اعجبتني القصه فنقلتها من احدى المنتديات
هذا الله يسلمكم يقووووووول

طلعت الصبح من البيت رايح الدوام ومثل العادة درعمت على بوفيه زين السوداني

أفطر عنده طلبت صحن فول, وأنا كل من الفول حبه من حبات الفول عجزت أبلعها

قاسيه وأطلعها وحصلت فيها ورقه فتحت الورقه لقيت مكتوب فيها مبروك بوفيه زين

للفول تبارك لك لقد فزت بتذكرة سفر ذهاب وإياب إلى لندن مع السكن لمدة ثلاثة أيام

وإفطار لمدة شهر صحن فول قلابه ..

أثر الفوال زين مسوي جوايز وأنا فزت بالجائزة الكبرى هههههههه و قمزت ما كملت

صحني وعطيت زين الورقه وفتح درجه وطلع التذكرة وكاميرا ووقفنا وسط البوفيه

وصافحني ومد لي التذكره باليد الاخرى ( حركات ) ونبتسم للكاميرا وصورنا عامل

عنده والصوره علقها في وسط المحل لا وحاط على صورته سهم وكاتب هذا زين ..

وطلعت من البوفيه فرحان وأنا بصراحة عمري ما سافرت بس أشوى إني أعرف سبيك

لندن ..

وأخذت إجازة من العمل ورحت السوق وأشتريت بدله وشنطه كبيره وأكدت الحجز

وعرفت منهم إن الوزن المسموح لي فيه خمسه وعشرين كيلو وأدرعم لبيتنا وأفتح

الشنطة وأحطها فوق ميزان عندي وعبيتها خلاقين مالها أي لزمه لين وصل الوزن

خمسه وعشرين بالتمام ( أحلل التذكره ) ..

رحت الحلاق وحلقت وإسشورت شعري ورجعت البيت وسبحت اكيد الواحد يسبح عقب

الاستشوار وأتعطر وأكشخ بالثري بيسيز ( بدله ثلاث قطع ) وأقعد أتميلح قدام المرايه

وأناظر عمري بالبدله بس بصراحه اللي مخرب الكشخه كرشتي طالعه متر قدامي (

أنا أسمع إن السفر له سبع فوايد أنا أقول ثمان الثامنة إن البنطلون يعرفك على

تضاريس جسمك طبعاَ الثوب مخفي هالشحوم ) ..

ودرعمت على المطار ودخلت صاله المغادره وعند الكاونتر وزنوا الشنطه خمسه

وعشرين كيلو بالتمام طبعاههههههه ..

طالعني الموظف وناظر كرشتي ( على سيرة الكروش فيه ناس كروشها قدام مثلي

وفيه ناس كروشها وراء وناس كروشها وراء وقدام لكن شفت في المطار موضة

جديدة كروش ومضغوطة من النص بحزام البنطلون جاية شكل حرف بي B هذا موديل

توه نازل ) ..

المراد إن الموظف قال لي : عندك خمسه وثلاثين كيلو عفش!!!

قلت : الشنطه مغير خمسه وعشرين !!!

قال : إيه وكرشك عشرة كيلو رح إدفع الفرق الله لا يهينك ...

بصراحه معه حق دفعت الفرق خمسين ريال وأخذت البوردنق ودخلت على الجوازات

وياخذ موظف الجوازات جوازي وناظر في صورتي و قال: الصورة ماتشبهك قلت :

إيه هذي الصورة قبل ما تسبح ..

هز راسه وقال : ياخي ثاني مرة إن بغيت تسافر لا تسبح ( معه حق حتى تطابق

الصوره مع الأصل ولا لا )

ودرعمت على التفتيش وكان فيه أثنين من المفتشين واحد دب وقصير والثاني معصقل

وقصير بعد ..

قال المفتش العصقول : طلع الأغراض اللي في جيوبك وأفصخ الجاكيت (الكوت)

والكنادر( تكرمون ) وأدخل , فصختهم ودخلت مع جهاز التفتيش وصفر الجهاز

ورجعوني

وقال الدب للمعصقل : تراهني ان سبب الصفيره من قميصه !!! قال الدب : أراهنك

وقال لي العصقول : أفصخ قميصك ولا تفصخ الكرفته خلها عليك !!

فصخت القميص وطلعت الفنيله العلاقي واصله نصف سري وسري مستحي يويق من

تحت الفنيله بس صدقوني إن الفنيله أكبر مقاس بس الكرشه اللي رافعتها ..

وتوني بادخل مع جهاز التفتيش قال الدب : وقف وقف مره وحدة فصخ الفنيله خلي

سرك يشم الهواء الظاهر إن سري كسر خاطر الدب وأنا أزعل وأفصخ الفنيله

والتفت وراي وأشوف طابور من الجماهير المسافره يتفرجون ..

وأقعد أسخن قدام الجهاز والجمهور يصفق ويصفر وأجي مسرع وأدخل أبي أسجل

قول وصفر الجهاز ..

وقال الدب للمعصقل : هههههه هالحين دوري تراهني ان السبب من بنطلونة ..

