بسم الله . .
اليوم بحاول اشرح طريقة جعل اي صوره كأنها ورقة مثنية او متسفطة , وعلى طاولة . .
مثل ما راح نشوف يالأخير . .

---------------------------------------------------------------------------------

نفتح الصورة اللي بنشتغل عليها . .
اخترت هنا صورة ورده . .
بعد ما فتحناها بتكون على شكل "خلفيه" او "Background" بصندوق الشفائف "Layers" . .
دبل كلك على عليهاعشان تتحول من خلفية الى "شفيفه" او "Layer" عشان نقدر نتصرف فيها على كيفنا . .



ضيف "شفيفه" او "Layer" جديده , ونسحبها تحت لير او شفيفة الصوره . .
زي كذا . .



طيب , ألحين نبغى نخلى اللير الجديده اكبر من الصوره . .
بسيطه . .
نحدد اللير الجديده , ونضغط من فوق "Image" . .
ونختار "Canvas size" . .
زي كذا . .



بيطلعلنا صندوق زي كذا . .



نختار الوحده من القائمة المنسدله , على حسب تعامل كل شخص مع الفوتوشوب . .
انا اخترت هنا الـ "بكسل" او "Pixel" . .
وغيرت العرض 800الى والطول الى 600 . .
اما المربع اللي بالوسط , واللي حواليه الاسهم , معناها ان التغيير بالمساحه بيكون في جميع الاطراف . .
(على فكره نقدر نغير طريقة التمدد بالصوره , يعني ممكن نخليها تتمدد من الطرف اليمين , او اليسار , او غيره , بس في حالتنا هنا نبغاه من جميع الاطراف )
يعني هاللير اللي سويناها صارت اكبر من صورة الورده . .
وملأتها بالأبيض . .
وصارت زي كذا . .




(ونقدر نسوي كل هذا بطريقه ثانيه , نفتح لير جديده , ونلونها بالأبيض , ونسحب صورة الورده من الملف اللي موجوده فيه , او من سطح المكتب مثلا , ونرميها داخل اللير الكبيره , ونصغر صورة الوردة على كيفنا)
بس حبيت اسويها بطريقة ثانيه , عشان نتعلم شي جديد , وعشان نعرف ان اي شي بالفوتوشوب نقدر نسويه بطرق كثيره جدا . .

----------------------------------------------------------------------------------------------

طيب , ألحين نبي نقطع صورة الورده الى اربع قطع . .
نحدد لير صورة الورده بالأزرق , زي كذا . .



وعشان نقطع الصوره بمقاسات متساويه او بأي مقاسات نحددها . .
لازم نظهر المسطره . .
وهي بالضغط على "View" او " عرض" من فوق . .
واختيار "Rulers" او "المسطره" . .
زي كذا . .




او بالضغط على "Ctrl+R" . .

بتظهر المسطره بأطراف البرنامج . .
كذا . .






نضغط على المسطره اللي على اليمين , ونسحب الفأره , مع مواصلة الضغط على زر الفأره . .
بيطلع معانا خط , نحطه بالمكان اللي نبيه . .



ونسحب بعدها كم خط , لين نكون قسمنا صورة الورده الى اربع اقسام . .
وممكن نعتمد على المسطره الموجوده في القسم العلوي من البرنامج في تقسيم الصوره . .
(بعد ما نسحب الخط , وبغينا نغير مكانه مره ثانيه , نؤشر بالفأره على الخط , ونضغط "Ctrl" ونسحب الخط مع مواصلة الضغط على "Ctrl" ) . .




الحين نختار "Rectangular Marquee Tool" . .
من صندوق الأدوات . .


ونحدد واحد من الاقسام الاربع بها الأداة . .



(مع الانتباه امن "شفيفة " او "Layer" صورة الورده محدد بالأزرق ). .




ونضغط على القسم المحدد رايت كلك , او زر الفاره اليمين , ونختار
"Layer Via Cut" . .




نلاحظ ان القسم اللي كان محدد,انقص وصار بـ "لير" ثانيه . .
بعدها على طول نحدد اللير الرئيسية اللي قطعنا منها الجزء الأول بالأزرق , عشان نقطع الجزء الثاني . .



ونحدد الجزء الثاني , ونقصه بنفس الطريقة . .



ونلاحظ ان الجزء الثاني اللي قصيناه, صار بلير جديده . .



ونكرر نفس الطريقه , لين نقطع الصوره الى اربع اقسام . .
( ولا ننسى ان كل مره قبل القطع , لازم نحدد ليرالصوره الرئيسيه اللي بنقطع منها )
بالأخير بتصير القطع الأربع جاهزه . .



