السلام عليكم اخواتى الليبيات
اكيد عرفتونى
انا حابة اتعرف على كل وحدة ليبية بالمنتدى
يعنى هى من اين وين ساكنة بالغربة او حتى فى بلادنا الغالية
كنت نبى انراسلكم على الخاص بس لللاسف مشاراكاتى ما تسمح للتراسل
انا ليبية مغتربة صارلى تقريبا اربع سنين
ولى ثلاث اطفال ومقيمة حاليا بماليزيا
وياريت لو فى اخت بماليزيا تعرفنى على نفسها
والله اخواتى رديتوا فيا الروح
القيت ناس انهدرز معاهم امتى ما نبى
ما تنسونى
ونتلاقوا على الاكلات اليبية

الحمد لله رب العالمين.. الرحمن الرحيم.. مالك يوم الدين.. الحمد لله حمدًا يوازى نعمه.. ويكافىْ مزيده.. الحمد لله كما ينبغي لجلال وجهه ولعظيم سلطانه.

الحمد لله الذي لم يتخذ ولدًا ولم يكن له شريك في الملك ولم يكن له ولىً من الذل وكبره تكبيرًا.

الحمد لله الذي نزل الفرقان على عبده ليكون للعالمين نذيرًا.. الذي له ملك السماوات والأرض ولم يكن له شريك في الملك.. وخلق كل شيء فقدره تقديرا.. خلق الإنسان من نطفة أمشاجٍ ليبتليه فجعله سميعا بصيرا.. ثم هداهُ السبيل إما شاكرًا وإما كفورا.. فمن شكر كان جزاؤه جنةً وحريرا.. ونعيمًا وملكًا كبيرا.. ومن كفر لم يجد له من دون الله وليا ولا نصيرا.

نحمدُهُ تبارك وتعالى حمدًا طيبا وكثيرا.. يا أيها الذين أمنوا أذكروا الله.. يا أيها الذين أمنوا أذكروا الله ذكرًا كثيرا.. وسبحوه بكرة وأصيلا.. ونعوذ بنور وجهه الكريم من يوم كان شرهُ مستطيرا.. ونسأله أن يلقينا يوم الحشر نضرةً وسرورا.. وأن يظلنا بظل عرشه حيث لا نرى شمسا ولا زمهريرا.

اللهم إنك تعلم أن هذه القلوب اجتمعت على محبتك.. والتقت على طاعتك.. وتوحدت على دعوتك.. وتعاهدت على نصرة شريعتك.. وحضرت ختم كتابك.. فوثّق اللهم رابطتها.. وأدم وُدَّها.. واهدها سبلها.. وأملأها بنورك الذي لا يخبو.. واشرح صدورها بفيض الإيمان بك وجميل التوكل عليك.. وأحيها بمعرفتك.. وأمتها على الشهادة في سبيلك.. إنك نعم المولى ونعم النصير.

يا قاضى الحاجات.. ويا مجيب الدعوات.. اقض حوائجنا وحوائج السائلين.

وصلواتك يا غفار عن نبيك المصطفى المختار

اهلين اختى نورة الجزائية
اشكرك على هذا الدعاء الجميل
انا قرات توقيعك
وادعيلك ان شاء الله غيابك خير
ويارب ترجعيلنا منورة صفحاتنا
واكرر يارب غيابك خير
وان شاء الله ربى يهنيكى بهالدنيا

أهلين بيبي دوح ... كيف الحال وان شاءالله رمضانك مبروك
أنا وخيتك الفالحة ليبية أباً عن جد والحمد لله
مقيمة في طرابلس ، متزوجة وعندي 3 صغار ربي يحفظهم
اللي شجعني في الرد اني من عشاق ماليزيا ... جنااااااااااان
عندي عشق ليها مش عادي زرتها 3 مرات ونتمنى العيش فيها
حاولت زيارتها هذا الصيف لكن ما حصلتش حجز ومشينا لسريلانكا
بلد جميل جدا في الطبيعة لكن لا يقارن مع ماليزيا في التقدم أبدااااااً
ممكن نزورها العام الجاي وان شاءالله نتلاقوا

اهلاً ياغالية اني ليبية وزي ماقالت الفالحة اباً عن جد و جارتك في الفلبين ومقيمة فيها من حوالي اربع سنوات وعندي 4 صغار .
ويا حنه هده الغربة تخليك قريب تكلمي الحيوط بس زي ما نعرف ان ماليزيا فيها هلبه ليبين ؟؟؟

كتبت بواسطة * الفالحة *

أهلين بيبي دوح ... كيف الحال وان شاءالله رمضانك مبروك
أنا وخيتك الفالحة ليبية أباً عن جد والحمد لله
مقيمة في طرابلس ، متزوجة وعندي 3 صغار ربي يحفظهم
اللي شجعني في الرد اني من عشاق ماليزيا ... جنااااااااااان
عندي عشق ليها مش عادي زرتها 3 مرات ونتمنى العيش فيها
حاولت زيارتها هذا الصيف لكن ما حصلتش حجز ومشينا لسريلانكا
بلد جميل جدا في الطبيعة لكن لا يقارن مع ماليزيا في التقدم أبدااااااً
ممكن نزورها العام الجاي وان شاءالله نتلاقوا

السلام عليكم الفالحة كيف حالك
وكيف حال الصغار
اتمنى تجى لماليزيا
والله ولا يهمك بس تعالى
وهى حلوة صح لولا الجو الساخن اللى فيها
انا فى انتظارك

كتبت بواسطة تجويد

اهلاً ياغالية اني ليبية وزي ماقالت الفالحة اباً عن جد و جارتك في الفلبين ومقيمة فيها من حوالي اربع سنوات وعندي 4 صغار .
ويا حنه هده الغربة تخليك قريب تكلمي الحيوط بس زي ما نعرف ان ماليزيا فيها هلبه ليبين ؟؟؟

اهلين بجارتى تجويد
ان شاء الله مبسوطى بالفلبين
ياترى دراسة او عمل
وهى حلوة الفلبين ايه والله صدقتى الوحدة صعبة
وصدقتى عندى الليبيين واجدين
بس كل واحد فى حالةوبالنسبة ليا ساكنة بعيد اشوى عنهم
معاى عرب بس ليبيين لا
الحمد لله

السلام عليكم و رحمة الله و باركاته
كيف حالكم ياعويلة
نورة الجزائرية ربي يشفيك و يعافيك و مش عارفة لو انتي اللي حتعملي عملية او نورة غيرك
ربي يشفي كل مريض و ترجعولنا بالسلامة

بيبي دوح كيف حالك ياوخيتي
معليشي اني عندي اقتراح انتي سبق و انك فتحتي دويرة و هدا الرابط
http://www.lakii.com/vb/showthread.php?t=356601
خلونا ياعويلة في دويرة وحدة ماتكتروش من الدويرات باش نقعدوا ملمومين
و الا تبوا نديروا هدا حوش العروسة و هدا حوش العريس ههههههههههههههه

الدويرتينا لبيبي دوح يعني مافيش حد يزعل لو جيتوا للدويرة الاولى

اهلين حنونة
باهى على خاطرك نمشوا للدويرة الاولى ما تزعلى
بس قلت انا دويرة لرمضان ودويرة للتعارف بعيدة عن رمضان
لكن شكلك انسجمتى على الاولى
باهى ولا يهمك