شاقني حلو المسامر و النسايم.. بارده
و موقفي بين الحبيبه و القمر جنب الجدي
و الطواريق.. أتّغنى في الهموم الشارده
والمعاني أتّثنى... و تنحني في مقصدي
و آتغزل في حلاها.. و المواقف صامده
و تنطلق أمواج شعري و تعلن الحب الندي
و كل حرف ٍ جاء يعاند اقهره و آعانده
و اكتب الحرف المعاند فوق ليل ٍ سرمدي
و آتصيد من عيونه.. كيف يهرب صايده؟
بوسط عينه كنت شايب توي ارجع مولدي
و الغنادير استمالت..... و نصّبوها قايده
من حلاها كل انوثه.... فالبنا
كنها ما قد شابت.. فالعمر هي خالده؟؟
استفغر الله ما ابي أكفر.. دامني المهتدي
أيه أحبه حب طاغي دام قلبي مناشده
يا بعدي جعل المعالي من سماتك يا بعدي
بتنقدوني ياجماعه.. وشعري مافيه فايده!!
اسمعو آخر قصيدي و بتعرفو ليه ابتدي !
أحبها حب ٍ عفيف ٍ .. دام حظي رايده
و ما أنام الا في حلمه اهتني في مرقدي
مصليه ..محافظه.. مزكيه.. هي عابده
و اللسان من الطهاره.. انطلق واتشهدي
أتمنى أزور بيته ...و آتشكر والده
يوم جاب لي هالأصيله لاجل حبه إتمردي
هي أصيله بنت شيخ ٍ.. للمكارم فارده
لا اعتزو في اسم ابوها دقو خشم المعتدي
في المعالي سايده.. و فالرذيله طارده
حتى أخوها للمصايب.. مستعد مجندي
يا جماعه افهموني.. و القصيد بقاصده
((ما أبي الا أخوها يصير خال ٍ لولدي ))
الروابط المفضلة