السلام عليكم ورحمة الله وبركاته
امانة يا بنات كل وحدة فيكم بتدخل الموضوع تدعي لجدتي انه ربنا يرحمها برحمته ويختارلها الافضل
لانه هي مريضة من 7 سنوات اجتها جلطة على الدماغ ومن يومها وهي مشلولة
وهلا من فترة اسبوع وهي تعبانة كتير وامتنعت عن الاكل والشرب
وساعة بتكون مع الاحياء والساعة والي وراها بتغيب عن الوعي وبترجع تحكي انها كانت مع الاموات
هلا من يومين دخلت غيبوبة والكلى وقفت عندها وصابها فشل كلوي
واجتها كمان جلطتين على الدماغ
واحدى الرئتين تعطلت وما عادت تشتغل
ووقف قلبها مرتين وانعشوها الاطباء
وهلا عايشة على الاجهزة لانها ما فيها تتنفس لوحدها
حاولنا انه نشيل عنها الاجهزة ونخليها تموت بدل هالعذاب
بس امبارح كنا نحكي معها ونحكيلها ازا سامعيتنا ارمشي وكانت ترمش والدكاترة حكوا هاد رد فعل مو شرط تكون سامعة
اجينا حكينالها ازا سامعيتنا اضحكي
اجت تبسمت بصعوبة لانه في بتمها برابيش للتنفس
وهيك صار القرار صعب على اولادها مو قادرين يتركوها تموت ولا قادرين يشوفوها تتعذب
اعذروني طولت عليكم
بس امانة تدعولها انها تتخلص من هالعذاب وانه ربنا يريحها ويختارلها الافضل سواء بحياتها او مماتها
وشاكرة لكم مقدما
الروابط المفضلة