الفقى لما يسعد

طبعا تلاقيكم أفتكرتم أنى ( )لأ متخافوش أنا لسه هنا
أمبارح وانا معاكم الصبح رن التليفون
أختى الكبيرة كلمتنى
ها أزيك عاملة أيه
الحمد لله
النهاردة حنة عمرو (أبنها )
ماشى ألف مبروك
وحياتك بلغى أخواتك
حاضر
تليفون تانى
أختى التانية
ها أزيك عاملة أيه
الحمد لله
كتب كتاب سلمى يوم السبت
ما شاء الله
واعملى حسابك هتباتى معايا من يوم الجمعة
عشان تساعدينى
ماشى
تليفون تانى
صديقتى
أيه يا بنتى أنتى فين أتصلت كتير وملقتكيش
أنا سيبت البيت
يا نهار أسود .....ليه
لألأ خلاص مينفعش أعيش مع الراجل ده تانى
طب أهدى ..........أهدى
ياريت تروحى تطمنينى على العيال
وتتصلى بيا
ماشى
تليفون تانى
أختى
(أم سلمى )
أنا موش هاقدر أروح حنة عمرو
ليه يا بنتى أختك ها تزعل
يا ستى معلش ما هو أحنا نبقى نروح حنة محسن
(أختى الكبيرة ماشاء الله عليها هتجوز ولدينها فى يوم واحد )
أختى الكبيرة عندها محسن وعمرو /وعبدالله
والفرح يوم الأربعاء

طب حاولى ....ربنا يسهل
وبعدها والله كام تليفون كمان
كنت حاسة أن الدنيا أتقلبت فجأة
أضطريت أسيبكم وأشوف ها عمل أيه
ومعلش أعذرونى اليومين دول لغاية
ما تخلص كل الأفراح
ربنا يسعد الجميع
صاحبة البيت مرفوعة من المنتدى اليومين دول
>
>>>>>>>>>>>>>>>>>
>>>>>>>>>>

الف مبروك وان شاء الله كل ايامك فرح

ألف مبروك على مجموعة الأفراح اللي عندكم
وما تخافي رح نكون بالانتظار

الحمد لله ان المانع خير ...و تاخيرك بسبب افراح

ربنا يديم عليكى الفرح دايما و عقبال ما تتلخمى فى فرح اولادك باذن الله

ليكى وحشة كبيرة و من الصبح بدور عليكى فى المنتدى كله....

بس معلش خلصى اللى وراكى و ارجعى لنا بالسلامة

رببنا يزود افراحكم و افراح المسلمين اجمعين ياااااااااااااااااااااااارب


ادعو لاختى ربنا يعجلها الخير

ربنا يسعد لك ايامك ياصاحبه البيت

وبتمم الافراح على خير ان شاء الله

هاتوحشينا اوى اليومين دول

هتوحشينا والله اووي ربنا يتمم لهم علي خير

الف مبروك وان شاء الله كل ايامك فرح

ان شاء الله دايما بيوتكم عامرة بالأفراح عزيزتي ..صاحبة بيت


و نسأل الله أن يصلح حال صديقتك و زوجها و ان يعيدها الى بيتها
عاجلا غير آجلا

في انتظار عودتك
و الى اللقاء


ينقل الى ملتقى الاخاء و الترحيب

الف مبروك