أنـــــا والـــــســــواقـــــــــة !!
بصراحه احترت ماادري ايش اقول لكم صباح الخير او مساء الخير
لكن اذا أنتم جالسين تقرون موضوعي الصبح
((فأقولكم....صباح الورود التي تعبق منها أروع وأزكى العطور
واذا أنتم جالسين تقرون موضوعي المساء((فأقولكم..مساء الخير والاحساس والطيبه
في يوم من ايام الرياض الساطعه حيث الشمس اللاطعه!!
الي تحرق اللي ماينحرق كنت اتصفح جريدتي كعادتي اليوميه مبتدئة بكاريكتير الهليل ( أهم شي والا الباقي عارفينه )
الا وذااك الخبر اللي بالخط العريض يشوفه العميان طلعت عيوني من محلها وانا اقراه وهو ( السماح للمراءه بقيادة السياره )..
وانا اللي ارمي الجريده واطيير في البيت من الفرحه واصارخ ياحظناا بنسوووق ياحظنا بنسووق مادريت الا الجيران يتصلون علينا يقولون سلامات وش فيكم ؟؟
واطمر لحصالتي ( علبه نيدو مخفوسه قد الريالات ) وافكها بعد جهد جهيد واعد الدراهم واقول ياارب تكفي دفعه اولى يااارب.. واتذكر اني اطلب اخوي فلووس طلعتها من عيونه ليين اكتمل المبلغ ولله الحمد
ومايردني الا المعاارض كيفي بدور سياره تعجبني وتناسب الوان فساتيني بس خساره مالقيت سياره ملونه واتفقنا اني اجي كل اسبوع اصبغها بلون مناسب المهم استلمت السياره وكأني مستلمه المليوون واخيرا بشووف شوارع الرياض واخيراا بلفها دوراان
طبعا وقتها ماجاني نوم جبت خريطه الرياض واتقعد عليها ابي اروح لكل مكان مابي يفوتني شي<<--انواع الحماس.
المهم ماصدقت طلعت الشمس واروح لسيارتي (ايه سيارتي وش تناظرون مايسوق الا انتم ) واشغلها بسم الله وعلى بركه الله فححححح وابدأجولتي بطريق الملك فهد<<-- خايفه لاتضيع تعرفون طريق الملك فهد كله لوحات واضح.
وامشي في سرور وغبطه من قدي معي سياره وادخل في ذاك الشارع الوسيييع اللي مادريت الا انا في اخره والسياره تحوس اشي خمسات وشي عشرات
ماوقفني الا صبه يوم فتحت باب السياره... اسمع التصفيق والتصفير وانا من الروعه اقوووول وش رايكم بالحركه ( يحسبوني افحط مادرو اني نزلت راسي ادور الفرامل من البنزين)
ماعلينا جت سليمه واكمل المشواار الا وذيك السياره المهديييه يالله تمشي على بيض وادعس الفرامل (ابشركم لقيتها هالمره ) بغيت اصدمها وتطلع لي عجوز تلوفح بشيلتها عمن يعمي قلبتس ماتشوفيين قلت اسفه ياخاله بس نسيت القهوه على النار ومستعجله ابي الحقها
الحمد لله اقتنعت بالسبب واكمل المسيره ( تيراا تيرااا تيرااا اوووه )
هذا جوالي
انا : الو
ماما: وينك فيه
انا: طالعه مشوار قريب (تسمع العيال يقولونها )
ماما : تعالي بسرعه ودي اخوانك للمدرسه وانتي راجعه جيبي معك دجاج
انا : طيب ان شاء الله (عيب اقول لا معي سياره)
انا : طيب واستعين بالخريطه علشان ارجع لبيتنا ووديهم للمدرسه واكمل المسيره
وشوي اسمع صوت اسعاف وسط سيارتي ياربيييه وش ذا ايييه ذكرت هذي نغمه اخوي وش يبي داق علي
انا : الو
اخوي : وينك فيه ؟؟
انا: حولكم قريب
اخوي : تعالي وصلني للدوام مالي خلق اسوق
انا: سم ابشر خلك على الباب.
واوصله الدوام وطول الطريق يشااخر ناايم . يالله قم وصلنا وينزل وقال لاتنسين ترى عندي طلعه للااستراحه مع العيال اليوم وانتي اللي بتوصليني طبعا كل علامات الاستغراب والاندهاش والاختراش طلعت على وجهي ..
المهم واكمل المسيره فجأه قررت ارجع للبيت بريح شوي واكمل وانا في طريق العوده تيت توون يت نو هذي رساله من اخوي الصغير وش عنده ؟؟ !! شموووخه الله يعافيك ثيابي عند الغسال لاتنسين تجيبنهم معك (لاتعليق) .
طبعا جا الليل ويتصل اخوي يذكرني بموعده في الاستراحه
اخوي : وينك تاخرتي علي العيال يحتروني؟؟
انا : طيب طيب بس يبي لي ساعه علشان ارجع
اخوي : وينك طاسة له ؟؟
انا: ابد سرحت شوي ومادريت الا انا ماسكه خط الدمام.
طاااااااط طاااااااط ( وصلت عند الباب ) ياالله اطلع اخرتني
وتمت المهمه ووصلته للاستراحه،
اخوي : شموووخه تراك بترجعني الساعه سبع الصبح.
انا (ياليييل ماطولك ) طيب طيب .
طبيعا رحت لصديقاتي في الاستراحه اللي جنبهم (كيفنا موب صار عندنا سيارات وش زودنا لازم يصير عندنا استراحات ) .
دقت الساعه السابعه صباحا يوووووووووووه نسيت اخوي يالله عن اذنكم بروح اجيبه وبسرعه اوصل عند استراحته وش اشووووف منظر عجيب غريب حريمات (جمع حريم ) ينتظرون ازواجهم واخوانهم عند الباب (سبحان مغير الاحوال ) عاد خبركم تماسيح ولقو من يشيل عنهم مسؤليه بااعو سياراتهم خخخخخخ
ويركب اخوي في السياره معصصصصب ليه جايه بدري هذا لونك اذا شفتيني مستانس طلعتيني من الاستراحه وقعد رازن خشته طوول الطريق ...
وارجع للبيت وقد اعيانني التعب بنووم برتااح ورااي دوجاان في شوارع الرياض توني في اول شارع . قابلتني امي وييييينك؟؟ ماتدرين انك بتوصلين اخوانك لمدارسهم ؟؟ وفي هذه الاثناء اصرخ واقول جعلك بحل ياسواقنا واحد بس شايل البيت كلله .
قلت يالله هاتيهم طبعا طلعت اختي معهم حالف عليها زوجها ماتشتري سياره قالت شموووخه الله يعافيك ودني المشغل بصلح فستااني .. واذا خلصت بمر الكوافير اصلح شعري عندنا عزيمه اليوم .
انا وبعنف ياربيييييييييييه خلاااااااااص ماعاد ابي سيااااره هونت بببيعها والا جيبو لكم سواااااقة .. جيبو لكم سواااااققه ماابي اسووق مااابي ماابي ....
مادريت الا امي تسمي علي شمووخه وش فيك بسم الله عليك قلت خذي اقري يوم قرت الجريده قالت بسم الله عليك اقري الخبر زيين ( عدم السماح للمرأه بقيادة السياره ) وانا اللي اشهق والله ؟؟ متأكده ؟؟ وانا اللي اتنفس الصعداااء
وأطمر واحب راس امي يعني ماراح نسووق يالله لك الحمد يارب ..
منقووول
رد مع الاستدلال
Send or Ask me Anything 
الروابط المفضلة