انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 2 من 2

الموضوع: يقول لك مخل الحرمه ومخ الرجال وتعليقات وحده مخها فاااااضي <<< ياثقل طينتك

  1. #1
    تاريخ التسجيل
    Dec 2005
    الردود
    10
    الجنس

    يقول لك مخل الحرمه ومخ الرجال وتعليقات وحده مخها فاااااضي <<< ياثقل طينتك

    هااااااي

    كيفكم ان شاء الله مبسوطين

    هذي أول مشاركة لي بالقسم العام ان شاء الله تعجبكم

    المهم عن اللخبطة والخمبقة اللي مالها داعي وتضيع من وقتي ووقتكم الثمين

    اذكر اني مره شفت صورة مخ الحرمه جايتني بالبلوتوث

    فاقولكم يعني

    تفقدت الصورة وقمت اطالع واطالع فيها عشان اعرف وش .... << معليش ما عرفت اعبر

    المووووووهم

    بالمناسبة هذي هي الصورة يمكن بعضكم ما شافها



    طيب

    أول شئ راح نتكلم عن اكبر مركز في المخ

    مـــــركـــــز إحــــداث المـشـــــاكل

    اذا دخل ابو صويلح البيت توه فالها مع اخوياه بالمقهى مطالع مباراة الهلال والسعودية << ما عليكم تحملوها بطنها يعورها

    وجته ام سلوووم قصدي ام صويلح اللي هي زوجته - يابو فلان والله ياني سويت لك شكشوووكه يووه بتاكل يدك وراها

    الضعيف ابو صلووووح توه ماكل جامبو نقانق من مياسم << هذي بوفيه بحارتنا

    وقال لها كرمتي وسلمتي يا ام صويلح الحقيقه انا متعشي برى

    ثم تنتهز ام صلوح الفرصة الي كانت تنتظرها من زمااااااااااااااان

    - انا اصلا كنت شاكه فيك وفي تصرفاتك اكيد انت متزوج وحده غيري ومتعشي عندها بس والله لاروح اهلي ويا انا يا هي

    ابو صلووووح منلخم وما يدري وش يسوي

    - تعالي يا بنت الناس اي زواج واي مقهى واي بلوتوث << الواحد مع اللخبطه يقول كل الكلام اللي سمعه اليوم

    المهم الله يستر عليهم مدري شصار تطلقوا ولا تزوجو مدري

    فاقول لكم هذا نموذج بسيط ومشكلة بسيطة من مشاكل هذا المركز

    الا تعالوا يا البنات ابقول لكم شئ

    وهذا صدق والله ما امزح يعني اكلمكم جد

    ............................

    اذا تزوجت الوحده فيكم الله يرزقني ويرزقكم

    لا تحجر لرجلها وكل ما شافته داخل البيت وينك ريحتك دخان من كنت جالس معه ومدري شنو

    لان الرجال اذا راح لبيته يبي يرتاح

    فلما يروح ويتبهذل مع تحقيق مرته بيكرهها وثاني شئ بيفكر يتزوج بثانيه

    عشان تعوضه عن الراحة اللي فقدها مع الأولى

    وقد أعذر من أنذر <<وحده مسويه

    ............................

    الموووووهم

    نترك مركز احداث المشاكل لاننا تكلمنا عنه واجد

    *--*--*--*--*--*--*--*

    رقم 2

    مركز الحش والتقطيع

    وهذا مركز ما شاء الله موجود في الصغير والكبير

    العاقل والمخبول << حلوه مخبول صح !!

    ريم : ما شفتي استاذة الانجليزي وش تقول
    رغد : وش قالت ؟
    ريم : قالت احمدوا ربكم فيه مدرسة تعلمكم طريقة الاختبار النهائي عشان تستعدون له
    رغد : وعععععع احمد ربي على وجهها اللي اربع وعشرين ساعه كنها توها قايمه من النوم ولا ايش ؟؟
    ريم : لا وشفتي الروج اللي حاطته استغفر الله كنه ميرندا برتقال
    رغد : اسكتي لا تذكريني تدرين من تذكرت يوم شفته
    ريم : من انا اذكر فيه وحده تحب هاللون << وهي نصابه ما تعرف احد
    رغد : هذي شغالة بنت خالي المتزوجه << حتى الشغالات ما افتكوا من شرهم كن الشغالات يعرفون الارواج !!
    ريم : اي اعوذ بالله الشغالات يجون هنا ما شافوا خير ويقعدون يتخققون
    وتستطرد ريم : لا ويتكشخون بعد من زين وجيههم اللي عيونهم داخله على براطمهم والخشم كنها فلقة راس

    ........... إلخش << يعني إلى آخر الحش

    طبعا مو لازم اتكلم اكيد السوالف اللي فوق وصلت
    *--*--*--*--*--*--*--*

    رقم 3

    مركز تصنيع النكد

    ايه وارجع لسالفة ام صلوووووح

    وهي تصيح ومتبطحه على الكنبه الجديده اللي طلع منها غبار ثلاث اسابيع << والله من زين التنظيف

    حرام عليك ليه حرقتني معك انا وش سويت لك

    واصلا مافيه سالفة !!

