بسم الله الرحمن الرحيم


عندى اقتراح ليكم يا بنات وسيدات العرب طبعا كتر الف خير التكنولوجيا والتطور اللى وصلنا ليه ووصلنا ليكم بس انا فى رأيى انه ليه بعض السلبيات واكيد ايجابيات كتير
يعنى كان زمان ايام جدتى وجدتكم فى حاجة اسمها الزيارات الودية سواء بين الاصحاب او بين الاقارب .........واوعو تقولولى كل واحد مشغول بالبيت والعيال والشغل والدنيا اللى مش سايبة حد فى حاله...... زمان كان فيه كل دة كان كل واحدة عندها عيالها وبيتها وجوزها وشغلها وكانو برضو بيتزاوروا وبيوصلو الارحام ولو مرة كل شهر احنا بعدنا عن بعض كتير و كل ما بنبعد عن عادات زمان بنخسر المستقبل و واحدة واحدة بنبقى لوحدنا متفككين .........معلش طولت عليكو بس كان لازم اشرح لكم الهدف من اقتراحى....
انا بقترح ان كل مجموعة اعضاء موجودين فى مكان واحد او دولة واحدة او محافظة واحدة يحاولو يتجمعوا في مكان واحد ولو مرة كل شهر على الاقل تزيدمعرفتنا ببعض وبعدها تنقابل كلنا فى المنتدى ونحكى ونتشاور مع بعضينا دوليا فى كل اللى صار على الاقل اى واحدة هتحب تسافر ل اى دولة عربية هتلاقى اهلها مستنينها ومكانها اللى ما تحس انها غريبة عنه وانها فى بلداها ............. يعنى الملخص المفيد نعمل تنفيذ فعلى للمنتدى على ارض الواقع ويكون ليه فروع فى كل دولة عربية واسلامية


اتمنى يكون اقتراحى دة عجبكم ويا ريت ننفذه لأن انا واحدة من اللى بتعانى من الوحدة دى وبصراحة الكمبيوتر بيزود وحدتى
وانا اسمى هالة او (ام انس )من مصر وساكنة فى الجيزة عندى 27 سنة وبحب الاماكن المفتوحة عشان كدة بقترح على الاخوات الاعضاء اللى موافقين على رأيي اننا نتجمع فى (حديقة الازهر) ومكانها كمان متوسط بين الشرق والغرب والمناظر فيها تحف
ايه رأيكم حد يدوس معايا؟؟؟؟؟؟
فكروا وردوا عليا
وشكرا لصبركم عليا وقراءة الموضوع للأخر
جزاكم الله كل خير ..

فكرة حلوة جداااااااااااااااااااااا


بس الفكرة مش بالسهوله اللى انتى شيفاها يعنى مش معقول كلنا هنتجمع فى يوم واحد كده مرة واحده

انتى عارفه ممكن دا يحصل مع الوقت هتلاقى نفسك ليكى كام صديقه وهتقربوا من بعض اوى اوى

وبعد كده من الطبيعى انكم تتقابلوا
لكن هنتفق كلنا على يوم ونجمع فى حديقه الازهر من غير معرفه

اعتقد صعب

ان شاء الله مع الايام مش هتحسى بالوحده هنا ابدااااااااااااااااا

تقبلى خالص حبى

عهد