بـــــــا بنات ياحلوات ويـــــا امهات يازينات
السالفة حقت الشعر الي تحت ان بنت عمتى جوالها انقطع وجت الفاتورة 600 وزيادة وهي ما عمرها تعدت 200 وينهبل ابوها وعاقبها ولاسدد جوالها والحين جوالها استقبال من قبل اجازة عيد الاضحى وقامت السنعه وتكتب فية القصيدة وتعطيهياه وقراها وقال ان شاء الله اني ابسدد جوالك خلاص وطلعت فاتورة التلفون دبل الي كانت تطلع عليه والسبب طبعا هي وقالها والله ما اسدد فاتورة جوالك الين ينقطع مرررررة يعني مايستقبل يعني ياسفاب الشعر هههههههههههههههه
انشدك ياقلبي المجروح وين القى دواك
قال دواي تلقاه عند اكرم الرجالي
عند اللي كرمه وصل حدود الأفلاك
معروف طبع ايده دوم تمد الريالي
قلت ياقلب كنك تاصف لي ابوي وش بلاك
قال هو ابوك اللي سيرته فوق الجبالي
ابوك الي بأحلى وأغلى الملابس كساك
ولا طلبته أرخص لأجلك الفالي
ايه والله يابوي جعل هالروح تفداك
اشهد أن قدرك فوق الروس عالي
اشكيلك يامن حالتي ماهيب تخفاك
الجوال مقطوع والبوك للأسف خالي
يابوي يامن ماتمد الا الخير يمناك
نخيتك أرجوك سدد فاتورة جوالي
من تاليف ابنتك
وبالله التوفيق ... داعية ربي ان يطيل في عمرك ويديمك لنا ذخرا ويجمعنا في جنته ..
التاريخ : 3/1
الوقت : قبل صلاة الفجر
وش رايكـــــــــــــــــــــم ,,,
رد مع الاستدلال
الروابط المفضلة