دويره ليبية نتلاقوا فيــــــــــــها على الخــــــــــــير

**جنـ أم ــى** · 31-07-2007, 04:32 AM

السلام عليكم ورحمة الله وبركاته

كيف حالكم يابنات
تفضلوا الدار داركم

واتفضلوا هالطويسه

**قلوب المحروقه** · 31-07-2007, 04:34 AM

السلاااااااام عليكم

**دلوعة ليبيا** · 31-07-2007, 04:37 AM

السلام عليكم

بما ان الفجر قريب ياذن معناها صباااااااااااااااااااااااااااااااااااااااح الخير

**دلوعة ليبيا** · 31-07-2007, 04:45 AM

يا الله على الهدوء

روعه روعه هذا الهدوء

**بنوتة k.s.a** · 31-07-2007, 09:20 AM

يا الله

**am munir** · 31-07-2007, 11:55 AM

[CENTER]صباح الخير على الحلوات السمحات الليبيات
كيف حالكم يا حباب قلبيى والله يعلم كداش ليكم وحشه
بس والله هل النيت المسحون كان مسكر هدا وين انفتح
بارك الله فى كل من انشد عليا
ام جنى
مبارك عليك الدويره الجديده وان شاء الله ديما عامره يبك
كيف حالك وحال جنونه ومبارك عليها الحديده الجديده وان شاء والله عقبال ادهب فرحها
حنونه
يا غاليه عليا ربى خليك ليا وان شاء الله ربي يعطيك ما تتمنى
كيف حالك وحال مولا بيتك والله كان النيت مسكر هدا وين انفتح وانا اعييت وانا نبعتلك فى مسجات يا مسحونه
الفالحه
تى باهى باهى تحسابينى ناسياتك الله يعلم المحبه يالى فى قلييبى ليك
لاكن يا مسحونه اقرى الرد يالى قبله تلقيتى مهدرزه عليك
ام المندر
كيف حالك يا حبيبه وكيف حال الامورات وان شاء الله يالى شاغلك علينا خير
اروى
مبارك عليك الحمل ان شاء الله ربي يرزقك بيبنوته اتونس اوخيها وتفرح قلب بوها
لان زى ما نعرف يموت فى البنوتات ((قولى هل مراة متيين تعرف هل الحكايه ))
بنت بلادى
كيف حالك يا غاليه وحال حمودى وبارك الله فيك
انا بخير ونعمه الحمد الله (ولاى مزال ربى ما صخرش الحال )
المغتربه
كيف حالك وحال صحيحتك وربى ان شاء الله يكون معاك يا اؤخيتى
ارض النور
وينك يا مراه تبانى شويه وتهربى تعالى وهدرزى استحشتك
غر كيف حالك وحال السنفوره
العقول النيره
كيف حالك وشنو دهوارى فى المغرب اعطاك ربى والله بصراحه المغرب حلوه ومحليينها اللبيين يالى غادى
جنان 92
وينك ومعاش تبانى يا ربى شنو هل غيبه الطويله
وباقى الحبيبات وسامحونى كان نسيت وحده فيكم العتب على الذكره والله
ومرحبتين بكل جديده وان شاء الله اوخيات على المحبه و الخير متلاقيات
وتوه فى امان الله بنوض نمشى للجيم ومعاش عندى وقت
ونتلاقو يعديين بعون الله [/CENTER]

**hananlibya** · 31-07-2007, 01:31 PM

السلام عليكم و رحمة الله و بركاته
مبروك عليك و علينا الدويرة يا ام جنى و ان شاء الله بحسك عامرة , و كيف حال جنى و مولا بيتك ان شالله بخير و كيف الجو عندكم اليوم ان شالله باهي , و شن صار في الكيكة درتيها و الا مازال اني بعتلك الرد امس بالليل لما فتحت , معليشي العشية كانوا حوش اماليا عند حوش شيابيني و كنت عندهم طبعا حتى اني و سهرت غادي و لما روحت حليت شوية النت لقيت رسالتك فرديت عليك متاخر.

ام منيـــــــــــــــــــــــــــــــــــــــــــــــ ـــــــــــر و اخيراً طل القمر صار النت مدايرها فيك يالا معليشي المهم طليتي اخيرا , لو نقولك ما وصلنيش منك و لا مسج مش اتفقنا انديرلك رنة لو وصلني منك شيء!!!
و الله حتى اني قصرت معاك و الله كل مرة نقول خلي نتصل بيها و الا نبعتلها مسج و بعدين نقول اكيد توة قاعدة في الرياضة خلي بعدين شوية و هالبعدين يجي وقت الغدي و القيلولة و ننسى ههههههههه
بس و الله على بالي يالغالية المهم حالك و صغويرتك و مولا بيتك صحيحين و الحمد لله

الفالحة كيف حالك و حال العويلة و شن رفعتي الصغويرة للبحر و الا مازال و و شن صاير فيك شكلك غاطسة في الشغل ليه ليه ربي يعينك خايفة نتصل عليك نلهيك على شغلك بس لو تخشي توة و نلقاك توة نتصل على طول يالا نستنى في طلتك علينا .

