صباح الخير يا حلوين
حيا الله مين يانا
ام قتقت
دانوووو
غرووب
انااااااااااااااااااااا
فراولايه
اميره
ندوش
هلا بيكم ميعكم
اليوم الجمعه وبدي احكيلكم عن اجواء رمضان يوم الجمعه في القدس وكل يوم مش بس الجمعه
طبعا اول ما ببدا بالزينه كل طريق القدس سواء الاسواق او الطرق العامه او الطرق المؤديه للاقصى كلها مزينه بالاضواء والهلالات والنجوم
ورايات لا اله الا الله
والزينه
والكل ما تتصورو قديش في خيرات طول الطرقات
والاشي الي بميز انه رمضان العصاير
التمر والسوس واللوز والخروب على طول الطريق بائعين عصاير
وكمان محلات الفول والحمص والمخلالت الي بتشهي القلب
ناهيكم عن انواع الخبز الي ريحته بتفحفح ما ازكاها
اشي مدور واشي مجدل واشي مطاول واشي شو ما بدكم اشكال
ويا حبيبتي المصلين
بتوافدوا من كل ابواب الاقصى شو منظرهم بشرح الصدر بس قولو ان شاء الله قلوبهم بتكون مثل منظرهم
واشي حامل سجادة الصلاه واشي بركض واشي بكزدر
واشي حاط امه والا ابوه على عربايه وبمشي فيه
والاذان بيكون يتردد في الاقصى والناس بتجري تتلحق الصلاة
منظر عنجد رائع
ولجان الزكاه حاطين صناديق للتبرعات
والواعظات في المسجد الاقصى عند النساء
والواعظين في الحرم عند الرجال
وطبعا مش الكل بيسمع الا يكون هناك شواذ
عنجد الله يطعميكم زيارة المسجد الاقصى وخصوصا برمضان
قولو امين
يلا كل وحده تحكي عن اجواء رمضان عندها
اه نسيت احنا اليوم معزومين عند اخت زوجي على اوزي
يلا سلام
على حساب لمن بدكن تنزلو عالاقصى بدكن تيجو عندي؟؟ على كلا انا كمان اليوم طلعت بجد ما شاء الله منظر المصلين بفضي البال...... بس المشكلة عند اللي بدو يمرق مو قادرين نمشي خطوتين على بعضهم 
الروابط المفضلة