نواعم واش راكي أنا راني في الأمارات هي صح شابةبصح كيما قلتي بلادنا خير يكفي أنها فيها الأهل ونتوما

على سلامتك أم رائد و الله يبارك عليك أولا الله يفك ديون الزوج التاعك و يرزقكم من مال الحالال يا رب

أنا راني مليحة السوال عليكم... نسرين دارت حالة شفتيحة الميكي و ما طلقاتوش واحدها صاحبتي و نعرفها ... متيقرة ما تراطي والو غير سوسبانس

يا جماعة يا لي هنا شكون معانا جاوبونا راني غير أنا و أم رائد و لا واش ما عليش فينا الباراكة حنا و الباقيات تلحق....

أنا راني فرحانة لي راني معاكم واحد ما ولا يصحلو الكمبيوتر في الدار ملي عرفتكم ما نوضش غير إلا راحت لا كونكسيو هاهاهاها

نسرين طلبت منا كل واحدة تقول الإيجابي و السلبي تاعها صح..

كل إنسان عند السلبي و الإيجابي بصح ما نقدرش نحكم على نفسي لي يعرفك هو لي يقولك و يصفك و لا واش قالو..أنا الحاجة الإجابية فيا بالاك هي كوني متسامحة مع لي يضلمني يعني بات مضلوم و ما تباتش ضالم (خاج الموضوع بلاك ) و حنينة و نحب ناكل الشوا هاهاهاها... و نحب الناس .. و المسكين يغيظني و المحروم يقتلني و كاين صفات بصح ما نشكرش روحي ... و الحاجة السلبية هي نحب ناكل السقايط و الشوكولا بزاف و تم تم تغيظني عمري و نبكي بصح تم تم نسكت حقا أنا كي نبكي ناكل ما نحبسش الماكلة هدي باش تضحكو علابيها سمينة هاهاهاها أنا راني في الريجيم أحم أحم هاي نسرين تحكيلكم عليا عشرة 20 سنة .. و السلام عليكم.. أهدي تحياتي إلى أمي إلى إخوتي هادي داخلة في التمهبيل تاعي ...

سلاااااااااااااااااااام هل انتن هنا

السلام عليكن و رحمة الله تعالى وبركاته يا أخواتي الحاضرات و الغائبات,
جازاكي الله خيرا يا مازينا كي زدتي لميتينا هناي, و ما شاء الله, كنت مشغولة بزاف هاد الصباح و هادا وين دخلت لقيت الموضوع الجديد و واصل لهاد الصفحات بكل.
حبيت نرد على الأخوات في الموضوع السابق, يعني العاشر.

كتبت بواسطة mazina

واشراكي أم معاذ والله توحشتك بزاف وواشرهم ولادك ان شاء الله لاباس و ما تزعفيش علينا كيساعات مانردوش عليك تعرفي حالة انترنت والكنكسيون انا ساعات نكتب الردود وما يحبوش يروحو ونبقى نعاود اشحال من مرة كنكره نحبس و هكذا الحال مع الاخوات انا متاكدة
راني عارفة راه وقت النوم عندكم امالا في امان الله

راني بخير و الحمد لله يا أختي لعزيزة يا بنت بلادي الحبيبة إلى قلبي, و ولادي راهم لاباس الحمد لله, و إن شاء الله أنتي تاني بخير و ولادك و كل عائلتك, و أنت خاطيك, دائما تسألي علي و تردي, كاين اللي كلي هدرتك أو ردك أنفيزيبل, يعني ما يظهرش عندهم, و الله المستعان.
أنا المهم حباباتي اللي نعرفهم من بكري, من اللي بدينا نفتحو في أول دردشة جزائرية راهم يسقسيو علي و يخممو علي.

كتبت بواسطة mazina

ام معاذ هذا حال الدنيا وكيما يقولو ناس زمان ذيل الكلب عمرو ما يتعدل اسمحيلي على اللفظ بصح انا حابة ننصحك ونقولك و علاش ما تقوليش للمشرفات يعدلولك مواضعك ويوضعو اسمك على الصور التبابعة لوصفاتك وهكذا تضمني ولا احد يزيد يسرقهم علابالي طولت عليك بصح واش نقول الدين نصيحة

لا لا يا مازينا, أنا الحمد لله لحد الآن ما شفت حتى وحدة داتلي الوصفات نتاعي و كل الصور نتاعي فيهم إسمي كيما راهو هناي في المنتدى نتاعنا, و لكن المشكلة صرات لأخوات أخرين, الله يهدي ما خلق.