تعالوا شوفوا وش اللي صار مع أول ايام العيد .. مقلب لا يحسد عليه
السلام عليكم ورحمة الله وبركاته ..
اول شي عيدكم مبارك وكل
عام وانتم بخير
ثاني شي صارت سالفة اليووم لا تنسى
تضحك وتحزن بنفس الوقت
السالفه فله بقووة
وهي ان ابوي اليوم قالي لا تدخلين النت
لانه عيد وانا الا غصب ادخل بأي طريقة
عشان ابي اشوف تصويت في الحوار
والا اشوف النتيجة ..
المهم أنا ما عرفت كيف اصرف لأبوي السالفة
جت أختي اللي اصغر مني تصرف ابوي
عشاني >> ياحبي لها
المهم دخلت براسه فكرة الين وافق
وقمنا انا وياها نفتح النت ومتشوقين
مررة
عاد اختي فتحت قوقل وقامت تكتب خرابيط
مدري وش تبي ..
المهم وانا قاعدة على اعصابي متى تفكنا من
خرابيطها .. وفجأة وهي تكتب انقلب الويندوز
فوق تحت
قائمة ابدأ صارت فوق والعكس
سطح المكتب انقلب مرة وحدة
انا ارتفع ضغطي وبنفس الوقت جاني ضحك
غير طبيعي .. قاعدة اضحك عليها واهاوشها
وابوي بارد اعصاب ما همه أبد
رحت قلبت رقبتي مع اللاب توب عشان اقدر اشوف
الماوس بعد انعكس معاه
وبعدين قلت ما ينفع رحت احاول ارجعه مثل قبل
ما رجع ..
قفلته وبعد ساعة قامت امي >> كانت نايمة
واختي علمتها باللي صار
امي راحت تجري محاولات وما نفع
اخذت لاب توب ثاني وقاعدة ادور على حل بالنت
جربنا عدة حلول ما نفع
بالاخير يوم يأست انا وامي عطيناه ابوي قلنا خذ صلحه
وش لنا بالتعب ..
بعدين حدثت صفحة كان فيها صور شرح للحل
مو راضية تظهر وفجأة ظهرت الصور
المهم في الاخيير بعد جريان كل المحاولات ضبط
والحمد لله ..
واختي تبرأت من الجهاز قالت والله
ماعاد امسكه خلوه لأهله واصحابه خخخ
وبس
خلصنا
عاد لو انك بهالموقف وش تسوين
انا قلبت راسي مع الشاشة عشان اقدر اقرأ
خخخخخ
خالص الود
رد مع الاستدلال
الروابط المفضلة