انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 11

قصه مجنون ساره

(ملتقى الإخــاء والترحيب - منتديات لكِ النسائية - الأرشيف)
...
  1. #1
    تاريخ التسجيل
    Jun 2005
    الردود
    92
    الجنس
    أنثى

    قصه مجنون ساره

    السلام عليكم

    شخباركم ياأحلى أعضاء ...

    انشاالله بخير

    اليوم جايبة لكم قصة عجييييييييييييبة رومانسية وحلوة وبتكون على شكل حلقات

    واتمنى انها تنال اعجابكم وماراح اواصل النقل الا لما اشوف منكم تفاعل

    ونبدا .................

    قصه حب بمنتهى الروعه وطبعا قصه خياليه وقصه حب جميله جدا انصح الكل يقراها ..والقصه للامانه كاتبتها بنت

    ولقبها ( فاتـــنة دبـــي)

    واللي يبى ينقل القصه يكتب اسم الكاتبه امانه في رقبته لأن حرام الكاتبه تعبت كثير في كتابة القصه ..

    واتمنى التثبيت

    الجزء الاول

    كانت ساره دلوعه اهلا والكل يحبها وكانت تتمتع باجمل الصفات من جمال واخلاق طيبه وذكاء واما جمالها فخلو على صوب لانها صدق كانت قمر ..كل اللي يشوفها يتخبل على جمالها .. وهي عمرها 19 سنه يعني في اول سنه جامعه وعندها صديقه روح بالروح وياها وهي رريم لان ساره كانت وحيده فعشان جذي تعتبر ريم اختها وصديقتها وكل شي ..

    والقصه تبتدي

    ام ساره : حبيبتي سارونه وينج ساره

    ساره : هلا امي انا بغرفتي
    طلعت ساره من غرفتها عشان تشوف امها شو تريدها
    ام ساره: وينج ساره من متى اناديج حبيبتي
    ساره : امي كنت اكلم ريم ربيعتي .
    ام ساره : وتضحك والله اني اغار من هالريم . كل وقتج وياها
    وضحكت ساره وحضنت امها وقالت : محد مثلج يا حلى واروع ام بالعالم ..
    ام ساره : يالله خلي عنج هالكلام : تقول حبيبتي سارونه لاتنسين عزيمه خالتج لنجاح بنته انوره من الثانويه
    ساره : اكيد امي مب ناسيه افا وانا اقدر انسى نجاح نوره .
    وراحت ساره واتلبست ولبست احلى ما عندها واتمكيجت بمكياج خفيف وبسيط
    ام ساره : دخلت على ساره تشوفها خلصت ولا
    وشافت ام ساره ساره بجمالها وكشختها وقالت لها : ماشاء الله عليج يا بنتي طالعه مثل القمر اقري على عمرج يا بنتي اخاف يحسدونج
    ساره وهي مبتسمه : على شو يحسدوني امي
    ام ساره : سارونه بلا حركات تعرفين انج حلوه والكل يمدح فيج من صغرج :
    ساره " اكيد لاني طالعه على امي حبيبة عمري

    صدقها الام لان ساره مب بس حلوه بل فاااااتنه.. شعرها البني على العسلي وعيونها العسليات الحلوات الوساع اللي كانها عيون الغزال وجسمها كان صدق متناسق كانها عارضه أزياء .

