نوعا ما سوف ادلك على محلات اخرى اقل سعرا ولكنها ليست بفخامة المحلات التي ذكرتها خصوصا العصفور والصبان وللجميع منى كل التحايا وكل عام وانتم بخير