شوشو صبآآحتس قشطه بالعسل ..
وينه عزوزي ودي أعضه وأخمــه خمآ عنيفآ
وهـ بس من الحين بيرسلتس وآآآبل من البووسآآت
وتري اذا منتي متزوجه ابي ازوجتس اياه ..؟؟ هو كشخه واهم شي يمووت بهايبر بنده يعني لو تجلسين فيها اربع وعشرين ساعه ماتطق تسبده ..
وش تبين احلى من تسذآ بعد ..؟؟
لأ أبدا ياملي أنتي ,,
" ياملي <== شكلتس حايليه او قصيميه صووح ..؟؟ "
مطولين بالأحساء ؟
حنآ بين جبآل اجآ وسلمى يالغاليه وابيتس تزوريني وانتو مآرين من حآيل
بس قولي لي اطلععلتس على الشارع العام والوح لتس بيدي الكريمه
وحياتس الله بشقتي الأنيقه والمرتبه والمتوآضعه ..
بس لاتنسين تجيبين معتس هديه للعريس عصير مانجو المراعي وكيك يمامه ومصاص عشان تتربعين بقلبه
وش وظيفة خالك ولامؤاخذه ؟
موظف شركة ارامـــكو ..
عذرا على هالتطفل الكبير مني .. !
لاا ولو بتموني تأبري ألبي واي شي بدك اياه بس خبريني <=
وسلميلي على اميمتك يامال الجنة
الله مير يسلمتس ويبقيتس لعينٍ ترجيتس
ع الطـــــآآري ياعسوله
انا كلمت خالي امس قلت له وحده من خوياتي تدور شقه ومن هيك سوالف
قال انا اقدر ادبر لها شقه عندي خوي وله مكتب عقآر كبير ..
بس وش مواصفات الشقه اللي يبونها ..؟؟
قلت مدري ياخآل
قال كم عددهم ؟
قلت مدري
قال ممم طيب يبون دور ارضي او علوي ؟
قلت مدري يـا أبو بدر
قال طيب يبون الغرف الدآخليه اوسع او المجالس اوسع ..؟؟
قلت آي دونت نوو
قال : ممممممممم شكلتس ماعنتدس ماعند جدتي
قلت :
افا عليك انا طالعه عليك اجيب لك المعلومات من تحت الارض
قال طسي مناااااك
<== مو كأنه طالع على اخته ..؟؟
ويوم كسرت خاطره قال لا والله وانا اخو نوره ماعاش اللي يكسر خاطر بنت اختي
قال طيب وش رايتس تقولين لهم يجون الاحساء ويسكنون بشقق مفروشه مؤقته ويختارون شقتهم على كيفهم وبذوقهم ..
وانا بدق على واحد من اخوياآآي وبرسلتس على جوالتس بعد سآآعه ارقام واسعار ومستوى خدمة الشقق هنااك واي شي تبينه انا حااضر .. حنا كم عندناا ....؟؟
"
نطق بإسمي الحلو "
وبعد هالمكآلمه
انشــــاء الله اكون افدتكـ ولو بالشئ القليل وانا حاضره بأي خدمه ..
ارقام وشقق مفروشه بالأحسآآء ارسلهم لي خآآلوو
هفوف هاوس للشقق المفروشة / 5821267_5866196
العنوان / الهفوف.الفيصلية.شارع الامام علي رضي الله عنه
المستوى / ممتاز السعرالتقريبي / الشقة 3 غرف ب150 ريال
السليمان للشقق المفروشة / 5863539
العنوان / الهفوف.شارع الستين(شارع المحدود العام) حي الصالحية
المستوى / ممتاز السعر التقريبي / 150 ريال
ابراج المملكة للوحدات السكنية
العنوان / الهفوف.شارع الخالدية العام
المستوى / جيد جدا السعر التقريبي / بين 130 الى 160
الأحساء للشقق المفروشة 5885555
الشقق هذي مره نظيفه .. وتعاملهم مرره ممتاز
استأجرناها احنا شخصيآ لمدة شهر 1800 ريال .. وعندهم dsl
الدوحة سنتر للشقق المفروشة / 5807575
العنوان / الهفوف.شارع الخالدية العام
المستوى / جيد جدا السعر التقريبي / 120 ريال
روزا للاجنحة المفروشة / 5809457
العنوان / الهفوف.شارع الخالدية العام
المستوى / جيد السعر التقريبي / 100 ريال للشخصين
وترى على كــلآم خآلي الأسعآر مو ثآبته وقآبله للمفآوضه .. لو لاحظتي خآلي
اقتصآدي ماشآء الله عليه ماجاب لكم الفنآدق اللي الليله تصك الأربع مية ريآل جاب شقق رخيصه ونظيفه .. يآآآقلبي هوو
وكــآن ودي والله ادلك على شقق ايجآر سنوي بس والله خــآلي ماعطـآني وجه ..
واعذريني على تآآخر الرد بس " زوجي" الله يهديه اليوم جآب لي بطاقة شحن للكونيكت
وقبل مآآآختم كلآآامي اتمنى لكـِ اقامه سعيده في مدينة خآآلي
دمتي بود غاليتي
الروابط المفضلة