السلام عليكم ورحمة الله وبركاته

أولا أنا بحب المنتدى ده جدا جدا جدا
والله بجد من غير مبالغة مش عارفة حياتى كانت هاتبقى عاملة ازاى لو ماكنتش عرفت المنتدى ده


المهم


المنتدى ده بجد هايتحسد ده ان ماكانش لسه اتحسد
او احنا اللى هانتحسد عليه

أقول لكم ليه؟؟؟؟؟؟؟؟؟؟

المنتدى ده بجد أثّر فى حياتى وخلانى آخد قرارات جامدة جدا

مع انى كنت فاكرة ان علاقتى بالمنتدى مش هاتتعدى مجرد شوية ماسكات وريجيمات وموضوعات لذيذة وخلاص

بصوا هاقول لكم اللى حصل بالظبط وخلانى أكتب الموضوع ده



(1)
من فترة اتقدملى واحد
وقبل ماأقعد معاه كتبتلكم هنا وأخدت رأيكم فيه من خلال اللى أعرفه عنه

وقعدت معاه

وبعد ماقعدت

كتبت تانى وأخدت رأيكم فى الحوار اللى حصل بيننا

وناس كتيرة شجعونى ده بعد الاستخارة طبعا انى أوافق

والحمد لله اتخطبنا

وبعد فترة ماكملتش شهر على الخطوبة

طلب منى نعمل كتب كتاب علشان ظروف سفره وحاجات من دى

وطبعا انا اتخضيت جداااااااااااااااااااااااا
ورفضت رفض قاطع

بس أخدت رأيكم

وبُناااااااااااااااء على الاستخارة وآرائكم وافقت

وعملنا كتب كتاب

والفرح بعد شهرين ان شاء الله


ومرة واحنا قاعدين مع بعض
قال لى قوليلى بجد ايه اللى كان مخليكى رافضة موضوع كتب الكتاب اوى كده
وايه اللى غيّر رأيك وخلاكى توافقى

قلتله كنت مش موافقة علشان كنت خايفة جداااااا ان اقل مشكلة تحصل نسيب بعض وأبقى مطلقة

واللى شجعنى على الموافقة......
(منتدى لكى) (ركن النافذة الاجتماعية)


وحكيتله الحكاية
قال لى ياسلااااااااااام وهو فيه منتدى ممكن تثقى فيه كده لدرجة انك تاخدى برأيهم
قلتله ماهو ده مش اى منتدى
واستغرب جدااااااااااااااااا حبى الغريب للمنتدى




(2)
انا متعودة أعمل سويت لنفسى من ايام ثانوى
يعنى من 6 سنين تقريبا
وكنت طبعا باتعذب مووووووووووووووووووووت
خصوصا فى الأماكن الحساسة
ودلوقتى أصحابى وقرايبى بيستغربوا جدااااااااااااااااا لما أقولهم ان أحلى يوم عندى
هو يوم السويت
بيقولولى ازاى يعنى ده يوم معاناة وتعذيب
وأنا اقول لهم لااااااااااااااااااااااااا
ده بعملها بطريقة كذا كذا
ويقولولى وسهلة بقى دى؟؟؟؟؟؟؟؟؟؟؟
أقول لهم طبببببببببببعا
يقولولى عرفتى الحاجات دى منين؟؟؟
وحكيتلهم الحكاية
قلت لهم

(منتدى لكى) (ركن الجمال والأناقة)
ويستغربوا جدااااااااااااااااااا ان فيه منتدى ممكن اثق فى أى خلطة موجودة فيه
او ماسكات او أى حاجة..ويستغربوا أكتر ان فيه منتدى خلّى من الصعب سهل كده
وبيستغربوا انى مش شايلة هم اى حاجة خاصة بالجسم أو الشعر
لانى بابقى عارفة ان اى حاجة هحتاجلها هالاقيها هنا


(3)

