واش راكم يابنات
واش لقيتولي عرسه ولا لالا
أم الأحمدين اليوم نسقسي راجلي واش يحب هذا الرجل ونقوللكم وكيما قالت أم أروى نضن نكملوا الحديث عن الموضوع في الخاص باش ما يكونش إحراج تفاهامنا
أم أروى بارك الله فيك نشوفك في الخاص وأكيد نحب ما دا بيا
أم بثينة بصحتك لحوايج ومبروكين على بثينة بصح ما شاء الله تخفيض ممتاز حنا المحلات لمليحة يعني اللي يعجبوك حوايجها تقول تخفيضات لكن ما كان والوا كلهم أسعارهم نار نار
مخضرمة واش راكي راني سقسيت عليك في ردي اول لكن شغل ما سقسيتش
نسرين أنت تاني وأم أنس ولا ما قريتوش الرد

وفيما يخص الخدمات صح عندك الحق مخضرمه أنا ما نحبهمش وخاصة مع لبلاوي لي رانا نسمعوهم
نسرين راهو ما كاش اللي تخدم في الدار كيما الجزائرية
كي كنا في ماليزيا كام واحد مصري حاب يتزوج جزائرية وكي قلنالوا وعلاه قالنا الجزائرية فحلة توقف مع رجلها في الحلوة والمرة وكلش تخدموا في الدار (يعني يحوسوا علينا غير في تهنبير)ههههههههه
الصراحة كي سمعت هذا الكلام نفخت صدري هههههههه
مخضرمة يعطيك الصحة فحلة أنا بديت ندير الخياطة قبل ما نتزوج ووصلت فيها مبعد معلبليش واش صرالي حبست ودرت بردي تاع البيدال

كتبت بواسطة المخضرمة

كراك يا مريامة اوش كانت بنتك انشاءالله اتكون امليحة

يسقسي عليك الخيروالله الحمد لله وهي مرضها مش عضوي يعني تمرض او تبرا
وهي عندها مرض جيني ولهذا فمرضها دائم لا شفاء منه (متلازمة داون) ولاكن في بعض الاحيان تمرض كتر فهي
حساسه جدا والمناعه عندها قليله بزاف ونحمدوه ونشكروه علي كلش يا اختي
ونشكر كل الاخوات اللي سقساو علي بنتي

واش را مريامه إن شاء الله بخير
وين راكم يا بنات كل ما ندخل ما نلقى حتى واحد
أم بثينة كي جيت روحتي انت

امرائد اناعندي اختي في عمرها23وراهي قريب تكمل القراية ديرة تسويق ومتحجبة

ام بثينة وين راكي خليتي السماطة

كتبت بواسطة om-raid

واش راكم يابنات
واش لقيتولي عرسه ولا لالا
أم الأحمدين اليوم نسقسي راجلي واش يحب هذا الرجل ونقوللكم وكيما قالت أم أروى نضن نكملوا الحديث عن الموضوع في الخاص باش ما يكونش إحراج تفاهامنا
أم أروى بارك الله فيك نشوفك في الخاص وأكيد نحب ما دا بيا
أم بثينة بصحتك لحوايج ومبروكين على بثينة بصح ما شاء الله تخفيض ممتاز حنا المحلات لمليحة يعني اللي يعجبوك حوايجها تقول تخفيضات لكن ما كان والوا كلهم أسعارهم نار نار
مخضرمة واش راكي راني سقسيت عليك في ردي اول لكن شغل ما سقسيتش
نسرين أنت تاني وأم أنس ولا ما قريتوش الرد

اهلين ام ائد واسمحيلي المره اللي فاتت تخلطولي لخيوط ما كنتش عارفه بلي انت اللي سقسيتي علي
بنتي ويعطيك الصحه علي سؤالك حنونتي والحمد لله علي كلش
واني نشوف بلي عندك عريس وماشاء الله امام وانا مع كلام اختي ام اروي يمكن الكلام علي الخاص
ايكون احسن في هذ الامورواقتراحي اذا ما كانش عندك مانع انك تشوفي سلمي العنابيه اللي معانا في
هذا الركن فهي مناسبه لانها كانت تحب تكون داعيه فاكيد هي ملتزمه وجزائريه يعني تقريبا عندهم
نفس الاتجاه والله اعلم

ام بثينه حنونتي واش راكي ومبروك عليك الحوايج وتلبسيهم بالهنا
والعافيه انت والفلوسه الصغيره ربي يعيشهالك , وعلي فكره راني شفت
البغرير انتاعكوعجبني ياسر يعطيك الصحه حنونه ولازملك شهادة تقدير عليه

ام رائداعذريني اناقريت الرد اتاعك ولاكن مكتتش نقدر نبعث الرسالة لنبثها متوصلش اسمحيلي اختي

واش راكي ام انس مع الحمل انتاعك ان شاء الله اتكوني بخير ماتنسايش برك الفيتامين اللي تعطيهولك الطبيبه وكثري من الحليب لان الكلسيوم انتاعك يروح كلو للجنين وتاني الخضراوات اللي تكون غنيه بالحديد والله المعين