مرحبا خواتي
بالنسبه لحنا الفرد بصراحه انا قريت كل تجارب البنات وماخليت مكان ...من موقع لين موقع
وقلت بجرب وبتوكل على الله وانا كنت مب متاكده اني برضى عن النتيجه هاك الزود
لاني سويت قبل الفرد وكان يضايق وريحته الله لا يراويكم عند كل سبوح
وعقب يانا اليوكو فضل عنهم خسارت فلوووس وطاااح شعريه والله من النص تنقصف الشعره وتستوي مطاطيه لاحول ولا قوة الا بالله
وشعريه تم يطييح وقلت خلاص ترا طايح طايح
خذت من الحنا ويبت وحده البيت وسشورت لي بس مب حلو وايد سشوارها وحط لي الحنا بس مالفته شرات ماتقول اختي الهدوى لازم ماينشف يتم لين انا استوي مثل الطابوق
وتميت في معاناه وهي تحط لي الحنا يعووووووووور ذبحتني يمكن لانها ماتعرف ماادري
المهم .......... عقب ساعه خلصت وعقت نص شعري وياها الخبله
ولفته وخليته ساعه .. ساعتين .. ثلاث ... اربع ... خمس ... ست ... اليين وصل العشرين
ماتمت فيه طاقه استويت عصبيه
ومااداني حد من عيالي يرمسني هههههههههه طفروا مني
يقولون سيري غسلي شعرج هههههههههههه حسوا بالمعاناه
انزيييين .. رحت ماصدقت مرن العشرين ساعه وغسلته يالله فجج لاصق السميت وتميت يمكن حول الساعه والنص اظني اغسله يوم مارمت له حطيت كريم حمام الزيت كله في راسي يحيه اشوي استوا لين
ويوم خلصت حطيت زيت النارييل في الليل كان هالكلام وغسلته الصبح
وثاني حطيت بعد وثالث يوم
تم فتره يمكن اسبوع هب اكثر اشوي خشن
لكن عقب
تعااالوا
شوفوااااااااااااااااا
:3_2_21v:
يالله
افتكيييييييييييت
:icon28:
من الكشه والتنفيش الحمد لله ولين الحين صار لي 6 شهور واريد اكرر على الجذور لانه طول عن قبل والشعره ماتستوي مطاطيه بالعكس تقوى تستوي قويه ووانا شعري من قبل يطيح ومازال واختي الهدى قالت لاحد يسوي الخلطه وشعره فيه تساقط لاكن من اللقافه انا سويتها
لكن الحمد لله شعري احسن عن قبل وحسيت به طول وقوى وبصراحه اللي تعاني شعرها مابيدمر سون له حمامات زيت هب لازم كل اسبوع كل اسبوعين
انا كنت ماخذه عند اختيه الرفيعه خلطه كريم الحمام للتساقط والتطويل واااايد روووعه
والحين اختي الهدى اقووولج مشكوووره على الخلطه الراااايعه الله يجزيج خير عنا وعن جميع البنات اللي متعبنهن هالشعر
الروابط المفضلة