السلام عليكم
راهم غلقوه.... .....راهم غلقوه ..... .... الحقوا............الحقوا

بصح والله غير نكملوا
ياالله يا جزائريات أتلموا أتلموا
قلت بالدالة كل مرة تفتحوا وحدة والبقية للصالحات

سلام
انا نيييسا جزائريه عايشه في الرياض
اسلم عليكم و اقولكم الله يعتيكم الصحه
انا شاويه و ماما قبايليه
ومانعرفش غاع نهدر لا شاوي ولا قبايلي هههههههههه

ما فهنت واااااااااااااااللللللللللللللللللللوووووو
هاكدا فتحتو يعني ماعليش اول مرره
سامحوني ادا خليتكوم تسناو

شحال ضحكتيني يا ام رائد ههههههههههههههههه
وفرحت كي حليتي هاذا المرة ركن لانه دايما نديهولك ههههههههههههههههههههههه
اختي nissa algنسرين شحال هرحتني ملمتك معانا وماشاء الله راني نقول خليتكم فالصفحة 18 لقيتكم ف23 والله تخلعت
اختي ماتحمليش هم المهم راكي مهنية والله رغم اني مغتربة مبصح تقولي يما راكي بعيدة ومهنية خيرمن قريبة ومحنة ولازم نرضاو بالقضاء والقدر اختي ونتمنالك يا ربي كل السعادة والهناء على فكرة جيراني كامل سعودييين وعندها وحدة ام روان مبصح ناس طيبين وكرماء
ايا منبعد نكمل اتعلاو في رواحكم
الحمد لله اللي ماجاتش دالتي

السلام عليكن و رحمة الله تعالى و بركاته,



تعرفو كي جيت قبيل و لقيت الجزء 6 مغلق فتحت واحد آخر و لكن كي رجعت درك ما لقيتوش و لقيت هادا في مكانه, ما عرف واش صرا, على أية حال المهم أنه عندنا ركن نتاعنا نتلمو فيه و نسقسيو على بعضانا فيه.
إذا وليتش نقولكم تصبحن على خير يا عزيزاتي.

ام معاذ, بارك الله فيك على الصورة المعبرة.
واش راك مع التلوجات؟ ربى اعينك...........
ام رائد, راكى سافا, تهدرى ماليزى .........انا فوق من 2 الى 3 جمل ما نزيدش........
عندك الحق فى كل اللى قلتيه, ان شاء الله, تكون وضعيتك تحسنت .......... يارب......... ربى افرجها عليك و علينا و على كل المسلمين.

اختى نيسا, صراحة , موقف زوجك شوية مفهوم لانه حس بخطورة الوضعية من خلال عايلتك انت........ و لكن قوليلو انه عامل الوقت كفيل بمحو كلش شىء. و الحمد لله, بلادنا آمان الان , و الخير كل مبزع , صراحة المرة اللى فاتت كى رحت, ذهلت من السلع الموجودة , و لاو عرب مارساى(ههههههه) هوما اللى سلعو من البلاد مش العكس,,,,,,,,و الا لا يا سلمى؟
على فكرة انا تانى اصولى شاوية. نفهم كلش شىء و لكن ما نقدرش نتكلم و اللوم كلو نصبو على اهلى , كانو اركزو على الفرنسية و عمرهم ما اهتمو بتعليمنا الشاوية ........ و لكن بحكم انى كنت نروح عطلة للاوراس و نسمع الناس تتكلم , و ليت نفهم و لكن لانو واحد ما هدر معايا بالشاوية , ما عنديش السلاسة انى نتكلمها لانو مخارج النطق للامازيغية صعبة شوية , تلقاى 3consonnes متقاربين بدونvoyelles , يعنى لسانك يحصل شوية. هههههه
صراحة يا بنات , ما نعرفش واش نقول قدام تجاربكم المريرة مع الارهاب. ربى ينعم عليكم بالنسيان و خلاص,
احنا فى عنابة كنا آمنين, يعنى تحسى بجو الارهاب من خلال التلفزيون و لكن ما اثرش على حياتنا مباشرة زيكم , الديار تتهدم و المشاريع الشخصية تتوقف ,هادى ماعشناهاش.
ربى اعوض عليكم ما احسن و خلى بلادنا دايما فى تقدم.

هريتكم بالهدرة, على بالى .............. سامحونى على الاطالة ........
هيا نروح نطيب غدايا , دركة ام معاذ راهى خلدت الى الفراش(ياعينى على الفصحة) و ام بثينة تتغدا,
نوم الهنا و بالصحة و الراحة على قولة اخوانا المغاربة

الله يعيشك و يبارك فيك يا كوثر, كنت متأكدة أن الصورة رايحا تعجبكم, رانا الحمد لله, درك أحسن و مابقاش الثلج يصب و لكن ما زالت لرض بيضاء, و راني ما زلت ما رقدتش و ما زال شوي الحال, راهي الساعة 8:38 مساء.
إذا سهلي ربي نولي إن شاء الله.

جيت نقولكم تصبحن على خير, يظهرلي راكم بكل نايمين و أنا كذلك شوي هاكدا نروح نرقد.
يا الله, في أمان الله و سلامي و قبلاتي لكل الأخوات, الحاضرات و الغائبات, كل واحدة بإسمها.
أستغفر الله و أتوب إليه, أستغفر الله العظيم من كل ذنب عظيم.

السلام عليكن ورحمة الله و بركاته
الحمد لله واخيرا لحقت القطار لابد انك عرفتيني يا ام رائد
لكن بالنسبة للاخوات الاخريات نحب نقوللكم اني اخت جزائرية من الغرب الجزائري(تلمسان)وراني فرحانة بكم بزاف

ام رائد حبيتك تحكيلي موقف طريف لواحد من اولادك توحشتهم بزاف