أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!
ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و ان هب فيك عفريت قتيل إسألـــــــــه
ما دافعش ليه عن نفسه يوم ما اندبح
عجبي !
هات يا زمان و هات كمان يا زمان
غير بسمة الشجعان مامني يــــبان
هو اللي داق الفرحة يوم ثورتـــــه
يقدر يعود و لا ثانية للأحــــــزان ؟
عجبي!