كيفية تحديد عدد غرز البداية

زى ما قلنا قبل كدة اننا هنستخدم العينة فى تحديد عدد غرز البداية

بعد ما بنخلص العينة
ناخد مقاساتها (أبعادها) طول وعرض
والحقيقة انه فى المرحلة دى أنا يهمنى أكتر عرض العينة

نقيس العرض بالمازورة أو بالمسطرة حسب المتوفر عندنا زى الصورة اللى جاية
شوفوا كدة



وطبعا بنحدد بالضبط من طرفها لغاية الطرف التانى بحيث نعرف هى كام سم
ودى صورة تانية

طيب إزاى ممكن نستفيد من الحكاية دى فى تحديد عدد غرز البداية تابعوا معايا

العينة الل أنا عملتها تكرار واحد
(12+8) يعنى عملت 20 غرزة
وزى ما انتم شفتم فى الصورة ان عرض العينة = 10 سم

معنى كدة ان كل غرزتين = 1 سم

فلو احنا قلنا ان عرض الشال = 50 سم
يبقى احنا محتاجين 100 غرزة للبداية
(ضربنا 2 * 50)

ماشى الحال يا حلوات

ليه بأة بنعمل الخطوة دى
لأن سمك الخيط وحجم الابر بيتحكموا فى حجم الشغل
فعشان اوصل للحجم اللى أنا عايزاه لازم احسب حسبة زى اللى فوق دى

وطبعاً مهم جداً من البداية اننا نختار الابر المناسبة لسمك الخيط عشان الشغل يطلع مرتاح لا هو مشدود ولا هو راخى

ماشى يا قمرات

طيب يبقى المطلوب ايه دلوقتى؟
براااااااااااااااااااو

كل واحدة بعد ما تخلص العينة تقيسها
عشان نحدد مع بعض كل واحدة تبتدى بكام غرزة

أنا مش هأعمل حاجة جديدة غير لما تقولوا لى الدنيا معاكم واصلة لفين
انا فى الانتظار

فينكم يا بنوتات
الموضوع صعب ولا انتم مش متابعين
طمنونى

رونا ياقمر انا جيت وحاعمل العينة واقولك بس الكاميرا بتاعة الموبايل باظت اول ما تتصلح حنزل الصور ماشي
شرحك جميل وبسيط تسلمي يا قمر

طيب بما انى مش عارفة المشكلة فى ايه بالضبط
وما حدش تقريبا بيدخل النهاردة غيرى

ده رابط لفيديو بيشرح كيفية عمل الغرزة
يمكن يساعدكم شوية

رابط مخالف يحتوي صووره نسائيه...

[ CENTER]والرابط فيه حاجات تانيةحلوة أوى
أن شاء الله خير[/CENTER]

على فكرة أنا مش محتاجة أعمل الشال
أنا بس بأعمله معاكم
لكن بعد كدة هأفك الخيط

فياريت ألاقى منكم إقبال كتر من كدة

كتبت بواسطة الملكة نوسه 18

رونا ياقمر انا جيت وحاعمل العينة واقولك بس الكاميرا بتاعة الموبايل باظت اول ما تتصلح حنزل الصور ماشي
شرحك جميل وبسيط تسلمي يا قمر

أوكى يا جميلة
بس طمنينى أول بأول الدنيا ماشية معاكى ازاى

وان شاء الله الكاميرا تتصلح قريب

يلا بأة تصبحوا على خير
وبكرة ان شاء الله لو حد عمل حاجة أشوفها

فى أمان الله

شال حلو وانشاء الله اشترى خيط وابدا

يلا يا جميل أنا معاكي وفي انتظار البدايه الفعليه

وده التطبيق بتاعي للغرزه

ماشاء الله ....ورشه رائعه ...عجبتني شكل الغرزه
كنت اتمنى اشارك معاكم
لكن خبرتي في الكروشه من ايام المدرسه
اعتقد لو مسكت الابره والخيط مش هفتكر حاجه