بسم الله الرحمن الرحيم

السلام عليكم ورحمة الله وبركاته

• أولا :الطفل السعودي من صغره يعني في عمر أربع سنين يلعب بالتراب و بالحصى ...

بينما الطفل الأوروبي يلعب بالثلج ويسوي رجل الثلج واذا بيلعب مع ربعه يرشهم بالموية ...


• ثانيا :الطفل السعودي اذا بدا يروح للمدرسة يصحى وهو يصيح ويصارخ وما يرضى الا يعطونه حلاوة كل شوي ..

بينما الطفل الأوروبي يا حياتي أول يوم يروح للمدرسة وهو يضحك ويغني ومبتسم ..
ويرجع يعلم أهله وش سوى في المدرسة

• ثالثا: الطفل السعودي في سن عشر سنين جاحد البنات ..يا يلعب كورة يا يلعب مصارعة ..
واذا جت البنت يا حياتي تبي تشاركه صرخ في وجهها
( وخري هذي لعبة أولاد مو لعبة بنات روحي العبي بـ باربي )

بينما الطفل الأوروبي في سن عشر سنين يحسب حساب البنت معه قبل أي شي... ولا عمره يقول لها روحي العبي بـ باربي


• رابعا : في سن 16- 20 الشاب الاوروبي اذا اعجبته بنت يروح يعطيها وردة ولا قطعة شوكولاته أو اسطوانة موسيقية يعني كرمز للأعجاب..

بينما الشاب السعودي اذا فرضنا أنه أعجبته بنت مع أنه ما يشوف الا عباية ما يدرى وش تحتها ..
يعطيها ورقة مشقوقة ..مكتوب عليها رقم ************
قمة الرومانسية ههههههههههههههه


• خامسا : الشاب الأوروبي اذا حب بنت يقوم يعلم أمه وأبوه إن فلانة حبيبته و ما يروح ولا يجي الا معاها ..

بينما الشاب السعودي اذا حب واحدة يكتم الامر ليه مو علشان التقاليد .. لا علشان يقدر يغازل غيرها ..
واذا علم أحد يعلم ربعه الجحلط يعني انني مطيح بنات


• سادسا : الشاب الأوروبي اذا ذبحته الرومانسية أخذ حبيبته في قارب على النهر وقام يجدف ويطالع فيها ..

بينما الشاب السعودي اذا ازعجوه ربعه بأنه نصاب ولا يعرف بنات يصير همه يركب حبيبته في سيارة ويمر فيها بشارع مظلم ويوقف عند بقاله كل أخوياه مسنترين هناك يعني شوفوني مركب بنت ...

وعلى فكرة بعضهم يركبون شغالاتهم ويلبسونوهم عبايات الشكوى لله المظاهر خداعة.


• سابعا: الشاب الأوروبي يجيب لحبيبته هدايا يا ورد يا ساعة يا عطر أو دبدوب ...
ويفرح اذا شاف حبيبته تستخدمهم ..

بينما الشاب السعودي ما يعطي البنت الا قطعة الورقة اللي قلنا عنها من أول ( الرقم ) وبعدين يصير ياخذ منها
وهي على نياتها تحط له كل يومين هدية في محل باسمه وهو يجي ياخذها .


• ثامنا: الشاب الأوروبي لا سمح الله لو تزاعل هو خويته ولا تفارقوا تلقاه يزعل ويبكي ويقول أنا السبب انا اللي ماعرفت أصونها

بينما الشاب السعودي ..اذا خويته انخطبت ولا طنشته وهو أصلا ماعنده نية يتزوجها يبدأ يهدد ترى بأنشر رقمك ترى بأفضحك ..
غير الازعاجات كل يوم وكل ليلة ..على جوال المسيكينة.


• تاسعا : الشاب الأوروبي دايما يسأل حبيبته ..حبيبتي وش رأيك أسوي كذا ولا أشتغل كذا ولا أدرس
كذا بينما المحروس الشاب السعودي ما يسأل البنت الا سؤالين ..تحبيني ولا لا ...
والسؤال الأبيخ ..صديقي يبي يتعرف على بنت ما عندك واحدة من خوياتك أعرفها على خويي ...تراه رهيب.


• عاشرا..وآخرا وليس أخيرا: الشاب الأوروبي ينهي علاقته بالفتاة اللي يحبها بالزواج ويكونون أسرة سعيدة ...

بينما الشاب السعودي ..لا يمكن و مستحيل وسابع المعجزات يحب بنت كان يعرفها الا يشطب على اسم عايلتها من البشرية ...
ما بقى الا هي يتزوج بنت كانت تعرف عيال ...


هذي قد تعتبر اهم الفروق بين الشاب السعودي والأوروبي ولا لو بنحصي كان نعد ونغلط ..

وفوق هذا كله لهم وجه يحكون فيه ويقولون ليه ما تحبوننا

موضوع مضحك وغريب وصحيح في بعض الأحيان
مشكوورة أختي ...

وطبعا لا ننسى أننا لا نستطيع المقارنة إطلاقا بين شبابنا وشبابهم
فلا عاداتهم ولا تقاليدهم ولا تربيتهم ولا تعليمهم ولا بلادهم ولا حريتهم ولا ولا ولا
لا وجه شبه بيننا

ولا ننسى أنه لدينا شباب واعي عاقل ملتزم بدينه يعرف ربه جيدا
متعلم ومثقف يطلب العلم بأشكاله أي كان
يعرف كيف يعيش في هذه الحياة
ويعلم ماله وماعليه ... وهؤلاء لا يسبقهم أحد مطلقا في صفاتهم ولا نستطيع مقارنتهم مع أي كان ..

تحيتي ومشكورة مرة أخرى ....

كلامك كله صحيح واحنا الأفضل بديننا ومبادئنا

ومشكووورة على ردك

اهلين وسهلين موضووووووووووووووع روعه بس انتي اروع