انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 2 من 2

الموضوع: شاب يعاتب وطنه انا مالي شغل

  1. #1
    تاريخ التسجيل
    Jan 2001
    الردود
    480
    الجنس
    امرأة

    شاب يعاتب وطنه انا مالي شغل

    المرسل إليه : وطني



    الرساله :



    ..آهـ ياوطني ..

    ..عيدك مبارك ياوطني ..

    .. كل عام وأنت بخير ياوطني ..

    .. تصدق أني أحبك رغم اللي تسويه فيني ياوطني ..

    ..آه ياوطني يمكن إنك ماتصدق بس الله العالم إني أحبك ..

    ..صحيح إن عليك حركات بس ماعليه تمون ياوطني ..

    ..صحيح إنك قهرتني أكثر من مره لكن أبمشيها لك ..

    .. تذكر ياوطني يوم تتبرع للدوله الفلانيه وحنا يالله لاقين شي ناكله ياوطني .

    ..وغيرنا مليون بعد مايلقون شي ياكلونه ..

    .. أكيد تذكر تصدق إني ساعتها جتني ضيقة صدر ..

    .. ماتوقعتك تسويها ..

    .. طيب ليه ..

    .. مايقولون الاقربون أولى بالمعروف ..

    ..وإلا إنت جايك شي مني وتبي تقهرني ..

    .. طيب ماتذكر يوم إني أتخرج من الجامعه وأقدم لك أبي وظيفه و تطنشني ..

    .. وتعين اللي أقل مني عشانه من آل فلان وعنده واسطه ..

    .. ليه ياوطني مو إحنا كلنا عيالك وإلا أنا ولد الشغاله ياوطني ..

    .. أكيد بعد تذكر ياوطني يوم ابوي يطيح مريض ويقولون علاجه في احد المستشفيات الكبار ..

    .. وأجيك أبي فزعتك وتقول آسف ما أقدر عندنا زحمه ..

    .. وبعد يومين أقرى في الجريده وأشوفك جايبن سوداني تعالجه على حسابك ..

    .. وفي نفس المستشفى صدقني في ذاك اليوم ماجاني النوم من القهر آه ياوطني ..

    ..أفا عليك بس ياوطني ..

    .. لهالدرجه حنا رخيصين عندك ..

    ..لاتقولي ماتذكر ..

    ..أو أخاف إنك تقول إنك تمزح معي الله يرجك ياوطني مزحك ثقيل ..

    .. إلا على فكره تصدق إني مادريت عيدك اللي قبل كم يوم إلا اليوم ..

    .. ليه ياوطني ياخي على الأقل خل هالمناسبه مميزه مثلا عطونا إجازات في هاليوم ..
    .. ولا وزعوا حلاو علينا أهم شي ندري إن اليوم يومنا الوطني وإلا مستحي منا..

    .. طيب بهالمناسبه يابعد قلبي ياوطني شرايك نفتح صفحه جديده وننسى اللي فات ..

    ..هاه وش رايك ..

    ..بس على شرط حركاتك ومزحك الثقيل خلها عنك ..

    .. وياليت بعد تسوي فينا خير وتدبر لنا وظايف قسم بالله ذبحتنا العطاله والتبطح في المقاهي ..

    .. ترى حنا شبابك نعجبك بس عطنا فرصه ..

    .. وياليت تكمل معروفك ياوطني وترحم ابناءك وشعبك وتخفض من أسعار البنزين والغاز ..

    .. تكفى ياوطني والله ذبحتنا ويكون بعلمك ترى شعبك مو كلهم تجار وعيال نعمه ..

    يمكن إنت ماشفتهم معذور ياوطني ولكن والله موجودين وبكثره لاتنساهم الله يرحم والديك ياوطني..

    ..وبعدين سالفة الواسطات والعنصريات هاذي ياليت تتركها بعد كلنا عيالك وكلنا عيال تسعه ..

    .. ترى الواسطات والله ماوراها إلا الظلم والقهر للمساكين خلك عادل يابعد قلبي ..

    .. أنا داري إنك بتقول صعبه وإن المخرج عاوز كده ..

    .. صدقني داري ياوطني بس ياليت تحاول تفكنا منها على قد ماتقدر والله يعينك..

    .. وحط في بالك ياوطني إنا ابناءك واللي يمسك يمسنا وحنا نفديك باأرواحنا واموالنا وكل مانملك ..

    .. تامر شي ياوطني أنا إنتهيت من رسالتي ..

    .. وابيك تعرف إني أحبك وأموووووووت فيك ياوطني ..



    المرسل : إبنك

    ##################################################

    زي ماقلت هذا عتاب

  2. #2
    تاريخ التسجيل
    Mar 2003
    الموقع
    .. قلب زوجي وَ سعادة كوني ..
    الردود
    15,752
    الجنس
    أنثى
    التدوينات
    10
    التكريم
    • (القاب)
      • درة صيفنا إبداع 1432هـ و1431هـ
      • متميزة مملكة الوداع
      • أميرة الملتقى
      • دانه متألقة
    غزاله حبيبتي


    عتاب فضييييييييييييييييييييع

    ورهيب في نفس الوقت

    الله يجزاكي كل خير

    اختك

    فوفو توأم شوشو
    ذِكّريـــات تأبى الـرحيـــل فـ ذكراكمُ حبـلٌ مــن الحيــاة فيهـا سعادة و نقاء
    فوفيتـا ..
    الحمدلله الذي بنعمته تتم الصالحات رزقت بـ ( أسعد ) اسال اللَّـہ ان يجعله هاديًا مهديًا وان يجعل له من اسمه نصيب السعادة في الدنيا والآخره
    وان يكون من حفظة كتابه

مواضيع مشابهه

  1. لماذا يحب المغترب الفلسطيني وطنه ؟؟
    بواسطة همساات حنين في ملتقى الإخــاء والترحيب
    الردود: 7
    اخر موضوع: 27-03-2008, 05:42 PM
  2. هل نحن شعب يحب وطنه؟؟
    بواسطة طيور الأمل في نافذة إجتماعية
    الردود: 4
    اخر موضوع: 27-02-2007, 02:04 PM
  3. الردود: 19
    اخر موضوع: 17-12-2005, 01:33 PM
  4. أمــــااااه .. طفل يعاتب امه في قصيده رائعه
    بواسطة صدى الأمل في الأمومة والطفولة
    الردود: 4
    اخر موضوع: 25-05-2005, 12:18 AM
  5. دعابة قصيرة
    بواسطة ommshaimaa في فيض القلم
    الردود: 8
    اخر موضوع: 07-03-2004, 12:59 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