رسائل شبابيه & أهداف مخفيه
إخواني واخواتي الكرام
السلام عليكم ورحمة الله وبركاته
أضع امامكم بعضا من نماذج الرسائل الخاصه لنا كشباب
طبعا أكتبها من واقع خبره ههههههه ومن تاب تاب الله عليه
نرجع للجد ونقول أن كل عمل يعمله الشخص وكل تصرف يتصرفه
لابد أن نؤمن وندرك بعقل ووعي أن ذلك العمل لابد وان لصاحبه
هدف وغايه يرجوا ويأمل تحقيقها
فالكاتب يطرح موضوعه وله هدف مأمول وغاية مرجوه من الطرح
كتقديم نصيحه أو طلب وجهة نظر أو رغبته بنقد هادف أو قد يريد
من طرحه تطوير قدراته وهواياته التي يملكها سواء نثرا أو شعرا
والمشارك يشارك وله هدفا أيضا وغايه من ذلك فقد يريد إيصال
إعجابه بقلم الكاتب وإختياره للموضوعات القيمه وقد يريد إيصال
نقدا هادفا من باب ( الدين النصيحه ) وقد يهدف الى مشاركة الكاتب
هدفا بتشجيعه والرفع من معنوياته والاخذ بيده للامام
وطبعا انا لا اختلف عن الاخرين وسأذكرأهدافي المرجوه من هذا
الموضوع والتي تتمثل بالتالي:
1-فشيلتي من اعضاء أصداف مشرف سوبر ولا له ولا موضـــــوع مثبت
2-أملي في اخي أشرف هلال أن يقوم بتثبيت الموضوع لان كل المشرفين
ولا معبريني حتى إلي معاي بالصدفه رغم قربهم مني إلا إنهم لم يثبتوا لي
ولا موضوع ولو من باب الإحترام والتقدير وإعتبار ذلك ولو بمثابة تكريـم
<<< الله يستر من أشـــــــرف هلال لا يقوم بحـــــــذف الموضوع او نقله
3-إيصال رساله خاصه وهادفه لأخواتي الكريمات بأساليبنا وطرقنا وذكائنا
كشباب لكي أقول لهم نحن اذكياء حتى النخاع بل فينا قوة تحمل وطولت بال
فهل انتن اذكى منا ؟؟؟
رسائل شبابيه واهداف مخفيه
الرساله الاولى
( هلا وغلا )
أختي الكريمه دائما جميله وملفته للإنتباه
ماشاء الله عليك تصدقيــــن قبلك المنتدى
كان طافي وبارد بصراحه اول ماشفت مشاركاتك
إعجبت بها كثيرا يااااااااااااه معقوله الي يكتب فتاه
000 مادرىإنها مسجله البارح ومالها الا موضوع واحد بالترحيب فقط000
الرساله الثانيه
(مشتاقين )
هلا بهالطله منوره ماتركنا احد ماسألنا عنكِ وين الناس؟
تصدقين مالي نفس أدخل واشارك من يوم غبتِ بصراحه
المنتدى مظلم بدونك 0 مشاركاتك لها رونق يالغاليـــــــه
000 المئتين المشاركه الاخيره كلها له بالالعاب والمسابقات000
الرساله الثالثه
( ههههههههههههههه )
الله يرج إبليسنا شكل الاعضاء بيقولـــوا
ذولا تركوا المشاركات وجالسين رسائل
على الخــاص , كل ماجيت اقولك شيء
ظروري وهام علق المنتدى وتورطــــت
<<< إنتبهِ يبي الإيميل
الرساله الرابعه
( مرحبا )
هههههه الله يستر بالله شوفي موضوع مين في فكرك
شاركت عشر مرات وكلها قلت إسمك إلي بفكري
<<< إنتبهِ يختبرك ويشوف ردت فعلك
الرساله الخامسه
( ملاحظه)