    *--*--*--*--*--*--*--*

    طبعا لو باترك واعد باوصل للميه

    لكن ارجوا تنتبهون للمراكز المهمه مثل ودني للسوق وبيت اهلي وعطني فلوس وين وديت راتبك .. بس حرام لو صغروا التفكير اكثر صار اصدق << يؤؤؤؤ بتتشوت

    طيب نكتفي كلام عن الحرمه

    خلنا ندخل بالرجال شوي


    هذي الصورة بالأول تمقلوا فيها



    طبعا جا ابو صلوح وهدا مرته ام صلوح وقال - اني طلبت من مياسم جامبو نقانق وجبن سايل زياده مع واحد حمضيات

    ورحت المقهى اتقهوا واروق واطالع المباراه

    ولا تزال ام صلوح تنكد الجووو تعرفون ما بعد قضى شغله

    - يعني مخليني في البيت عشان الكوره .. تهون عليك وحدتي يابو صويلح

    - لا حرام عليك عمري انتي اهم من الكوره مليون مره << طبعا دخل في هالشئ مركزين "انتي اهم من الكوره" و "مركز التصريف والكذب"

    عاد تعرفون الرجااااااال اقوى زحليقااات وتصاريف

    والا الرجال اللي جاي على رقبته روج قالت مرته وش ذا الروج اللي على رقبتك من اللي حبك حبتك القراده

    ويعطيها زحليقه سريعه زي اللي بمنتزه اليمامه اللي على طريق الخرج

    هذا صديقي سلم علي وفي يده روج عاد جتني حكه برقبتي وطبعت هذي تصدقين حتى اخوياي شكوا فيني بس قلت لهم السالفة وصدقوا

    وتمشي على الحرمه المسيكينه.

    المهم ويرجع لمرته ويقول لها يا فلانه بسك روج بغيتي تفضحيني مع مرتي

    الا تعاااااالي وددي ببيض ولو تحطين عيونك يا قلبي بدل البيض بس اخاف ما اتلذذ بشوفتك "وطبعا 13 كيلو من الكلام الحلو" الين تسويله ذاك العشا الزين

    ولا اذا جتك ام صويلح - أبي اروح السووووق

    ما معي فلوس يا بنت الناس هالشهر رحتي 6 مرات والله يستر من الباقي

    طبعا ما تخفى عليكم سوالف وين وديت الراتب مسرع خلص خلونا ساكتين << والمشكلة ما خلصها الا طلعاتها هي وخشتها

    ادري القصة مالها دخل بس عندي اختبار باكر "على العموم الله يستر"

    هالحين ادري بيقولون البنات ليه حشيتي فيني اكثر

    عاد جبرني الوقت ووراي اختبار << ازعجت والدينهم بذالاختبار

    وتدرون بما إن علي اختبار باتسر

    فأنا مخي مقفل

    عشان كذا استروا على ما واجهتم وأتمنى تعجبكم سواليفي

    شخامبيطي .. على كتابي << مالها دخل

    وسلاااااااااااااام عليكم

    ** اي صح ادعوا لي ترى المذاكرة لكم عليها **

    واللي قرت الموضوع تقولي رايها

    عاد ابغى اشوف ردودكم

    مع خاااااااااالص تحياتي

    شموخ انثى.. ..

  2. #2
    تاريخ التسجيل
    Nov 2005
    الموقع
    في محيط الغربة
    الردود
    48
    الجنس
    أنثى
    السلام عليكم ورحمة الله وبركاته
    الموضوع حلو الله يعطيكي العافية
    و أحلى شي كان
    رقم 3

    مركز تصنيع النكد

    ايه وارجع لسالفة ام صلوووووح

    وهي تصيح ومتبطحه على الكنبه الجديده اللي طلع منها غبار ثلاث اسابيع << والله من زين التنظيف

    حرام عليك ليه حرقتني معك انا وش سويت لك

    واصلا مافيه سالفة !!

    ههههه
    جزاك الله خيرا

مواضيع مشابهه

  1. الردود: 8
    اخر موضوع: 27-03-2010, 01:44 AM
  2. الردود: 11
    اخر موضوع: 11-01-2010, 09:29 PM
  3. كل وحده تقل متى اول حمل ليها بعد ماتزوجت
    بواسطة ROOZ-19 في ركن المواضيع المكررة
    الردود: 64
    اخر موضوع: 22-03-2009, 04:28 PM
  4. بنات كل وحده تقرأ وش يقول لها حرف إسمها
    بواسطة عيونه في ركن الألعاب والترفيه
    الردود: 8
    اخر موضوع: 12-01-2008, 08:21 PM
  5. كل وحده تحط مبلغ واللي وراه يقول شو بيسوي فيه !!
    بواسطة nooonaq8ya في ركن الألعاب والترفيه
    الردود: 39
    اخر موضوع: 11-02-2007, 01:36 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