    ام ساره: يالله خلي عنج هالكلام ويالله نروح تاخرنا الدريول يتريانا في السياره
    وراحو كلهم العزيمه
    وكانت ساره احلاهم
    ويت ساره وسلمت على بنت خالتها نوره وباركتلها على نجاحها
    نوره : زين ييتي شو هالتاخير كله ؟
    ساره : بعد تعرفيني يوم اختار بدله ولبس كيف اتاخر
    نوره : بس ماشاء عليج طالعه قمر .. غطيتي علي ..
    وضحكت ساره
    وقالتلها ساره: محد يغطي على رقه وحلاة بنت خالتي نوره
    ويت من وراهم هند اللي هي بعد بنت خالتها يعني اخت نوره وهند اكبر عن ساره بسنتين وهند تغار من ساروه وايد لانها احلاهم ولان الكل يحبها ويحترمها
    يت هند وقالت لها مب من خاطرها " هلا ساره
    ساره: هلا ببنت خالتي هند شو اخبارج واخبار الدوام
    هند : اكيد تمام
    وراحت عنها هند
    ساره وهي مستغربه : بلاها هند ليش متضايقه؟
    نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منج
    ساره : ليش تغار ..؟ هند حلوه وزينه
    نوره : بعد تعرفين البنات وغيرتهم
    المهم خلصت الحفله والاغلبيه راحو البيت الا ساره وامها
    وكانو يتكلمون ويضحكون وفجاه دخل ولد خالتها اللي هو اخوهم خالد
    خالد كان اكبر اخوانه وكان طيب وخلوق ووسيم وكل البنات متخبلين عليه ويتريون نظره منه بس هو قلبه مب ملك أحــد غير (ســــاره ).
    بعد ومن صغره كان متيم في ساره مب بس متيم بل يموت فيها : ودخل وفجاه شاف ساره .. وكان يشوفها بنظرات وحب ويقول في خاطره : ساره هني واخيرا وينج يا نبض قلبي وينج عني
    والكل لاحظ نظراته
    ونوره قالت : الناس يسلمون يا خالد
    ام خالد : وين وصلت يا خالد
    هند اختهم : هه هه هه اكيد عيونه على حبيبته ساره . وكانت هند تشوف ساره بنظرات كلها غيره

    وساره استحت واحمرت ونزلت راسها .
    خالد بعد استحى ودعى على هند في خاطره
    خالد " السلام عليكم اشحالج بنت خالتي ساره
    ساره : الله يعافيك خالد انت شو اخبارك .
    ام ساره : بس ساره ونحن وين رحنا
    ضحكو كلهم على خالد لان ما كان يشوف الا ساره
    وخالد أبد ما كان يتكلم لانه بس يريد يشوف حبيبته ساره .
    وقالها وهو يشوفها من فوقها لين تحتها .
    خالد : ماشاء الله عليج يا بنت خالتي طالعه اليوم ملاك .
    ساره صدق ويها محمر : عيونك الاحلى بس عاد لا تبالغ
    خالد : وربي ما ابالغ المينون اذا شاف جمالج راح يصحى

    نوره : عيل خلا نودي ساره مستشفى الميانين عشان كلهم يصحون ويستوون زينين .
    وهني الكل تم يضحك
    بس خالد كان تفكيره كله في ساره .
    ام ساره " يالله عن اذنكم بنروح البيت الوقت تاخر
    ام خالد : وين تو الناس بعدنا ما شبعنا منكم
    ام ساره : الود ودنا نتم لين الفير بس ما يصير
    ساره : اكيد القعده وياكم ما تنمل يا خالتي
    كلهم وقفو وراحو يسلمون علشان يطلعون وبعد ما وصلت ساره عند خالد
    . وهي منزله راسها : مع السلامه يا ولد خالتي
    خالد وعيونه على ساره : مع السلامه يا القمر اووووه قصدي يا بنت خالتي
    وعلى طول ساره طلعت لانها صدق استحت وما تعرف كيف ترد على كلمات خالد العذبه .
    وبعد ما وصلت ساره البيت
    كانت تفكر في ولد خالتها خالد ونظراته وكلماته الساحره .
    اما خالد فكان هاليوم احلى يوم عنده وفرحان لان شاف حبيبته ساره

    كانت تفكر في ولد خالتها خالد ونظراته وكلماته الساحره .
    اما خالد فكان هاليوم احلى يوم عنده وفرحان لان شاف حبيبته ساره لان من هو صغير يحبها
    وراح عند امه باخرالليل
    وتم يدق الباب على غرفه امه
    خالد : امايه امايه افتحي الباب ام خالد: مستغربه : خالد شوفيك وين يعورك شو فيهم خواتك ..؟
    خالد : باسم الله عليج امي ما فينا شي
    ام خالد : عيل ليش ياي هالوقت تعرف ساعه كم
    خالد هي الساعه 2 ونص شو يعني .. المهم امي الله يخليج ابي اقولج شي
    ام خالد فتحت الباب وهي مستغربه من خالد وتشوفه بنظرات غريبه
    ام خالد : قول اللي عندك يا خالد شو فيك؟
    خالد امي تعرفين اني احب ساره بنت خالتي من صغري ويا هالوقت اللي تخطبينها لي امي اخاف احد ياخذها مني واذا احد خذاها بموت يا امي تعرفين شو يعني بموووووووت .
    ام خالد وهي تضحك على خالد . باسم الله عليك من الموت يا خالد الله ياخذ بليسك يا خالد موعينا هالوقت علشان هالسالفه .. لا تخاف ساره ان شاء الله ما بتكون الا لك
    خالد: ابيج تكلمين امها باجر اوكي
    ام خالد : خلاص حبيبي تم بس انت روح نام الحين



