السلام عليكم ورحمة الله وبركاته..
هه هه هه هه هه هه ههه هه هه هه هه <<تتنفّس بصعوبة... من صعوبة الموقف..
خلوني آخذ نفس شوي بس قبل لا أبدى سالفتي لأني حتى الحين مصدومة...
السالفة حبيباتي..
طالعة أنا وزوجي العزيز ومعزبتنا(إبنتي)
طبعا بنتي عندها كرسي أمان في السيّارة ..لكنها عداوة معه..فالسيارة تمشي الحين والبنت تصارخ تبي تجاكرني قدام ..مو مشكلة..قعّدتها معي في حضني ..وأنا وأبوها نسولف والشارع ما فيه سيّارات..زوجي شاف الشارع فاضي فراح يسرع ..ولمّا قربنا من الدوار داس على الوقود يزيد السرعة <<يبي يفحّط أبو الشباب (خوش رب أسرة )
الحين السيّارة مسرعة على لفّة الدوّار وبلمح البصر ..
راحت المفعوصة ..وفتحت الباب
في اللحظة المناسبة مسكتها من تحت أباطها ..ورجولها تتدلّى في الشارع ...وأنا متمسكة بذراع زوجي..والأخير مو مستوعب الأمر ..ليما صحت عليه وقّف ..وقّف ..وقّف..
وقّفنا ..طبعا أنا ردّة فعلي الفورية لمثل هذي المواقف ..ضحكة هبال... .وزوجي العزيز عطاني عين حمرة محترمة ..وبنتنا صاح فيها صيحةمحترمة ..خلّتها الباب بكبره ما تمسكه ...
تخّيلوا الموقف..
أتوقع في بنات صادهم مثل هذا الموقف..أنتظر.. <<متأكدة
**
الروابط المفضلة