السلام عليكن و رحمة الله تعالى و بركاته,
رحت للموضوع لاخر لقيت مغلق, حوست على موضوع جديد و كي ما لقيتش قلت لازم نحل واحد آخر حتى نكملو فيه لمتنا الحلوة.
يا الله يا بنات, لنكمل نشاطاتنا.

حبيت نبدا أولا نرد على الأخوات من الموضوع الآخر.

كتبت بواسطة ناعو 2007

علابالكم أنا نسكن مع ناس داري و عندنا كمبيوتر واحد غير ينوض واحد نخطفلو بلاستو ... ولاهي تقولي كتبتولي في هدا المنتدي ما نوضش خلاص و كي نكون مع زوجي نهربلو سا سميير يقولي وين بها سور للنت هاهاها فاقلي بالاك راكم كامل كما أنا متفاهمين النهار ليا و الليل ليه بصح أنا ما نشبعش و خطرات الصباح الشغل بزاف و لا نخرج نقدي صوالح و لا ما كاش لا كونيكسيو صافي نحتل مكانو في الليل هاهاها

لازم تعملو تيكيات باه تستعملوه بالدور حتى ما يتظلم حتى واحد, و إلا واش قال يا نواعم؟

[QUOTE=سلمى 2007;3053678]وشراك ام معاذ ان شاء الله تكوني بخير علابالك اسم ولدك يفكرني بولد عمتي الصغير انا و عمتي صديقتان هي قدي في العمر و عندها معاذ و بثينة حتى انت يا ام بثينة ذكريني بها عندي بزاف ما شفتهاش الزواج و ما شغالو
على فكرة البغرير خنا نقولولو الغرايف.[QUOTE/]

رانا بخير و الحمد لله يا أختي, قداه في عمرو ولد عمتك؟ أنا معاذ راهو تقريبا 6 سنين, ما شاء الله.
فيما يخص البغرير, حناي في قسنطينة نسميوه "القرصة", و لكني كي حطيت الوصفة فضلت نكتب البغرير لأنه معظم البلدان يعرفوه بهاد الإسم.

يبوسك الخير يعيشك يا مازينا, و تصبحي على خير, حناي ما زالت لعشية طويلة, و درك نخرجو أناي و معاذ و خديجة كي تنوض من قايلتها, معروضين عند وحدة صاحبتي و في نفس الوقت بنتها تقرا مع معاذ.
يا الله, نخليكم على خير.

اسألك يا رب أن تفرش لأحبتي
درباً من نور .. وتجعل وجههم دائماً
مسرور .. وتملئ قلبهم بذكرك ي غفور ..
وتجعل لهم الصراط سهلاً للعبور ..
ليلتكم مبــــــــــــاركةةة ...

حبيت اسلم عليكم كيييييف حالكم

يسلم عليك الخير يا عزيزتي نورة, واش راكي؟ إن شاء الله تكوني بخير, حناي رانا بخير و الحمد لله, كنت رايحا نوض و من بعد قلت أسنى نزيد نضرب طلة و لقيتك أنتي هناي, أهلا و سهلا بيك يا أخية, و درك نروح و نخليكم في أمان الله و حفظه و إذا سهلي ربي نولي من بعد خلاص.
يا الله, سلامي لكن جميعا بدون إستثناء.

السلام عليكم,

رقدت و نضت لقيت الموضوع الآخر تعمر و تغلق...ما شاء الله عليكم.

حبيت نحل واحد جديد لقيتك يا ام معاذ سبقتيني...خيرها في غيرها

الاختلاف في التوقيت يخليني ما نلقى حتى اخت...حتى العزيزة ام بثينة

راني قريت كامل الردود لفاتتني و الحمد لله كراكم كامل بخير

السلام عليكم اخواتي الحاضرات والغائبات واشراكم ماشاء الله فاتني بزاف ماقدرتش نقراهم كامل على صباح ربي
وصحيتي ام معاذ على الركن الجديد مبصح قلنا ام اروى تحلو ماعليش
ام اروى المرة الجايةحنونة
نورة واشراكي الله يخليك

ماشاء الله على شطارتك يا اختي مريامة درتي البغرير البارح والله حشمتيني حنونة مارانيش طباخة المهم عجبك حنونة
المهم لازم نشوف تطبيقك درك نضرب طلة
الله يخليك ويشفيلك بنتك ويحفزها من كل سوء يارب