ألحين نقدر نشيل خطوط المسطره , مثل ما قلنا من اول ,نؤشر بالفأره على الخط , ونضغط "Ctrl" ونسحب الخط مع مواصلة الضغط على "Ctrl" ونرجعه للمسطره اللي بطرف البرنامج . .

------------------------------------------------------------------------------------------------

الحين نحدد شفيفة اول قطعه على اليسار , عن طريق الضغط على شفيفتها او لير هذا الجزء . .




ونروح للجزء اللي بالصوره , رايت كلك او زر الفارة اليمين ,
ونختار "Free Transform" . .



بيتحدد , زي اللي بالصوره , رايت كلك او زر الفأره اليمين مره ثانيه , ونختار "Distort" . .



ونشكل الجزء المحدد بهذا الشكل . .



واذا خلصنا نضغط زر الصح اللي فوق على اليمين . .



------------------------------------------------------------------------------------------

نعمل نفس الطريقه مع الجزء الثاني (نحدد اللير , رايت كلك ونختار "Free Transform" , ورايت كلك مره ثانيه ونختار "Distort")
ونشكل الجزء الثاني بهالشكل . .



مع ملاحظة ان لازم نطابق الأجزاء مع بعض , يعني مثلا أطراف الورده لازم تكون متطابقه حتى لا يتشوه منظرها . .

----------------------------------------------------------------------------------------

ونكرر الطريقة مع الأجزاء الثانيه . .
الشكل النهائي . .



لاحظوا اطراف الورده بكل جزء ماشيه مع الجزء اللي بعدها . .

--------------------------------------------------------------------------------------------

يتبع

نفتح لير او شفيفه جديده , وهذي اللير راح تكون عشان نعطي الورقه لمسات ظلال . .
سميتها هنا "ظلال" . .



نضغط "Ctrl" , واحنا ضاغطينه نسوي كلك او ضغطه بالماوس على اول جزء من صورة الورده . .
نلاحظ مؤشر الفأره تغير شكله , وهذا يعني اداة تحديد الشكل . .
مع ملاحظه انها لازم تكون ضغطه وحده , ويبقى التحديد الأزرق على شفيفة او لير الـ "ظلال" , لان هذي اللير اللي راح نشتغل عليها . .



نرجع لصورتنا , راح نشوف ان شكل الجزء الاول صار عليه تحديد . .



من صندوق الأدوات نختار "Gradient Tool" . .


لما نختارها , بيطلع لنا فوق , بعض الخيارات المتعلقه بالأداة هذي . .
نختار الشكل هذا . .



ونروح للجزء المحدد , ونضغط على طرفه , ونسحب الفاره الى ثلاث ارباع الجزء تقريبا من اليسار لليمين , ونترك الفاره . .
زي كذا . .



بيصير الشكل كذا . .



-------------------------------------------------------------------------------------------

ونسوي الطريقه هذي مع الجزء الثاني . .
(نضغط "Ctrl" , واحنا ضاغطينه نسوي كلك او ضغطه بالماوس على ثاني جزء من صورة الورده . .
نلاحظ مؤشر الفأره تغير شكله , وهذا يعني اداة تحديد الشكل . .
مع ملاحظه انها لازم تكون ضغطه وحده , ويبقى التحديد الأزرق على شفيفة او لير الـ "ظلال" , لان هذي اللير اللي راح نشتغل عليها . .
ونختار "Gradient Tool" . . الخ
بس هالمره نسحب الفأره من اليمين لليسار . .
بيصير الشكل كذا . .



ونكررها مع الأجزاء كلها . . بيصير الشكل كذا . .



نلاحظ ان لير الـ "ظلال" تكون فيها شكل الظل . .
بس شوي لونه غامق , نبي نخففه عشان يصير متناسق مع الصوره . .
عن طريق تغيير الـ"Opacity" او " الشفافية" . .
انا خليتها هنا 27 بالميه , وكل واحد حسب نظرته . .



صار الشكل معنا كذا . .



------------------------------------------------------------------------------------------------

ممكن اتفلسف شوي , وأضيف بعض لمسات الظل . .
مره ثانيه احدد الشكل اللي ابيه . .
وهالمره بستخدم الريشه المتدرجه . .
سويت لير او شفيفة جديده سميتها "ظلال 2" . .
وحددت احد الأجزاء مثل ما سوينا بالمرات الماضيه . .



اخترت الريشه المتدرجه , اخذت مقاسها هنا 45 . .