    والبقيه تاتي بعدين

    شو رايكم بالقصه ؟

  2. #2
    sara sarita غير متواجد النجم البرونزي
    تاريخ التسجيل
    Aug 2005
    الموقع
    عربيه اصيــــــــــــــــــــــــــــــــــــله
    الردود
    400
    الجنس
    يااااااااااااااااااااااااااااااااااااااي
    قصه روعه و انا كمان اسمي ساره هههههههههه
    بس و الله حرام عاوزنه اكمل القصه و الله شوقتيني يا بت ههههههه تسلمي حبيبتي

    سلالالام

  3. #3
    hinda غير متواجد عضو جديد
    تاريخ التسجيل
    Jun 2005
    الموقع
    ارض الله الواسعة
    الردود
    21
    الجنس

    يا الله شو شوقتيني الله يخليكي كمليها بسررررررررررررعة
    الله يحفظك يا غالية على هالقصة الروعة

  4. #4
    *ياملحي* غير متواجد النجم الفضي
    تاريخ التسجيل
    Mar 2004
    الموقع
    الرياض
    الردود
    1,688
    الجنس
    امرأة
    كـــــــــــملي بــــــــــــسرعه

    مشكوورة على القصه الحلوة

    بس قربي شوي ترى مكانها الصح في فيض القلم

  5. #5
    بلسم الجروح's صورة
    بلسم الجروح غير متواجد النجم البرونزي
    تاريخ التسجيل
    Jan 2005
    الردود
    435
    الجنس

  6. #6
    هاكونا متاتا's صورة
    هاكونا متاتا غير متواجد النجم البرونزي
    تاريخ التسجيل
    Jan 2005
    الموقع
    النمسا
    الردود
    442
    الجنس
    يالله عاد تكفين كملييييييييييييي

  7. #7
    تاريخ التسجيل
    Jun 2005
    الردود
    92
    الجنس
    أنثى
    مشكوريييييين حبايبي على المرور

    وتكملت القصه في فيض القلم

  8. #8
    هاكونا متاتا's صورة
    هاكونا متاتا غير متواجد النجم البرونزي
    تاريخ التسجيل
    Jan 2005
    الموقع
    النمسا
    الردود
    442
    الجنس
    ممكن تحطين رابط

    عشان ما لقيتها أو أسم الموضوع

  9. #9
    Rwaa غير متواجد عضو جديد
    تاريخ التسجيل
    Jun 2005
    الموقع
    الإمـــــ أبوظبي ـــــــــارات
    الردود
    27
    الجنس
    ---------------------------------------------------------
    يلا كملي شوقتيني

  10. #10
    كهوف الألم's صورة
    كهوف الألم غير متواجد عضو جديد
    تاريخ التسجيل
    Aug 2005
    الموقع
    تبوك الورد
    الردود
    20
    الجنس
    أنثى
    القصة جنان كميليها بسرعة

مواضيع مشابهه

  1. صيف 2010صيف مجنون مجنون "حصريا على لك "
    بواسطة ≈ احـتِـوٍآءْ ≈ في الأزياء والأناقة
    الردود: 50
    اخر موضوع: 27-03-2010, 12:10 AM
  2. ساره ساره 0000لقد ماتت ساره00قصه حززززززينه!!
    بواسطة حسين الدويحي في روضة السعداء
    الردود: 2
    اخر موضوع: 18-12-2009, 03:16 PM
  3. •°°•.¸.•°™ ميووو ميووو.. شوربه السمك بطريقتي الخاصه..™°•.¸.•°°•.¸.•
    بواسطة طيـــف في المقبلات والسلطات والشوربات والمشروبات
    الردود: 34
    اخر موضوع: 12-06-2007, 10:52 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96