اخواتى الحبيبات انا فى ازمة لا يعلم بها الا الله و لانى اثق بكم قلت لابد ان احكى و اسال المشورة

منذ وفاه والدى رحمه الله قرباة خمس سنوات و انا و زوجى فى خلافات بسبب زوج اختى

الفاظ لا تتخيلوها و قلة ادب لا تتصورها طبعا ليس من غير السبب و لكن السبب ان هذا الرجل و

زوجتة ناس مرضية نفسيا عايزة نفسها احسن و اغنى و فوق كل دا عايزة الناس تمجدهم

ايوا يا بيه حاضر يا باشا احنا تحت امركم الكلام دا و الادهى انه و دا مش كلامى دا كلامى

اخوه وواحد تانى قريب لينا انه بتاع ستات و كمان انه انسان متكبر لدرجة ان اخوه قاله

انت خليت ابنك يطلع متكبر زيك و طبعا مفيش داعى افكركم ( لا يدخل الجنة اللى فى قلبه

مقدار ذرة من كبر ) دى كلها مقدمة كان لابد منها حتى اصل الى رد سليم منكم

باختصار اختى دى رافعة عليا قضية تزوير انا زورت عشان استولى على الشقة

مع العلم انى انا نفسى اتنصب عليا ورغم كده اشتريت نصيب 2 من اخواتى

و قلت انا اتصرف مع الراجل النصاب لكن اخواتى ملهمش دعوة بالقضية دى

حقهم يروح ليهم فانا كده معايا نصيبى انا و اخواتى يعنى 3 انصبة و كنت بحاول

اشترى من التالتة فطمعت و طلبت منى ضعف المبلغ و حصل مشكلات بينى و بينها

فبلغت اختى التانية الحقى اختك استولت على الشقة فراحت رافعة قضية انى زورت

عشان استولى على نصيبها بالله عليكم فى حد يزور عشان نصيبين دا حتى المثل

بيقول ان سرقت اسرق جمل ) المهم الناس نصحونى اتصل بيها و احاول انهى الموضوع

وديا و انتوا اخوات و الكلام دا فاتصلت بيها طلبت منى 70 الف جنية مع العلم ان حقها اصلا

6 الاف جنيه و بعد ما القضية راحت المحكمة برضه الناس قالولى اتصلوا بيها و حاولو تنهوا

الموضوع فقلت لماما اتصلى بيها شوفى طلابتها ايه ماما ردت عليا و الله يا جماعة بنفس اللفظ

( هيا مش عندها فيلا و عربيات وبيقلوا انهم اغنياء خلاص خليها تشفنا بمبلغ بقى و بعدين خليها

هيا اللى تحكلمى و انا اتفاهم معاها ) طبعا الغل و الحقد اللى فى قلبهم بان من اول المكالمة هيا

مشكلتها كلها مش عايزة بيت مستقر الا هيا مش عايزة حسن كويس الا هيا و مشكلة جوزها

هيموت و يقطلقنى عشان يلمنا احنا الخمسة حواليه و هوا يبقى ديك البرابر و الله لا مش كلامى انا

دا كلام ابن عم بابا اللى هوا عارفه اكتر منى



بعد كل اللى قلته تنصحونى اكلمها و لا لا مع العلم انا معرفش نيتها ايه ممكن اتصل بيها تقولى

كلمتين يسموا البدن و فى الاخر انا مش هتنازل او تطلب مبلغ خيالى او او او او


و كمان فى نقطة تانية تنازلها هيحسن موقفى فى القضية فقط و ليس يلغيها يعنى

برضه فى احتمال انتى اتسجن بس بدل سنتين مثلا ممكن يبقوا سنة و كمان القاضى

ممكن يكون عنده رأفة بحالى انا و اولادى و يدينى حكم مع ايقاف تنفيذ



ادى مشكلتى اللى اختنا سحر جزاها الله عنى خيرا كانت تطلب الدعاء لى بسببها

و انا للان لا اعرف لى حل غير الدعاء و اطلب منكم الدعاء

فحالى كله بين يد خالقى ثم القاضى و الله يعلم كل العلم انى بريئة

انتظر تعليقكم و آرائكم اللتى اثق بها

و ارجووووووووووووكم لا تتخلوا عنى بالدعاء

حبيبتى ام مرام
سينصرك الله ان شاء الله
قلوبنا معك و دعواتنا لك بالخلاص من هذه المحنه

الله ينصرك يارب ويثبت اقدامك
والله يهديها
بس انصحك انك تحاولي برضو معاها ويجوز تسحب القضيه بالكامل ان شاء الله
ومش حننساكي من الدعاء وربنا يقدرنا

ربنا ينصرك باذن الله

وقلبي معك

اقول ايه بس ربنا يسامحهم

ربنا معاك باذن الله

لا حول ولا قوة الا بالله
لما الاخوات يعملو كده فى بعض الغريب يعمل ايه
ربنا يهديها عليكى ويحنن قلبها يارب
وينصرك يا رب على من يعاديكى

كان الله في عونك حبيبتي
ربنا يبعد الشيطان عنكم
ويهدي زوجها باذن الرحمن
حاولي تكلميها بس علشان هي رحمك
ولا يجوز ان تكون بينكم مشاعر مشوهه
بس لا تاملي كثيرا لان دلوقتي اللي له نصيب قليل
في اي عقار كانه معاه مصباح علاء الدين السحري.......واكيد زوجها ماثر عليها
ربنا يفك كربك وانشاء الله خير
ولن انساكي من دعائي

السلام عليكم ورحمه الله

اختي الغاليه ام مرام

اسال الله العظيم رب العرش العظيم ان يفرج كربك و يزيح هذه الغمه عنك

انه تعالى القادر على كل شيئ ...

حبيبتي انا من رأيي انك لا تكلميها انت بل اجعلي بينكم واسطه

يعني اذا في احد في العائله كبير و له كلمه مسموعه واحترام

اجعليه واسطه خير و لا تيأسي من روح الله عليك بدعاء يا غاليه

فدعاء المظلوم ليس بينها و بين الله تعالى حجاب ....

قلوبنا معك يا غاليه .

اللهم يا قريب يا مجيب دعوه الداعي إذا دعاك اسالك يا رب العالمين بكل

اسم هو لك واسالك بأسمك العظيم الذي اذا دعيت به اجبت

ان تفرج هم اختنا با الله ام مرام اللهم افرجها عليها و عجل بلفرج يا ارحم الراحمين اللهم امين .

اللهم صلي و سلم و بارك على سيدنا محمد و على اله وصحبه اجمعين .

اختي ام مرام

انت مكروبة لان الادى اتاك من اقرب الناس ..لا حول ولا قوة الا بالله.
الله لا يرضى بالظلم لعباده..وينصر المظلوم ..

ربنا ينصرك على من ظلمك ويفك ازمتك على خير ..
اللهم تقبل دعوات كل من مر من هنا يا سميع يا مجيب.

ان ينصركم الله فلا غالب لكم
بذن الله يرد الله الحقوق لاصحابها
ويقف معك فى محنتك

ربنا يفرج كربك

اعزرينى معنديش كمبيوتر حاليا
بدعيلك