السلام عليكم ياوخياتي والله في وحدة الله يجزاها الف خير هيا لي دلتني عليكم باش نكون ليبية جديدة معاكم في الهدرزة وانشاءالله نكونو اهل وخويات انا كيف تزوجت وحامل في تؤامة الله يخليهم وانشاءالله ياربي نشوفهم صحيحين لكن بروحي من بيعانيهم معاي وما معاي حد من اهلي في شهري اميمتي ماشية للعمرة انشاءالله ربي يطول في عمرها وعمر كل ام يارب وحتي ليبيات بحداي مهناكش وفي واحد روح لي ليبيا ادعو معاي انشاءالله يتزوج ويجيب وحدة تسكن معاي في نفس العمارة وسامحوني كان طولت عليكم ونشكر جبالية والفالحة وحنان و مغتربة 2 وام دانيا لي رفعولي معنوياتي وانشاءالله انتم اماليا في المنتدي وسامحوني كان طولت عليكم وادعولي واحد من التؤامة نبضه ضعيفوالله خايفة موت من الرعب وخايفة من الجياب خصوصا واني بروحي وانشاءالله نشوفهم 2 يارب صحيحين وصحيتوا

اهلا بيكى فى المنتدى
والف الف مبرووووووك على التوام
ومتخفيش على التوامة اللى نبضها ضعيف انشاء الله خير
وربنا معاكى

اهلا وسهلا بيك حبيبتي معنا
انا عن الولادة وانك بروحك ما تخافي حبيبتي معك الي احسن واحن من الك ربي معاك
وربي يهونها عليك وتولدي بالسلامة وتبشرينا والتوم انهم بخير
وما تخافي حبيبتي وخليك قوية وشدي في ربي
اختك ام هباااااااااااااااااش تحت امرك في اي خدمة
الله معك حبيبتي

شكرا حبيبتي والله يسمع منك والله دخلت لي المنتدي باش نلقاء منكم الدعم الكامل وصحيتي هاجر وانشاءالله اختي تكوني دعم ليا انتي والاخوات يارب

هلا حبيبتي ام هباش وانشاءالله بكون قوية بفضلكم والله رقيت رسالتك وانا ابكي بس الله كريم وانتم اهلي وناسي وما تخلونيش بروحي والله يسمع منك وانا عارفة ان ربي مش حايخليني بروحي وانتم ايضا وانشاءالله انتم الدعم ليا ولي يخليني قوية بادن الله

طمنينا عليكى لما تولدى بالسلامة

كتبت بواسطة هاجرالمصرية

طمنينا عليكى لما تولدى بالسلامة

انشاءالله بس لاحقة علي الولادة لن موعد ولادتي 9 11 2007 يعني يوم عيد زواجي وانشاءالله اندير لمة وتجي عندي يارب وحاضر حاطمنك

حبيبتي انشاء الله الله بيسهلها عليك ما تخافيش و خلي ايمانك بربي كبير و اكثري من الاستغفار . و انشاء الله تشوفيهم و يتربوا في عزك و عز بوهم يارب و لو تبي تاخدي ايميلي و اضيفيني عندك ما عنديش مانع .
و ربي ينوضك بالسلامة انشاء الله

كتبت بواسطة hananforever

حبيبتي انشاء الله الله بيسهلها عليك ما تخافيش و خلي ايمانك بربي كبير و اكثري من الاستغفار . و انشاء الله تشوفيهم و يتربوا في عزك و عز بوهم يارب و لو تبي تاخدي ايميلي و اضيفيني عندك ما عنديش مانع .
و ربي ينوضك بالسلامة انشاء الله

حبيبتي شكرا وصحيتي علي دعمك وانشاءالله ديما نلقاء منك الدعم وياريت يا اختي تعطيني ايميلك ونضيفك عندي وديما نهدرزو مع بعض وصحيتي مرة تانية وانشاءالله ما نكونش تقيلة عليك يارب

السلام عليكم و رحمة الله و بركاته ......
عزيزتي الف الف مبروك و ان شالله ربي يكمل عليك فرحتك وتشوفيهم عرسان او عرايس ويكونوا من الدريه الصالحه و الله يبارك فيهم و ينبتهم نباتا حسنا .
و ان شالله ربي يقومك بالسلامه و يونسك بزوجك و هدا حال الغربه يا حبيبه كلنا عانينا من نفس الموقف و تحملنا و ولدنا بدون وجود اهلنا و امهاتنا معانا بس ربي يهون عليك و ينزل عليك الصبر سبحان الله بمجرد ما تشوفي المولود تنسي الدنيا كلها .
و انت وين في كندا بالزبط يا حبيبه كيف ما فيش ليبين بكل معاكم في نفس المنطقه؟ غريبه !!!!!!!