انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 3 من 3

دعوه الى التدخين ( منقول)

(ملتقى الإخــاء والترحيب - منتديات لكِ النسائية - الأرشيف)
...
  1. #1
    sara sarita غير متواجد النجم البرونزي
    تاريخ التسجيل
    Aug 2005
    الموقع
    عربيه اصيــــــــــــــــــــــــــــــــــــله
    الردود
    400
    الجنس

    دعوه الى التدخين ( منقول)

    بسم الله الرحمن الرحيم
    السلام عليكم ورحمة الله وبركاته
    دعوة للتدخين


    أوعى تسمع كلام اللى يقول لك بطل سجاير.. ده يبقى واد توتو و مايعرفش فوايد التدخين!!!

    التدخين يضفى عليك مظهر الرجولة.
    إذا كنت حاسس إنك عيل و منظرك ما يجيبش راجل أبدا، إمسك سيجارة و انفخ فى وش الخلق.. هايفتكروك راجل على طول..!

    التدخين ببطء و بتركيز يعطى ايحاء بأهميتك و عمق تفكيرك.
    إذا كانوا الناس مستهيفين شخصيتك و منتش مالى عينهم، ولع سيجارة، إسحب كل نفس منها ببطء جدا و انفخه لفوق بعنطزة، الناس هايفتكروا انك عقلية علمية معملية فذة!! و حيبقى شكلك و لا لاكى لوك فى زمانه!!

    تدخين السجاير علاج ممتاز لبطء التفكير.
    إذا اتزنقت و ذكائك مش ساعفك بتصرف سريع.. ولع سيجارة!! على ماتولع و تشد و تنفخ، بيكون ربنا فرجها و حتة الدهنة اللى جوة الجمجمة طلعت رد!! و ماحدش يلحق يحس انك موحوس!!

    التدخين يجمع البنات الحلوة حواليك.
    و يحوطوا سريرك كمان!! و يقعدوا يتغزلوا فيك و يقولوا لبعض: يا سلام لو كل العيانين اللى بيدخلوا قسم الأمراض الصدرية شبابا حلوين كده!!

    التدخين يحافظ على صحتك من الأمراض المعدية.
    طبعا ، مالدبان نفسه مش هايهوب ناحيتك و هايقرف من ريحة بقك!!

    التدخين يحافظ على مظهرك و يحميك من مشاكل الشيخوخة!
    ماهو حايموتك بدرى قبل ماتلحق تشيب او تصلع!!

    السيجارة يمكن ان تنقذ مستقبلك.
    إسرق الخزنة و ارمى السيجارة على الأرض قبل ماتخرج، إن الله حليم ستار!
    ملحوظة: إستعمل سجاير غير اللىانت متعود عليها، علشان عقب السيجارة مايجيبش رجلك!!

    التدخين يجعلك شخصا متميزا!!
    طبعا، ماهو دونا عن مخاليق ربنا.. انت الوحيد اللى بتطلع غازات .. من بقك!!

    السيجارة تجعل منك رجلا ذو بصمة لاتمحى من ذاكرة الناس.
    أى حتة هاتدخلها، الناس مش ممكن ينسوا انك شرفتها، و حتى اللى دخلوا بعد خروجك حيعرفوا انك كنت موجود .. من الريحة الـ........!!

    السيجارة تكسبك الإحترام
    أول ماتدخل حتة الناس تقوم واقفة على حيلها!! و يروحوا جرى يفتحوا الشبابيك!!

    التدخين يضفى عليك سيما الوقار و الهدوء.
    لو انت بتدخن من زمان و حاولت تمشى بسرعة أو تجرى و تنط السلم زى العيال، هاتنهج و نفسك يتكرش و حاتبقى حالتك تصعب على الكافر!!

    السيجارة بتهدى أعصابك لما تكون متغاظ
    هو صحيح فى حاجات كتير ممك تهدى الأعصاب زى الينسون أو الكركديه، بس شكلك بالسيجارة بيحسس الناس إنك فعلا شايط و بتطلع دخان!!

    السيجارة تساعدك على تجاوز المحن و الفرفشة
    دايما فى الأفلام العربى أول البطل (قال بطل قال) ما تحصل له مصيبة، يطلع على الكباريه، السيجارة فى إيد و الكاس فى إيد و فى آخر الفيلم يتجوز الرقاصة!!

    السجائر تقوم سلوكك و تحميك من الإنزلاق فى الرذيلة.
    ما انت لو بس حاولت تقرب من واحدة هاتقرف من ريحة بقك و تهشك فورا!!

    التدخين يحسن علاقتك بزوجتك.
    انت بتفقد حاسة التذوق تدريجيا، فمش هاتاخد بالك من طعم العك اللى مراتك بتطبخه، و توفر على نفسك البهدلة لو اتريقت على طبيخها!!

    لو كنتى بنت، السيجارة بتكتر المعجبين بيكى
    منظر السيجارة فى إيد البنت بيوحى انها بنت مودرن و متحرر ، فيتلم حواليها كل الناس

    السيجارة ممكن تفتح لك باب مكسب كبير.
    لو استعملتيها مع مبسم طويل و شوية ماكياج بيلمع حاتديلك مظهر المحترفات، و البزنس يفرق معاه كتير الفيرست امبرشن!!
    آخر مرة عدل بواسطة sara sarita : 18-08-2005 في 01:55 AM السبب: و انت مالك حتتحشر فسبب التعديل

  2. #2
    تاريخ التسجيل
    Aug 2005
    الموقع
    جدة
    الردود
    70
    الجنس
    مابقول إلا الله يشفي كل واحد مبتلى بهذا الداء

  3. #3
    sara sarita غير متواجد النجم البرونزي
    تاريخ التسجيل
    Aug 2005
    الموقع
    عربيه اصيــــــــــــــــــــــــــــــــــــله
    الردود
    400
    الجنس
    آآآآآآآآآآمين و الله دول اصبحو بلوثو حتى الهواء

مواضيع مشابهه

  1. الردود: 0
    اخر موضوع: 26-11-2009, 04:31 AM
  2. كبة المرق وبالصــــــــورة -منقول منقول
    بواسطة أم لمى 2 في المقبلات والسلطات والشوربات والمشروبات
    الردود: 8
    اخر موضوع: 19-05-2007, 01:11 PM
  3. الردود: 20
    اخر موضوع: 16-08-2006, 10:24 PM
  4. 20سيدة يقلعن عن التدخين بعد زيارة مركز مكافحة التدخين
    بواسطة أبو عبدالرحمن في الملتقى الحواري
    الردود: 1
    اخر موضوع: 29-10-2004, 10:15 PM
  5. منقول منقول ويؤلم تعالوا
    بواسطة dana في المجلس العام
    الردود: 2
    اخر موضوع: 05-02-2002, 07:53 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96