وسويت كذا . .



(مع ملاحظة لير الـ "ظلال 2" محددة بالأزرق دائما) . .
بعد ما سويتها بشكل عشوائي بكل الأجزاء . .
صارت كذا . .



ادري شكلها مش ولا بد . .
بنسوي مثل ما سوينا بالأول , نلعب بالشفافية . .



اخترتها هنا 5 بالميه . .
وكل شخص حسب نظرته . .

صارت كذا . .



-------------------------------------------------------------------------------------------------
يتبع

ألحين بندخل بسالفة " المنظــور" . .

يعني لما نشوف ورقه على الطاوله مثلا , ما نشوفها بأبعادها الحقيقية , بنشوفها بمنظور معين . .

مع الصور بنفهم معناها . .

نبي نخلي خلفية الصوره اللي لونها ابيض غير مرئيه . .

نروح لصندوق اللير او الشفائف . .

ونشيل علامة العين من قدام شفيفة الخلفية البيضة . .

ونسوي لير جديده , ونحددها بالأزرق. .

زي كذا . .

وألحين أهم نقطه . .

بعد ما سوينا لير او شفيفه جديده . .

ونضغط :

Ctrl+Shift+E

يعني زر Ctrl . .

مع زر Shift . .

مع حرف "E" . .

وهذا الأختصار معناه "Merge Visible " . .

يعني بيعمل دمج لجميع "الشفائف" او " Layers" المرئية , يعني اللي قدامها علامة العين . .

هذا الأمر موجود في قائمة Layers اللي فوق . .

بعد الدمج , صارت كذا . .

نظهر اللير البيضه , يعني نرجع علامة العين اللي قدامها . .

(بعدها لازم ننتبه ان لير الصوره لازم يكون محدد بالأزرق)

والحين نختار "Rectangular Marquee Tool" . .

ورايت كلك على الصوره يعني زر الفاره اليمين . .

ونختار "Free Transform" . .

بيصير شكلها كذا . .

صار عليها زي الأطار . .

رايت كلك او زر الفأره اليمين مره ثانيه . .

ونختار "perspective" . .

ونحرك بالفاره طرف الأطار اليسار او اليمين اللي بالزاوية فوق . .

لين يصير شكلها كذا تقريبا , او احسن . .

عطينا شكل من منظور امامي . .

ونضغط علامة الصح اللي فوق . .

بتصير كذا . .

-----------------------------------------------------------------------------------------

باقي لنا الظل اللي تحت الورقه . .

نعمل لير او شفيفه جديده , ونخليها تحت شفيفة صورة الورده مباشرة , ونحددها بالأزرق. .

ونختار الفرشه . .

ونحدد مقاسها اللي يناسبنا . .

ونبدأ نرسم الظل اللي تحت الورقه . .

ونبدأ نمسح زوائد الظل ,بالمسّاحة "Eraser" . .

هكذا . .

ولو نلاحظ ان اطراف الورقه , لازم يكون ظل تحتها , حتى ما تبين كأنها بعيده الأرض او الطاوله . .

الشكل النهائي . .

وممكن نغير بشفافية الظل حسب رؤية المصمم. .

-------------------------------------------------------------------------------------------------

تطبيقي لهذا الدرس . .

واعذروني لسوء الشرح , واي سؤال انا حاضر . .

ماشاء الله تبارك الرحمن شرح كامل ومستوفٍ


بودي لو كانت في صورة واحدة أو اتنين لأنقلها للمعرض
اذا كان في استطاعتك

ما شاء الله ،، تبارك الرحمن

درس مذهل والنتيجة في قمة الروعة

نحتاج بشدة لمثل هذه الدروس الاحترافية .. بارك الله فيك أخي غريب الهمس

جزاكي الله خير اختي ابنة الرجل . .
ومشكوووره على المرور . .
اختي ما ني عارف شلون اختصرها بصوره واحده او اثنتين , بس ابحاول انشالله قدر المستطاع . .


مشكووووره اختي هنـد . .
على مروورك , وعلى منح الموضوع التميز . .
وانشالله اكون عند حسن الظن . .
وتسلمين . .

درس رائع جدا
الف شكر لك

لا أخوي مو اختصار
قصدي الدرس كما هو بشرحه وصوره لكن على خلفية موحدة
حتى وان كان على 3 أجزاء فلا مانع

بارك الله فيك غريب الهمس

انشالله اختي ابنة الرجل . .
ما يصير خاطرك الا طيب . .


مشكوره اختي ساره على مرورك . .
وعلى الرد . .
يعطيك العافيه . .