وعليكم السلام ورحمه الله وبركاته
ليه كده الموضوع ده المفروض يكون سرى عشان بس شكلنا ما يبقاش وحش
الانترنيت له معايا قصته قصص مش قصه واحده
اولا انا كل اخواتى تخصصهم كمبيوتر ( انا الوحيده اللى شذيت عنه وتخصصت تغذيه متميزه طول عمرى ) فعرفت عنه من زمان جدا وكمان الاجهزه فى بيت ابويا من زمـــــــــــان ( قبل اختراع الويندوز تخيلوا يمكن سنه 90 او قبلها )
ولكن بما انى شخصيه علميه بحته فكل ما كنت اعرفه عنه انه للبحث العلمى واغلب المراجع للماجيستير كانت منه وكمان بعدها اتخطبت وعقد قرانى وزوجى سافر فكان كل مراسلاتنا ايميلات وبالنسبه للتسجيل وخلافه لم اجد مشكله طالما تفهمى الكلام الباقى سهل
بدأت ابحث عن مواقع المحادثه عندما سافرت مع زوجى لاتحدث مع امى واخواتى طبعا بطء الاتصال جعل المهمه شبه مستحيله
واغلب تصفحى كان لمواقع طبيه وتغذيه فقط وكلها انجليزى ( ايامى ايام حفر البحر كلمه المقصود بها حفر قناه السويس ايام زمان ) كان اغلب المواقع انجليزى والعربى قليل وتقريبا نادر
مفهومى عن المنتديات وخلافه كان مفهوم سىء للغايه اعتقدت انها فقط لناس !!!!!! وكلها كلام لا ينفع واول منتدى اشتركت فيه كان لكى
طبعا فى البدايه اسألتى كانت تنم عن السذاجه بس عادى
ما شجعنى على الاشتراك ركنين الحقيقه فى ركن التغذيه كان قلبى يتقطع من المفاهيم الخاطئه فى التغذيه التى تندرج تحت خطر مميت (بجد وبدون هزار بعض الممارسات خطر جدا ) حاولت ان اوضح وجهه نظر التغذيه فيها والذى شجعنى اكثر احساسى بحسن نيه البنات ولكن اللى ينقص المعلومات التى تطرح باخلاص النيه لوجهه الله تعالى
والركن الاخر الحبيب على قلبى ركن الاشغال اليدويه فالروح فيه جميله والبنات رائعات وانا بما انى خبيره فى الاشغال اليدويه بدأنا الغرور ( لأ بجد احسها افضل كثير من الجلوس للحكى الفاضى والكلام على خلق الله او امام التليفزيون )
والمشرفات وقتها كانوا لمووو وطيف فى التغذيه وايمان على ولوز ربنا يكرمهم ويبارك فيهم فعلا رائعات
موقف سخيف تعرضت له طبعا لانى ساذجه فكنت اتوقع كل الناس الدكاتره نصيف علميين مثلى فجائنى على الماسينجر رساله وصاحبها او صاحبتها تدعونى لموقع وانا بهبلى وخيبتى فتحت الملف وكان حسبى الله ونعم الوكيل من يومها عملت خاصيه لا استقبل رسائل الا بعد موافقتى الشخصيه على ايميل المرسل
والموقف الاخر كنت اعمل بحث عن كلمه الزنك ( واقصد فى التغذيه ) لبحث الماجيستير طلع لى زنك المناجم وكيفيه التنقيب عنه شىء مختلف تماما
وما تعلمته من الكمبيوتر ككل لابد انى اجرب بنفسى ومش مهم اغلط بس التجربه هى خير معلم طبعا بعد الاسئله والذى منه
اول موضوع كتبته اكيد عن التغذيه بس ناسيه هو ايه
الروابط المفضلة