شنطتى الجديده كروشيه من صنع ايدى ... مبتدئه ورأيكم يهمنى
بسم الله الرحمن الرحيم
الصلاه والسلام على رسول الله
اهلا بيكم اخواتى فى المنتدى الجميل
ده اول موضوع ليا
لكنى من فتره متابعاكم فى القسم
وحابه اوريكم اول شنطه عملتها يارب تعجبكم
ونفسي تنزلو ورش لشنط كتييييييييير لانى بحب الشنط الكروشيه
وده شكلها من الجنب
انا ركبت للشنطه زى زر لانى ماكنتش مركبه سوسته
بالنسبه لطريقه عمل الشنطه::
*فى البدايه عملت 75 سلسله اللى هى تعتبر طول الشنطه مش عرضها
وبعدين السطر التانى عملت 4 سلسله وبعيدين فى نفس العمود عملت 2 عمود بلفتين يعنى كأنك عملت 3 اعمده بلفتين فى اول سلسله وبعدين تركت 3 سلسله وعملت فى الرابعه نعمل غرزه حشو وبعدين طلعت 4 سلاسل وفى نفس السلسه اللى عملت فيها غرزه حشو عملت عمودين بلفتين وهكذا اترك 3 سلاسل وفى الرابعه اعمل حشو ثم 4سلسه وعمدين بلفتين فى نفس الغرزه بتاعه الحشو وهى دى الغرزه اللى اشتغلت بيها كل الشنطه لحد ما وصلت لعرض الشنطه اللى انا عاوزاه
*بعد ما خلصت جسم الشنطه كله اللى هو القطعه المستطيله
بدات بعمل غرز حشو عند الطرفين العلويين ولكن بترك عمد (يعنى اعمل غرزه حشو فى عمود واترك عمود وهكذا هيعطيكى فى النهايه الشكل المكشكش للشنطه من فوق) ولما تخلصى اول سطر من غرز الحشو نعمل 5 سطور من غرز الحشو
ونفس الطريقه فى الناحيه الخلفيه للشنطه
*واليدين انا اشتغلت سلسله من طرف للطرف الاخر حسب طول اليد المرغوبه
واشتغلت قطعتين خارجيتين مستطيلتين بنفس طول اليد وقفلهم على السلسه اللى كنت عاملاها فى الشنطه يعنى السلسله اصبحت الحشو
وبعد كده بتستخدمى لون مختلف او نفس اللون حسب رغبتك عشان تقفلى الشنطه وتقفليها عادى بغرزه حشو
*الشكل الدائرى بيتعمل لوحده وبعدين يتشبك فى الشنطه
بانك لما تشبكى الجانبين فى بعض تسيبى حته فى اخر الجنب على اد الدايره وتشبكيهم بغرز الحشو
ماتبخلوش عليا بردودكم حتى لو نقد
لانى هتعلم من خبرتكم
تحياتى
الروابط المفضلة