يا الله, نخليكم درك, وقت خروج معاذ من المدرسة باه نروح نجيب.
نولي من بعد إن شاء الله إذا سهلي ربي.
في أمان الله و تصبحو على خير اللي رايحين يرقدو درك؟

مشكورة سلمى على فتح الصفحة فتحت وحدة لكن غلقوها مادرى ليش انا لذ رك مفهمتش قانون الفتح والغلق كيف بلييز فهموني لعشية اكتبت البثينة اعتذر منها لانى متولهتش الرسلتها ربي بارك لبنات راهم بسرعة الميق اتخليهم فى ابلاصة تلقيهم في وحدة حتى فى بعض الاحيان متقدريش تقراي المواضيع كملا اعتذر اختى العزيزة بثينة فينكم يا بنات لزم نتفق على وقت ان كونو مجمولين سلمات لكل البنات والسيدات

اه اه اه اه اه لهثتوني هذا وين كملت قرايت الأجزاء اللي فاتوني
ماشاء الله عليكم خليتكم في 11 لقيتكم في 13 في 3 أيام لا عين عليكم
بارك الله في لي حوس علي ولي ما حوسش بارك الله فيه تاني
أم ثينة واش راكي صحيتي على الصورة طلعت تهبل وخرجت نشبه لنانسي عجرم (وأنا قاعدة نسقم في روحي تقولي راح يعطوني الجنسية ) ف لخر خرجت نهبل هههههههههههههههههه
أم معاذ واش حوالك تصاور تاعالثلج خرجوا يهبلوا حتى امنطقة اللي ساكنين فيها تبن شابة وهادئة
(الحمد لله ما خرجش حتى واحد من جيرانك ولايقول راح تديرهم بومبة) ههههههههههههههه عجال هم يشكوا في خيالهم
نسرين واش راكي حنونة وواش راهم البنات وما تخافيش أنا شفت في الموضوع اللي فات موضوعك على الإعجاز العلمي جازاك اله كل خير
نواعم شكرا على السؤال وما تتقلش حنونة الشده في ربي وما دامكي شاده فيه ما راحش يخليك
مهاجرة واش هذ الطلة خفيفة رناتوحشناك أنا فرحت ي شفت ردك لكن ما طولتيش
لميس واش راكي حنونة رغم أنني أول وحدة ردت عليك كي دخلتي بصح ما حوستيش علي كامل
كوثر واش لحوال وواش راهي ماليزيا راني توحشت الروز نتاعهم ما تعلمتي حتى نوع
مخضرمة ربي يشافي اختك ا راني في الإمارات والشيخ الهاشمي راهو غير قدامنا وقوليها تابعو وإن شاء الله تلقى الشفاء
إن شاء لله ما نكون نسييت حتى وحدة سلامي للكل دون اسثتناء
وربي يكمللنا بهذه اللمة الحلوة

يا جزائريات راو كاين واحد جزائري حاب يتزوج وهو جاري مزروب وهو إمام هنا ممكن تورولوا جزائرية فحلة
أنا اللي نعرفهم كامل تزوجوا يعني اللي نقدر نوريهم وإن شاء الله مأجورين

أريام اسمحيلي حنونة هذه الأيام كانت النت مقطوعة عندي حتى يوم رجعناها
أم أروى اسمحيلي نسيت ما سقسيتش عليك واش راكي وواش لحوال عندكم
أم الأحمدين واش رهو الحمل نتاعك إن شاء الله ما يكونش واعر
أ م أنس سلامتك حنونة ما تثقليش على روحك صحتك هي اللولة
راضية ين روحتي ما بانو خبارك
مريامة واش حوالك أنا الأوله اللي سقسيتك على بنتك وما يكون غير الخير عليها والصبر معاها هو الحل ومأجورة على تعبك إن شاء الله

واش راكي يا أم رائد؟ إن شاء الله تكوني بخير, هي صح المنطقة اللي ساكنين فيها هادئة و كي يعود الربيع يكونو الأشجار و الأرض كلها خضراء, ما شاء الله.
ضحكتيني على الجيران, هوما صح الناس هناي يشكو في خيالهم, و لكن الحمد لله أن الجيران نتاعنا ناس ملاح, مسالمين و كي يشوفونا يحييونا و يتبسمو و يلعبو مع لولاد.
يا الله, نخليكم درك, قريب وقت درس السباحة نتع معاذ, ربي يقدرني مع هاد البرد, لازم نديه و نخرج ختو تاني معانا.
الله المستعان.

السلام عليكم واش احوالكم اسمحولي راني شوي مقلقة (مزروبة مش زعفانة) فمقريتش اللي فاتني فالجزء 12 المهم ان شاء الله راكم الكل بخير
ام رائد على سلامتك توحشتك ,اليوم ممكن ما نكوناكطيش في العشية ,ان شاء الله نوجدك في الماسنجر غدوة.

جيت نقولكم تصبحو على خير يا أخواتي و نلقاكم غدوة بإذن الله.

السلام الى كل الجزائريات المتواجدات معنا في المنتدى و الغائبات كل وحدة باسمها
ام رائد على السلامة يا لالا واش هذ الغيبة وكيما راني نشوف را كي وليت خاطبة بصح برافو بنات بلادك اولى
واشراكي اريام غير الخير حنونة
ام معاد ليلة سعيدة مليئة بالاحلام الجميلة

السلام عليكم اخواتي العزيزات علابالكم البارح قريب هبلت الكونيكسيون عيانة منين نرد رد يروح وتجي الصفحة بيضاء قلت الله يهدي الجميع اخرجو خلوني ندخل لانها ثقيلة بالناس هههههه
واليوم كنت فالشوبينغ ماشاء الله عاملين التخفيضات ماتعرفيش واش تشري المهم شريت اللي كتب ربي
علا سللامتك حنونة ام رائد اييييه راكي تحوسي على عروس شوفي من رايي سقسي شمس المنيرة يالاك يكتب ربي وشحال في عمرو ياش يعرفو خواتاتي
وانا راني عند يما برك ماكانش ختي هههههههه
الله يعطيك الصحة يا كوثر والله العظيم فحلة وراجلك عندو مادا جاك ماشاء الله انا مازالني نتبع طريقتي مبصح الطريقة اللي وريتهالك مازال مادرتهاش المهم الحاج موسى موسى الحاج هههههههههه
المهاجرة توحشناك وين راكي
واش راكي ام انس توحشتك وبانت بلاصتك
ام اروى وينك
واشراكي مريامة توحشتك
الان نروح ندير الخبز يطيبو نقلي المرقاز شوية هاكا يجي مولا بيتي اليوم دورتها قليان هههههههه
قبلة للكل اخواتي والله احبكن في الله وكل يوم تزيد مكانتكن في قلبي