قال المعصقل : أراهنك عطاني الدب أبتسامه وقال : يالله نزل بنطلونك ..

أنا كنت مستحي بس الجماهير كانت تشجعني وتهتف بصوت واحد .. أفصخ أفصخ ..

أنا بصراحه جاني حماس وأنا اللي أفصخ البنطلون ويطلع سروال السنه صحيح إنه

أصفر بس صدقوني إني غاسله قبل أسبوع وأرجع أربعة متر والجماهير تصفر

وتغني .. نبي قول مدرعم على صفيره الحكم .. وأجيك مدرعم وأدخل بين الجهاز

قووووووووووول وأركض فرحان واسوي حركه الكاميروني ( روجيه ميلا )

<<<<<<< لا تسألون منهو لأني ما أعرفه ..

والجماهير تذب عقلها وشمغها علي وأنا احيهم وازحف عندهم على صدري

ههههههههه ..

بس الفرحه ما كملت الدب رافع يده يشر تسلل ( الجهاز صفر بس ماسمعته من صياح

الجماهير )

وأضرب في الأرض من الزعل وأصرخ منهو التسلل ؟؟

قال الدب : كرشتك تسلل وأنا أشك فيها وهو اللي ينادي يا مبروك يا مبروك تعال نظف

كرشته !!

وجانا مبروك و احدن يا كبره كبراه وهو اللي يسحبني من الكرفته أنا توني أعرف ليه

خلوا الكرفته علي وما فصخوها دخلني مبروك الغرفة وعطاني كاس وقال لي أشرب

جيت أبي أشرب إلا طعمه مر قلت وععععع هذا عشرق وهو يمسكني بشعري وهو

يقول : أقولك اشرب وخذ هالحبتين بعد أشربهم مع العشرق وأناظر في الحبتين وحدة

لونها اسود و الثانية صفراء قلت أكيد الأخ إتحادي خلني أدهن سيرة وأقعد أطامر في

الغرفة وأغني .. اوووة يا إتي يا موج البحر .. يا ناس مبروك شاقني يا ناس دلوني

علية .. إتي إتي ..

ويرفعني مع إذاني فوق وهو يقول إتي مين يا أبويا أنا أهلاوي ..

وانا أنطم وأشرب العشرق مع الحبتين وشوي أنا ماحسيت في نفسي ومبروك

انحاش ..

جلست في الغرفة أعاني ساعة بالتمام بعدها حسيت إني خفيف وأناظر في جسمي

مالقيت كرشتي أختفت ما أدري وين راحت !!!

وأطلع من الغرفة بدون كرشه ماسك سروال السنة لا ينصل والجماهير تصفر وأحيي

الجماهير وأرجع ورا الجهاز خمسه متر والجمهور يصفق .. وحدة وحدة وحدة ..

وأصفق معهم وأجيك مدرعم ودخلت من الجهاز وصفر الجهاز بانتهاء الوقت

الاصلي ..

قال الدب : خلاص ضربات ترجيح وهم يحطوني مع جهاز العفش ويسدحوني على

ظهري وأنا زعلان أفكر في كرشتي وصفر الجهاز يوم وصل عند راسي ويفتحون

أفمي ويكتشفون إن السبب الله يسلمكم ضرس فضه هذا الضرس مركبه من العام الله

يعمي العدو ..

ويطبطب على ظهري العصقول يوم شافني زعلان ويقول هارد لك شد حيلك في مباراة

الإياب ..

وعطان خلاقيني وحطيتهم في كيس مالي نفس البسهم جلست بسروال السنه والكرفته

والشراب أتمشى في المطار ضايق صدري وزعلان على كرشتي اللي راحت وأجلس

على كرسي واحط رجل على رجل والعب برجلي ( وحدة ورا والثانية قدام عرفتوا

وشلون ؟؟ ) وأناظر في كرشتي اللي إنمسحت ... صدقوني أنا ما كان زعلي إن

كرشتي راحت لا والله !! اللي كان مزعلني ؟؟؟؟

؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
الخمسين ريال اللي دفعتها عفش زايد على كرشتي ..

اتمنى انها تعجبكم انا عارفه انها طويييييله بس انتوا راعياتها واعذروونا على الاطاله



وباااااى عسووووووولات

ورااااااااااكي ما تردييييييييييين اخت بااااااااارعة تراني زعلت00000000

أنتـي واللـه عسـل ولي يجي منك عـسـل00 يا عسـوله0 اللــــه يحميك لـشبابك
مـشـكوره على هذه القصه الظريفه00 بااااااااااااااااااااااااااااااااااااااي

ههههههههههههههههه.....الله يوسع صدرك ...رائعـه يا بارعـه

بصراحة قصة تضحك اللة يوسع صدرك.........

صراحة ضحكت على مقطع حرف ال B ومن بعدها ما عدت فهمت أي شي غير كرشه راحت. !!!!!

ههههههههه ...أحلى شئ إنه البنطلون بيعرفك على تضاريس جسمك <<<<ولا موديل الكرشة إلي على شكل B >>

حلوة

يعطيك العافيه كلوه كثير
ضحكتيني هههههههههه
ههههههههههههههههههه