أنا وبدون مقدمات كتيرة خسيت مرة من المرات 18 كيلو
وكل اللى حواليا سألونى عن السر
وكانوا بيضربوا كف بكف من التغيير اللى حصل لى
وحكيتلهم الحكاية
وقلت

(منتدى لكى) (ركن التغذية والصحة والريجيم)



(4)
دلوقتى انا فى مرحلة التجهيز لشقتى ونزّلت صور كتيرة لديكورات عاجبانى جدااااااااااااااا
واصحابى شافوها وقالوا دى جميلة مووووووووووووووت
بس جبتى الحاجات الحلوة دى منين
وحكيتلهم الحكاية
وقلت

(منتدى لكى) (ركن التصميم والديكور)




(5)
أصحابى بقى ملاحظين انى مش قلقانة خااااااااااااالص بخصوص فترة الفرح
اللى هى الكوافير والميك أب والأماكن اللى هادوّر فيها على فستان الفرح
قلتلهم لاااااااااااااااااااا
وحكيتلهم الحكايةاللى هى

(منتدى لكى) (ركن الألعاب والترفيه)

وقلتلهم ان هنا تجمع لكل بنات بلدى
بنعرف من بعض أماكن الفساتين والكوافيرات والقاعات
وكل حاجة بنحتاجها بنلاقيها


(6)

الحمد لله بفضل ربنا
حفظت الصيف اللى فات جزء من القرآن
وده طبعا بفضل الله والاخوات (الأنبارية...وندى الاخاء)
وكانت ماما تقول لى يابنتى قومى احفظى انتى سايبة القرآن وقاعدة على النت؟؟؟
كنت اقول لها
ياماااااااااااماااااااااااااااااااا
ماهو أنا باسمّع هنا
واستغربت اوى
ان فيه حاجة كده
وان ممكن يكون فيه ناس بيشجعونى على حفظ القرآن
وده طبعا من

(منتدى لكى) (نزهة المتقين)



(7)
كنت فى حالة صعبة جدا فى الصيف اللى فات
وكانت نفسيتى وحشة جدا
هاقول لكم ليه بقى مااحنا كلنا اخوات
أصل انا كان نفسى اتخطب اوى
انا لسه 21 سنة و 5 شهور على فكرة
بس كنت باتمنى انى أتخطب علشان أحب فى الحلال وأبنى أسرة
وكنت بادعى ربنا ليل نهار بكده
وفى

(منتدى لكى) (روضة السعداء)

لقيت موضوعات كتيييييييييرة عن فضل الاستغفار اللى بيبعد كل هم وضيق
وعن أسباب وأوقات إجابة الدعاء
وحاجات كتيرة جدا استفدت منها الحمد لله


لسه ركن الحمل والولادة بقى ادعولى ادخله قريب هههههههههههههههههههههههه

بذمتكم بقى مش احنا هانتحسد ده اذا كنا لسه مااتحسدناش؟؟؟؟؟؟؟؟؟؟

يلا بقى نقرأ سورة الفلق وندعى ربنا انه يخليلنا منتدانا الغالى ده
واللى يوم مابيكون فيه صيانة بابقى حاسة ان الدنيا كلها واقفة وبابقى عصبية جداااااااااااااااااااا
وان شاء الله هافضل متابعة ومشاركة بعد ماأتجوز وأسافر ان شاء الله
علشان انا بحبكم كلكم جدااااااااااااااااااااااااااا
وباحس انى وسط أهلى وانا معاكم
وبتعوضونى عن حاجات كتيرة بجد

ياااااااااااااه ده كله مااااااشاء الله طبعااااااااا يايمااااااان مفيش اتنين يختلفوووووو ان منتداناااااااااااااا من افضل المنتديااات وخصوصاا كل العضوات الي فيه عارفين ربنااااااا والمنتدي بحس انه منتدي ديني يراعي الله في كل موضوع يطرح فيه الحمد لله والله يبعد عننا عيون الحااااقدين

