كتبت بواسطة السيدة فاطمة

يااخت قمر
العزيزة مستري يزاها الله خير شرحت لنا وانا سويتة بدون اكمام (صديري)
وهذا عملي

http://www.lakii.com/vb/showthread.php?t=647700

كتبت بواسطة السيدة فاطمة

اسفة انا اخطأت
المفروض اضع هذا الموضوع في موضوع شوشو
سقطة سهون
لان قمر 30 كانت تبي الشرح بالكامل

ولا يهمك ست فاطمة
ودايما سباقة لمساعدة الغير
رينا يديكى الصحة يا رب

الحمد لله مشكلة الصور اتحل
يبقى بأة يا حلوات
نلحق بسرعة لا تحصل حاجة تانى

توكلنا على الله

احنا كنا بنقول على الطريقة الجديدة
اللى بنعتبرها أفضل

نسيت أقولكم ان فيه ناس عشان تتخلص من موضوع الخطوط اللى بالعرض دى
بتقص الخيط وتعقده
طبعا بيبقى المنظر مش عايزة أقولكم وحش أد إبه
بالاضافة إلى ان الخيط كدة بيبقى إدمر
ما ينفعش تستفيدى منه فى أى حاجة

على فكرة يا بنوتات أنا فى الأول برضه علمونى ان الجاكار بيتعمل كدة
بس الحمد لله قبل ما ابتدى اشتغل
شفت الطريقة دى فى التليفزيون
لقيت انها احلى كتير والشغل بيكون نضيف من الأمام والخلف
ملاحظين ان ظهره (خلف الشغل) زى البلوفرات الجاهزة

وطريقته على فكرة سهلة جداً هى بس عايزة تأنى فى الأول شوية لغاية ما ايدك تاخد عليها

الفكرة ببساطة انك بتشتغلى باللونين مع بعض بس اللون الأساسى بيكون طبعا فى المقدمة
أما اللون التانى بنشبكة فى خلفية الشغل
عشان نتخلص من موضوع الخطوط العرضية اللى بتشوه شكل الشغل دى

وان شاء الله الخطوات المصورة هتبين بالتفصيل
تابعوا معايا

ادخال الخيط:
نيجى قبل الغرزة المطلوب ادخال الغرزة فيهم
ونرفع اللون الثانى على الابرة ونشبكه من الخلف مع هذه الغرزة

يعنى فى الموديل بتاعنا
احنا قلنا ان البداية من السطر الرابع
وأهو السطر مرة ثانية

6 غرز باللون الأساسى – 6 غرز باللون الثانى – 1 غرزة باللون الأساسى.

نعمل ايه بأة
نشتغل 5 غرز باللون الأساسى وبعدين نيجى فى سادس غرزة نرفع اللون الثانى ونضعه بجانب الخيط الأساسى ونشتغل الغرزة بتاعتنا عادى
هنلاقى ان اللون الثانى اتشبك فى الشغل من الخلف

نيجى فى الغرزة اللى بعدها نكرر نفس الحكاية بس بعكس اللونين
يعنى اللون اللى هنوقعه المرة دى هو اللون الأصلى
وهكذا كل غرزة

يعنى طول الوقت احنا بنبدل الخيوط حسب العدد الموجود فى البترون

بحيث ان الخيط يلف حوالين بعضه
يعنى كأننا بنبرم الخيط على بعض بحيث يكونوا كما لو كانوا فتلة واحدة


شوفوا كدة الصور

أهو زى الصورة اللى فاتت دى ملاحظين ان الخيط الجديد اتشبك فى الشغل الأساسى من الخلف

وبنفس الطريقة بعد ما أخلص شغل باللون الثانى وقبل ما أرجع للون الاول بغرزة واحدة

أعيد نفس الخطوات تانى

أرفع اللون الأول واشبكة بنفس الطريقة

وهكذا

نكمل ان شاء الله

ملاحظين وضع الخيط بيبقى ازاى فى خلف الشغل

ها يا بنوتات
اوعوا تتوهوا منى

مكملين ان شاء الله

شايفين الصورة اللى جاية ده خلف الشغل
نضيف خالص وما فيش فتل طالعة بالعرض ولا أى حاجة
صح

وهنا وضع الخيوط برضه من خلف الشغل








وهنا بأة امام الشغل




ودى واحدة أقرب وأوضح



متهيأ لى واضح جداً الفرقق بين العينتين

ونكمل

فاكرين الشغل هناك كان مفصول تماماً ازاى هناك
طيب شوفوا هنا








شايفين ما فيش اى تداخل فى الغرز
وكل غرزة لونها واضح ومحدد








ملاحظين كل ما الشغل بيكبر بيظهر أكتر









والصورة اللى فاتت واللى جاية بعد ما انتهينا من الموتيف بالكامل
على ظهر الشغل

ماشاء الله عليكي ياقمر
بجد ربنا يحميكي ويجعله في ميزان حسناتك
مجهود رائع وشرح ولا اجمل والله
كملي واحنا متابعين معاكي

وهنا بأة أمام الشغل




وكمان واحدة تانى







ودى بأة آخر صورة بعد ما قفلنا العينة تماماً
برضه من الظهر






أرجو أن اكون وفقت فى عرض الصور التى تبين الطريقة بالتفصيل
أنا كنت بأصور كل خطورة

ومستنية أسمع تعليقاتكم

على فكرة أنا قاعدة من الساعة 6 صباحا بدون انقطاع عشان أخلص الموضوع ده
ودلوقت الساعة 5 م تقريباً

بس يا دوب قمت صليت

وقريت سورة الكهف

يلا مستنية ردود أفعالكم

فى رعاية الله

كتبت بواسطة أم قسمت

ماشاء الله عليكي ياقمر
بجد ربنا يحميكي ويجعله في ميزان حسناتك
مجهود رائع وشرح ولا اجمل والله
كملي واحنا متابعين معاكي

ربنا يخليكى يا قسمت
وان شاء الله يعجبكم ويكون مفيد على أد تعبى فيه
مستنية أسمع رأيك النهائى