ام منذر كيف حالك و حال العويلة ان شالله غيبتك خير

بنت بلادي كيف الحال و حال حمودي خيرنا ماعادش تلاقينا يالا تعالي و انتي مكسدة غادي هههههه

ليبية مغتربة كيف حالك و حال الدربوكة ههههههههه خيرك قللتي الخشات للنت هدا كله لاهية بشري الحوايج للبيبيات ربي يسعدك ياوخيتي

ارض النور كيف الحال وين مغطسة مرة مرة تخشي و تهربي

العقول النيرة شن دهواري يومها في مراكش و اليوم وين ؟؟؟؟؟ و شن قصة سواقة السيارة من غير رخصة ردي بالك ياحبيبة لا اديري عملة غادي راك مش في ليبية هههههههههههه
تعرفي عقول ياريت تمشي لجبال اطلس يقولوا حلوة الطبيعة فيها و ياريت لما تروحي بالسلامة تحطيلنا الصور و خلينا نتفرج على المغرب و جمالها بعيون عقول .

ام طلحة انستينا كيف حالك و حال عويلتك ان شالله بخير و شن الجو في المانيا صار عندهم العنصرية ضد العرب غادي اها ربي يفرج عليكم و يرجعكم سالمين غانمين .

ام السنفور كيف حالك و حال عويلتك بس السنفور طلع مش سنفور ههههههه بالنسبة لتوقيعك حلو علم ليبيا ان شالله ديما يرفرف عالي

ام البنات كيف حالك و حال العويلة صار انتي من بنغازي , و لو تبي تتعرفي على العويلة اللي هني تقدري ترجع للروابط اللي فاتاتك و تقري على مهلك , و ممكن العويلة كل وحدة تتعرفي عليها تحكيلك عن حالها .
انا عن نفسي من طرابلس و متزوجة ليا توة تقريبا 10 سنين و ادعيلي ان ربي يرزقني الذرية الصالحة , و مدرسة لغة انجليزية للمرحلة الثانوية , اممممممممممممم و شن تاني تبي تعرفي اسالي و نجاوبك ؟؟؟؟

دلوعة ليبيا كيف حالك خيرك زي هلال العيد تجي شوية و تهربي , اطلع و بان و عليك الامان , هههههههههههههه

سوما 72 كيف حالك ياريت تعرفيني على نفسك مش كلمتين عالماشي و تهربي

و العويلة اللي ما خشوش ليهم مدة ان شالله حالكم كويس

*** الفالحة *** · 31-07-2007, 02:18 PM

السلام عليكم يا حبيباتي جملية من غير تخصيص على خاطر كلكم وخياتي

و مبروك عليكم يا الغاليات الدويرة الجديدة ... دويرة أم جنى

وان شاءالله ياربي دويرة مليانة بالمحبة بينا ونفيدوا ونستفيدوا منها

وهذا مني ليكم ...

كتبت بواسطة am munir

صباح الخير على الحلوات السمحات الليبيات
كيف حالكم يا حباب قلبيى والله يعلم كداش ليكم وحشه
بس والله هل النيت المسحون كان مسكر هدا وين انفتح ... بارك الله فى كل من انشد عليا
الفالحه
تى باهى باهى تحسابينى ناسياتك الله يعلم المحبه يالى فى قلييبى ليك
لاكن يا مسحونه اقرى الرد يالى قبله تلقيتى مهدرزه عليك [/CENTER

]

يا عطيك السلامه ... والله محبة متبادلة ونتمنى من كل قلبي نتلاقا معاك وعلى خيــــــــــر
سلمها ياربي النشادة والهدرازة ... خلاص السمااااااااااح يا حبيبة وهذة بوسة مني أممممه

**hananlibya** · 31-07-2007, 02:30 PM

الباين اني اللي نبي نحرج و حاسبة نفسي حاجة و الله
يالا معليشي اكيد لاهية
شن الخط مشغول على ودنه

توة نعاود بعدين شوية

**دلوعة ليبيا** · 31-07-2007, 03:13 PM

السلااااااااااااام يا حبوباتي

شخباركن ان شالله اكويسات

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: دويره ليبية نتلاقوا فيــــــــــــها على الخــــــــــــير

أدوات الموضوع

العرض