عزيزتي يعلم الله كم احبكإختي الفاضله لكن لاحظت
شيئا وحبيت أتأكد منك ! ليش العضـــو الفلاني يتجنب
المشاركه بمواضيعك ؟ دائما ملاحظ عليه يشارك مع
العضو ؟؟؟؟ بإستمرار ماانتِ شايفه شكله غاير مني
لاني دائما متابع جيد لمواضيعك << يفكر مالها عيون
000إنتبهِ يريد ان يشعل الفتنه000
الرساله السادسه
( ياكبرها )
هلا وغلا اخبارك يالغاليه شايفك لك كم يوم مو معجبتني
سلامات عسى ماشر اختي على فكره قلبي دليلي وترى
حاضرين ومستعدين نقوم بالواجب والفزعه إذا فيه شيء وإلا شيء
<<<<<<< وين يابو الشباب بأروبا
00 إنتبهِ يتقرب اكثر من اللازم 00
الرساله السابعه
( دخول & خروج )
الله يغربل شيطانك تصدقين ماعاد عرفت وقتك
متى تدخلين ومتى تطلعين ههههه كل مادخلت
طلعتي وإذا دخلتي اكون لسا طالع من المنتدى
<<<<<<< يفكر مافي المنتدى أعضاء غيره
000 إنتبهِ يضحك عليك 00
الرساله الثامنه
للتوضيح فقط
الغاليه يشهد الله كم احبك ولكن لأسباب قاهره
سانقطع عن المنتدى بصراحه يوجد من لا يريد
إستمراريتي بالمنتدى بل اصبحت شخص غيــر
مرغوب فيه <<<<<< إيش معنى انت بالذات
وصدقيني لا يهمني من الاعضاء غيرك ستبقين
غاليه غاليه غاليه واعتز بصداقتك ومعرفتك
000 إنتبهِ يتمسكن حتى يتمكن ويخطط على الإيميل 00
الرساله التاسعه
( بااااااااااك )
هلا مليون رجعنا بعد الغيبه يااااااااااااه لك وحشــــه
تصدقين دائما بالبال مره من المـــرات وانا بسيارتي
وتجاوزت السرعه 120 وسمعت صوت جرس انذار
السرعه ياااااااااااه ذكرتك والله وكانه ينبهني يالغاليه
<<<< يقصد إنك دبه
00 إنتبهي تلقين غيابه لا ظروف ولاشيء متسدح بين المنتديات الاخرى00
(الرساله العاشره)
مبروووووووك
هلا وغلا بصراحه انا رشحتك تكوني مشرفـــــــه
وقد راسلت المشرف العام وابلغته بوجهة نظري
حيالك وحيال نشاطك وتميزك يالله وين الجائـــــزه
<<<<<< نصاب درجه أولى
000 إنتبهِ شاف مشاركاتك فوق 3000 وتوقع إنك بتصيري مشرفه00
(الرساله الحادية عشر)
( مبروك )
هلا فيك عزيزتي وغاليتي كم انا سعيد بانك إحدى المشرفـــــــــــــات المتميزات
فقد لاحظت فيك التفاني والإخلاص واداء واجبك على اكمل وجـــــــــــــــه وليس
مثل بعض الناس طموحه الإشراف فقط 00 ماشاء الله عليك فعلا قمه بالمنتدى
000 الي إختشوا ماتوا نسى إنك لسا مترقيه قبل خمس دقائق حتى الصلاحيات مابعد منحت 00
ملاحظه هامه وجوهريه
أي رساله تصلك وتجدي بها اخطاء إملائيه كثيره
تراها اخطاء مقصوده علشان ينتظر ردك لتقولي
حسن خطك وبكذا يرسل ثانيه للتوضيح ههههههه
أي رساله تجيك مزبرقه ومرتبـــــــه
ومنقحه إعرفي إن له شهريـن يكتب
فيها علشــان شوفيني ذوق وإتكيت
تحياتي وتقديري
مع تمنياتي لكم بالتوفيق والسداد
الروابط المفضلة