البيت الفلسطيني يعود الى ديكوره القديم من جديد ... أهلا وسهلا بالجميع
السلام عليكن اخواتي وصديقاتي الاحباب
هالمرة اللمة ببيتي اهلا وسهلا فيكن حبيباتي بتنوروه
وان شاء الله ترتاحو فيه وخدو راحتكن البيت بيتكن بس الله يرضى عليكن لا تكركبوه زهقت وانا برتب من وراكن
بس بنات البيت هالمرة راح يتغير ديكوره
راح نرجع لديكورات بيوتنا القديمة متذكرينها ؟؟
بتمنى اننا نجتمع على طاعة الله والافادة والاستفادة من بعضنا خلونا نستفيد من صداقتنا ونطورها لما فيه خير النا باذن الله ... بدنا نغير اسلوب المحادثات وطق الحنك بس
اي وحدة عندها معلومة مفيدة او حديث نبوي جديد او دعاء او اي شي انتو حرين شو تجيبو بس المهم انكن تجيبو ...
اكيد هذا ما بعني اننا ما نحكي مع بعض او اننا ما نمزح ونلعب بالدردشة بس برضو ما تكون دردشتنا مجرد لعب ولهو دنيوي
خلو قدوتنا تكون الرسول صلى الله عليه وسلم ... من انفع منه للناس ومع ذلك كان خفيف الظل يمازح الناس ويداعب الاطفال وووووووووو
هذا هو مبدأنا ان نكون صداقة هادفة نستفيد منها يوم لا ينفع مال ولا بنون .... (( بدت تفلسف البنت))
ههههههههههههه
على كل بنات بتمنى نرجع لهذه العادات
ومن هلأ وطالع خصوصا اول رد الكن لازم يكون هادف والا سأضطر لاستعمال العنف والطرد والانذارات
لا تاخذوني متأثرة كتير بالمدرسة
وبالنهاية ما راح نتخلى عن فكرة رنوشة طبعا الله يجزيها الخير
سنتعود قبل ان نختم حديثنا ان نقول
سبحانك اللهم وبحمدك أشهد أن لا إله إلا أنت استغفرك وأتوب إليك
؟؟
الروابط المفضلة