السلام عليكم
اموووووووووووووووووووووووونة الحلوة
كيفك وشو اخبارك
كتيييييييييييييييييييير مشتاقالك
ربي يتمملك على خير يارب
طبعا منتدى لكي احلى منتدى في الدنيا وانا بصراحة مش حافظة الا هو في المفضلةو بحبه جدااااااااااااااااااااا
يارب يبارك في القائمين علية وفي المشرفات الي زي العسل وفي كل المشتركات الافاضل ويجعله في ميزان حسناتهم جميعا
امونة حبيبتي فوتي وطمنيني عليكي لاني مشتاقاااااااااااااااااااااااااااااك كتييييييييييييييييييييييييييييير
في امان الله

أخيرا الكمبيوتر بتاعك أتكلم عربى
مبروك حبيبتى
باين عليكى انتى اول واحدة هتحسدى المنتدى
لأن المنتدى موش مخليكى عاوزة حاجة وموش مقصر
نحن جميعا نشكر الله على أننا وجدنا غايتنا فى هذا المنتدى
كلما أحتجنا أى شىء فى أمور الحياة وجدنا من العضوات والمشرفات كل العون ..فهم كأسرة واحدة
يساندون بعضهم بعضا
شكرا حبيبتى
وألف مبروك

انا مشتركه جديده بالمنتدى بس عن جد بحس اني متعلقه فيه كتير بس ما بدنا نحسد حالنا

السلام عليكم ورحمه الله وبركاته
اختى ايمان
ربنا يارب يتمم فرحك على خير ونشوفك احلى عروسه
ونعطيكى لقب عروس منتدى لك
يعنى انتى مريتى على كل الاقسام واستفدتى منها الا قسم واحد انا اعتقد انه اهم ركن
علشان لما جوزك يسألك ايه الروعه والجمال والابداع ده
تقوليه
ده
قسم المطبخ من منتدى لك
صح
؟؟؟؟؟؟؟؟؟؟؟
ربنا يفرحك ويسعدك ويملأ حياتك سعاده
ومتنسيش تعزمينا عالفرح

مبروك يا قمر ومتنسيش تعذمينا
واكيد هنجبلك هدية حلوة من ركن الحفلات والهدايا

ههههههههههههههه
الظاهر المنتدى فعلا هيتحسد
انا ابنى بيقولى هو مفيش غير منتدى لك ده
مفيش حاجة ممكن اعملها علشان الغيه من الكومبيوتر
ههههههه بيغير منه لان كل شوية اقومه من عالجهاز واقول له هشوف بس حاجة فى منتدى لك
ربنا يخليلنا المنتدى وكل العضوات الحلوات القمرات ال بالنسبة لى بقوا زى اخواتى

والى الامام دائما
وعين الحسود فيها عود

لسه ركن الحمل والولادة بقى ادعولى ادخله قريب هههههههههههههههههههههههه

ان شاء الله قريب الاقيك فيه وتنضمي للاخوات هناك في التجمعات
ونفرح فيك وفي ولادتك
وبعدين تجي عندنا في ركن الطفولة ونلاقيك تستفسري عن ولي العهد بيبكي ازاي ااكله

ربنا يكتب لك كل خير
ويتمم لك على خير ويجمع بينك وبين زوجك على خير.

ويبعد عنا وعنكم شياطين الانس والجن.

والله يا ايمان عندك حق .انا فيا طبع تلاقيني صعب أبتدي حاجه وأكمل دايما بمل...بس وحياتك من يوم ما دخلت المنتدي وانا لاجئه فيه..لأ وايه..طول النهار أحكي لجوزي ...انا شفت عالمنتدي..قريت فالمنتدي...في المنتدي بيقولوا...انا نزلت فالمنتدي ...جبت من المنتدي...لما تقربيا خلاااااااااص زهق مني...بس هو مبسوط علشان حاسس اني بستفيد منه وبقضي فيه وقت كويس مع ناس كويسه...ربنا يلم شملنا دايما علي الخير يارب....