كتبت بواسطة aryame2007

صباح الخير عليكم يا البنات
كيراكم الكل (ام معاذ, ام بثينة ,ام رائد, نسرين , مازينة , سلمى, ام الاحمدين, المهاجرة, ام انس ,نورة,المخضرمة ,نواعم,كوثر واللي نسيتهم يسمحولي ما شاء الله الجماعة كبرت)انا راني شوي لاهية مع مريم وعبد الرحمن راهم كي يشوفوني قعدت قدام الكمبيوتر ما ترشقلهمش على هاذا ما رانيش نكتب بزاف لكن راني كي نشوفكم متواصلين تغيروني ربي يتقبل اخوتنا ومحبتنا فيه ويجعلنا ممن يظلهم يوم لاظل الا ظله

يااااهلااااا يا اختي اريام تسلمي على السؤااال يعتيك الصحه
باين بلي ولادك يغيرو من البي سي وماعليش
اما الغيره راني انا تاني كي مانلحقش عليكم نهبل ماشي برك نغير ههههههههه
ااااميييين تسلمي على الدعاء

كتبت بواسطة kaouther

صباح الخير و الا مساء الخير على حسب توقيتكم

يعطيك الصحة يا ام معاذ على الركن الجديد. المرة هادى رانا ضياف عندك
بارك الله فبكم يا بنات على دعائكم ليا. ان شاء الله كيما قلتو تكون مبروكة و يجعل اياماتنا كلها مبروكة ان شاء الله
اختى نسرين,
جابلى ربى ما قريتيش الكلام الاخير اللى قتهولك على المدرسة تاعك. ما علقتيش عليه

مازينا
انا نسجل حضورى يوميا ,بصح الله ابارك البنات دركة بزاف و يمكن تعقيبى ما يبانش , بصح ما يعديش يوم الا و نجى و نكتب , اللهم تكون عندى مشكلة فى النات.
ما شفناش ام رائد و المهاجرة عندهم مدة
ان شاء الله المانع خير.
انا بصح غدوة نكون غايبة. زوجى عندو مؤتمر فى مدينة اخرى و رايحين معاه ان شاء الله بصح لليلة وحدة برك.
بصح يا بنات, صراحة , الريتم تاعكم very speed
من كترة ما تفوت الصفحات بزاف, وليت كيما نجى هنا, ندخل طول للركن هدا, وما نلقاش وقت باش نروح للاركان الاخرى.
ما عادش على بالى واش قاعدين يطبخو الحراير تاع لك.
ههههههه
هيا مالا نخليكم
القدية تستانى
و الى الملتقى القريب ان شاء الله

اعلااااااااان يا كوثر كيراكي ...ان شاء الله بخير
حبيبتي الرد تاع المدرسه مازال ماقريتوش ...راني نحوس على الملتقى الاخير تاعنا مالقيتووووش
كينلقاه نجاوبك يا عمري ...و عندك الحق الله يبارك رانا كي الطياره ماشاء الله ههههههه
تروحي و ترجعي بالسلامه يا عيوني ...و بروفيتي داكوغ

كتبت بواسطة أم معاذ";3053656][COLOR="Blue

السلام عليكن و رحمة الله تعالى و بركاته,[/color]
رحت للموضوع لاخر لقيت مغلق, حوست على موضوع جديد و كي ما لقيتش قلت لازم نحل واحد آخر حتى نكملو فيه لمتنا الحلوة.
يا الله يا بنات, لنكمل نشاطاتنا.

الله يباركلك يا حبيبتي مليح الي عاوتي لميتينا عندك ...و ان شاء الله راح نكونو ضيوف خفاف عليك علابالك يا ام معاذ مالقيتش الملتقى الاخير الي كنا فيه فاتني يزاف باش نجاوب و نتفاعل مع الكل
دوك نزيد نحوس!!!
و شكرا لك يا حلوه

كتبت بواسطة نورة الجزائرية

اسألك يا رب أن تفرش لأحبتي
درباً من نور .. وتجعل وجههم دائماً
مسرور .. وتملئ قلبهم بذكرك ي غفور ..
وتجعل لهم الصراط سهلاً للعبور ..
ليلتكم مبــــــــــــاركةةة ...

حبيت اسلم عليكم كيييييف حالكم

شهادة تقدييييير مني لكي يا نوره
انا حابه نتعرف عليك اكثر بعد اذنك لو سمحتي
الله لا يحرمنا منك و لا من طلتك الحلوه ياااااا حلوه

كتبت بواسطة oum arwa

السلام عليكم,

رقدت و نضت لقيت الموضوع الآخر تعمر و تغلق...ما شاء الله عليكم.

حبيت نحل واحد جديد لقيتك يا ام معاذ سبقتيني...خيرها في غيرها

الاختلاف في التوقيت يخليني ما نلقى حتى اخت...حتى العزيزة ام بثينة

راني قريت كامل الردود لفاتتني و الحمد لله كراكم كامل بخير

وعليكم السلاااااااام و رحمه الله و بركاته
يا هلا حبيبتي واش راكي و صح النوم هههههههه
التوقيت فعلا حاجز للقاء الداءم بس كل وحده تقول الي تحب و كي الباقييين يقدرو يردو وقت مايحبو يعني التواصل موجود رغم الاختلاف في التوقيت
و الله لا يغير علينه فعلا صداقتنا مش حلوه و بس و لاكن بتخدم الكل بشكل او بااااخر
و سلااااامي لك يااا حلوه

كتبت بواسطة om bouthayna

السلام عليكم اخواتي الحاضرات والغائبات واشراكم ماشاء الله فاتني بزاف ماقدرتش نقراهم كامل على صباح ربي
وصحيتي ام معاذ على الركن الجديد مبصح قلنا ام اروى تحلو ماعليش
ام اروى المرة الجايةحنونة
نورة واشراكي الله يخليك

وعلييييكم السلام ورحمه الله وبركااااته
واش راكي اختي ام بثينه ان شاء الله تكوني مليحا انت و لي يعز عليك
و المهم وجودك وطلتك معانا

هذا الي قدرت نرد عليهم ...دوك نزيد نحوس علي القديم و ان شااااء الله نجاوب على المل ...و سلااامي الحار للكل بدون اي استثنااااء ...نحبكم و نعزكم كامل وحده وحده ...
سلااااااااااااااااام يا بنااااات الاسلاااااااااااام

صباح الخيروين راكم يابنات

السلام عليكم,

والله انا اليم كنت مشغولة جدا جدا...و الآن راني هلكانة جدا جدا جدا
بصح قلت نجي نسلم عليكن و نتمناكم يوم جميل

عزيزتي ام معاذ,حنا المحظوظين لانك استضفتينا هد المرة...و كاش من قدنا كل مرة في بلاصة من استراليا لفرنسا لقسنطينة, و درك رانا في المااااااااااااااركان.

الله يدوومها نعمة

السلام عليكم وشراكم لباس
نيسا و الله توحشتك حنونة
أم أنس أم اروى كيراكم واش الأجواء عندكم
أم معاذ ولد عمتي عفي عمرو 2