قرر الجميع الذهاب في نزهة ..واختلفت الأسرة في الرأي
كل واحد يريد يروح لمكان فقرر ابوبدر عمل قرعه لإرضاء جميع الاطراف ..كل واحد كتب المكان اللي يريد يروحه بورقه
وقام بدر بسحب ورقة وطلع المكان اللي يروحه البــر ..احلى مكان في هذا البرد ..شكل اللي كاتب يريد يروح البر يقين .. شفتي كيف دخلت يقين بالقصة ..خافت من العض قالت بكتب لهم البر علشان تتجمد اسنانهم
ثم قام الجميع بتجهيز الاعراض وكل واحد يحط له ملابس إلا ريتال
طبعا جالسة وتتطالع البيت كله حركة ومبوسطة وتلعب .وقت لهم ابو بدر
إنه لازم في ساعة محددة يخلصوا الاغراض ويكونوا جاهزين وإلا مافي روحة ..قامت ام بدر بسرعه تحط الاغراض بسرعه (لو طلبتي مساعدتي ساعدتك بس بكيفك)
ورناد ورغد يجهزون ملابسهم ويجهزون لبدر وريتال ..وفي نهاية حطوا الاعراض بالسيارة وركبوا ..وانطلقت السيارة إلا وشوي تقول ام بدر لابو بدر ..نسيت موبايلي في البيت ارجع ..ورجعوا وخذت موبايلها وركبوا
اشوي وتبكي رغد ..وتقول نسيت شنطتي وفيها ملابس البرد بابا ارجع
ورجعوا وتنزل مامتها من السيارة وتجيب الشنطة ...وقال لهم ابوبدر لو تكلم واحد منكم وقال نسيت شيء برجعكم ومافي روحه ..اشوي ويبكي بدر بابا نسيت السيكل حلو سيكل وفي البر ..وطالعته مامته وقالت له اسكت
بعدين بنشتري لك من البر الولد مايدري على باله في سياكل بالبر..
مايدري ن البر مقر للضب والثعابين ..
ولما وصلوا البر قال بدر ماما روحي اشتري لي سيكل
قالت له رغد مافي سياكل بالبر في ضبان إذا تريد ضب قول لبابا
ونزلوا من السيارة وجهزوا الخيمة وخيموا .. وجى وقت الاكل
لازم يطبخوا ..جات ام بدر وقربت كل شيء وطبخت وخلصت
ولما حطت الغداء وجوا يأكلوا إلا الأكل كله سكر ..لخبطت بين الملح والسكر ..وطلع احلى غداء رز بسكر
رغد تقول ماما من طبخ هذا لايكون ريتال ..
وبعدين تغدوا على خفايف جاهزة كانوا جايبنها معاهم وش يسون لازم يسكتون الجوع ..
وناموا للعصر وطلعوا العصر يتمشوا في البر وراحت رناد ورغد وبدر يجروا ويشوفا من يسبق الثاني ..وبدر كان أخر واحد
ولما انهزم بدأ يبكي وجاء ابوبد وام بدر يسكتون بدر .. بطلوا سباق كله علشان بدر وزعلت رناد ورغد وكملن طريقهن وراحوا بعيد إلا اشوي وتصرخ رغد يمه افعي الحقي
وهنا تجري ام بدر الشجاعه
وكانت شايله ريتال واخذت رناد ريتال ومسكت عصى وتكفخ الافعي على راسه ياخوفي تنقلب العصى على راسي بس ماادري من وين جاتها الشجاعه..
والكل فخور بشجاعة ام بدر على بالها قاتلة افعي لما قرب ابو بدر ووصل شاف الميت ضب واهيه على بالها افعى اثاريها ضربت بالغلط الضب وتركت الافعى يهرب
بس مع ذلك شجاعه من يقدر يقتل ضب واشوي تصرخ رغد مرة ثانية يمه هناك الافعي وتجري ام بدر وتكفخ الافعي على راسه ومات الافعى قالت لهم شوفوا قتلت ضب وافعى وصوروا الافعى والضب ..علشان تنشرهم في المنتدى ويقولوا بجد مشرفتنا شجاعه
الروابط المفضلة