السلام عليكم ورحمة الله وبركاته
كيف الحال؟ان شاء الله تكونوا بخير وبصحة انا الفكرة لي جيت بيها ليست جديدة لكنها مضاف اليها بعض التعديلات
رح نتخيل انفسنا في بيت واحد ونكونوا كاعضاء عايلة وحدة وتكون لينا ام وخالة وجدة اذا سمح الامر والباقي كلهم خواتات ورح نكونوا بأذن المولى نموذج البيت الجزائري الصالح
انا اخترت ماما صبيحة كأم لنا وناعو خالتنا اها وش رايكم؟بقات الجدة والباقي خواتات مع العلم اني انا ولميس رح نكونوا التوأم واصغر بنات البيت
رح نقسموا ايامنا .....ومارحش ندوها غي تعارف خلينا نغتنموا الوقت شوية الور خممت انه يوم رح يكون مخصص للمشاكل الله يبعدها علينا بصح كل واحد عنده مشاكل ورح بالوحدة تطرح مشكلة نعالجوها وتسمع اراءنا وطبعا ماما صبيحة رح تعاونا هي وطاطا ناعو
واليوم الثاني نديروه تعليم قرأن وكل واحدة تعطينا معلومة عن كتاب الله
ارجووكم خلو البيت موظب ولا يكن كلامنا فوضوي
تقبلو تحياتي وانتظر الردووووود

بارك الله فيك حنونة فكرة رائعة في ميزان حسناتك حقة ماقلتيليش نتي ختها
اسمعي وانا نسيتيني انا طبعا صغيرة كيما نتوما ههههههههه مانكونش جدة

هههههههههههه لا لا والله ما كنت قاع نعرفها من قبل
هههههههه ما تخافيش مارايحاش تكوني الجدة راح تكوني ختنا الكبيرة شوية لي متزوجة في استراليا
زعمة دروك عيطيتيلي في التيليفون وراني مجمعة معاك
ماما ماراهيش هنا راني وحدي في الدار وبثبث راها مليحة قلها خالتو راها متوحشاتك

السلااام عليكم و رحمة الله و بركااااااااااااته يا اخواتى
واش راكم والله توحشتكم و ربى اللى عالم
حمييييييييدة يا اختى ربى يخليك و الف مبروك البيت الجديد يجعلو عامر بدكر الله و بالمحبة ياربى
ونشكر كل اللى دعااات لجداتى و الله ماننساكم خاصة انتى و سلمى و الباقى ماعلاباليش علاش
المهم رانى وليت للدار و معانا جداتى قلت تقعد هنا خير معانا و الله بالسيف باش قبلت ماتحبش تخطى دارها
ولازم شوية تريح هنا عندنا و ربى يشافيها ياربى و الله نموت علييها هى عمرى
وسللللامى للكل

واش خرجنو كامل و الله متوحشتكم
ناعو ارواحى هنا للبيت هدا

يا سيدي ...شوفو الناموسة كي تم تم قبلت و فرحت بعدما تفاهمة مع التوأم تاعها حبوبة
واش يسلكني........................يديروها و يخرجو زي الشعرة من العجينة يا لهوي عليكم يا لهوي.........عجنتوها و خبزتوها و طيبتوها ...و راكم تسناو تاكلوها ...تعالولي يا حبايبي....تعالولي......وراكم وراكم .....وين راهي البليغة اليوم نزرقلكم لحمكم بالضرب........نوريلكم نهار طول و نتوما مع الميكرو هيا...كل واحدة لشغلها....
.يخاه ..يخاه ....واش دارو فيا بنات أختي....هبلوني.....الدلوعة و لاميس تفاهمو على راسي ...يديرو الهدات و يخلوني أنا نسلكهم ...هههه.علابالهم نحبهم و نخاف عليهم ...بصح حبيت نفهم علاش خيرتيني انا خالة ....ههههه ..صح أم بثينة نتي العمة ....ما تزعفي ما والو ...لكان نجيبو كامل الأمة الجزائرية و العربية و ما نعرف إلا نقدرو على الخرابيش تاع الدلوعة و لاميس زاقات علينا واحد المسؤولية....
أيا فونس راني قابلة ...بصح ...صبوحة ماماكم ...و نهار كامل هي لاتية مع الخياطة ..و انا وحدي مع الشغل و الطياب هيا نوضو ..يا حميدة و يا لاميس تعاونوني ....يالاه ...واحد تسيق و واحدة تغسل المواعن اليوم رانا عارضين الشعب العربي ....كلو....و سلفولي شوية طباسا عند الجيران راهم تاعي ما يكفوش....و أجبدي من لا بيبلبواتاك لي سوبيار غاولي يا الله و مريامة واش الوضيفة تاعها باش نفهم برك ..ولا كلش على راسي....ههههه يا يما واحد المسؤؤلية.........الله يستر يا بتبوتة ...و نتي نجاة حطي بنتك و نوضي ديري القاطوات واش نهار كامل و نتي رافدة بتبوتة زعما تهربي من الشغل ههه هيا شوية كورني شوية باقلاوة زهيها.....نعرف يدك مهبولة في الحلوة ....تدير قاطو ما فيش منو هيا حبيبتي ...و صح شكون يمدلي المونو menu تاع الغدا و العشاء ....مريامة المدبرة و لا مازينة و لا أم الاحمدجين ولا شكون هيا أطلب مساعدة ...النجدة ....صبوحة ....ختي العزيزة ....النجدة يا شباح السفرة..............

.واش تعرضو و تهربو وين راكم واش الوقت لي تقعدو فيه باش نتلاقاو مع حساب الوقت البلدان ....حطو الوقت و كل واحدة تشوف إلا يخرج عليها لازم نتلاقاو...............في نفس الوقت باش تحلى و يالله كل واحدة تدير لروحها بلاسا معانا و شخصيتها.........

راهي فرات و القاطوات كاينين في المنتدى إليكم الخط...... .

.دبرو عليا واش نطيبو ................العشاء..........و راني نسنا و ين راه الشيخ لي يقضينا ....هههه
ويلا راكم تاكلين على لاميس و حبوبة و دلولوعة يقضيونا والله ما راكم ما كلين يبطاو في المارشي و ما يولوش.. و انا يطلعلي السكر.....علاش بطاو وين راهو يتسنكحو.....

يعطيك الصحة خالتي ناعو
زين ما خلفت جدانا اللي رانا نحوسو عليه
شكرا على الفكرة يا دلوعة
انا اكيد راح نكون الاخت اللي فوق دلوعة و لمووووووووسة راكي
تعرفي يا خالتي ما نحملهمش ههههههههههههههه (حاشا)
خاطر زادو على راسي
ماما صبيحة ما بانتش توحشتها واقيل مزالها مع لخياطة ربي يعاونها وديرلنا كامل تصديرة هههههههههههه
سور راح تبطل لخياطة
كي ماعليش خالتنا راهي متهلية فينا ودارتلنا باش نشربو قهوة
يعني خالتو راكي تعرفي ما نباتوش بلا عشا اتهلاي هههههههههههه