انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 10 من 10

الموضوع: عازمتكم على ذبيحه ..لازم تقبلو دعوتي وتقلطوا.. أقلطوا

  1. #1
    تاريخ التسجيل
    May 2004
    الموقع
    السعودية
    الردود
    417
    الجنس

    عازمتكم على ذبيحه ..لازم تقبلو دعوتي وتقلطوا.. أقلطوا

    بسم الله الرحمن الرحيم

    السلام عليكم ورحمة الله وبركاته

    كيفكم يابنات ياحلوات ..

    أنا عازمتكم اليوم على ذبيحه ولازم الكل يشارك ولا يطنشني

    وخلونا ندردش مع بعض شوي ونوسع صدورنا ..أتفقنا

    بمناسبة قرب عيد الأ ضحى نبي كل وحده تقول وش هي طريقتهم في العيد

    وش يسوون بكبدة العيد اللذيذه ..

    ووين يتعيدون ..


    أتمنى انكم تتفاعلوا ولا تردون عزيمتي

    وأبدأ أنا ,,

  2. #2
    تاريخ التسجيل
    May 2004
    الموقع
    السعودية
    الردود
    417
    الجنس
    بسم الله أبدأ

    راح اقولكم عن عيدنا قبل سنتين

    قولوا ليش؟؟

    لأنه العام كنت في الحج

    والي قبله كنت في النفاس ..

    اللمهم العيد عندنا نكون متجمعين عند بيت خالتي اللي هي أم زوجي

    الكل حاضر العيال وحريمهم السته

    الرجال يذبحون الأضاحي بالحوش

    وحنايالحريم نزهب الشاهي والقهوه

    ونزهب كشنة الكبده ..والعيديه

    ولما يخلصو ويتروشون ويتلبسون

    نقلط العيديه

    وتشوفو الأطفال متكشخين ماشاء الله

    والحريم كل وحده طاقة زينه ,,

    ولا خلصنامن العيديه نوح لأهالينا ,,
    وسلامتكم ,,

  3. #3
    تاريخ التسجيل
    Jan 2001
    الردود
    480
    الجنس
    امرأة
    هلا والله جنان وش اخبارك مختفيه ما اشوفك

    والا يمكن انا ما اشوف على العموم تسلمين على الموضوع الحلو مثلك


    المهم والله يالغاليه عيد الحج السنه الماضيه كان مش ولا بد

    قولي ليش !!! لأن زوجي كتن في الحج اولا

    اخواني كلهم مش موجودين واحد راح يحج

    والثاني شال زوجته وسافر يعيد في الشرقيه

    والثالث نايم في بيته حاذف عيد الحج من راسه لأنه عزوبي

    والرابع عسكري وراح مع الحجاج يعني امن

    وانا واخواتي قعدنا عزوبيه مع الوالده الله لايحرمنا منها

    ###########################################3

    اما الأعياد اللي سبقتها فالصراحه نصلي العيد ونرجع على بيت اهل زوجي ويقومون بالذبح وبعد مايخلصون

    وعلى بال ما هم يذبحون احنا نصلح الفطور

    ثم نجلس على الفطور

    بس انا اكون طفشاااااااااااااااااااانه

    لأني



    لأني



    لأني


    ما احب اللحم وما اذوقه مرررررررررررررررررره

    فآكل عيش في لبن

    مأساة صح

    بس الحمد لله عيد حلو اهم شيء تكون النفوس متحابه والقلوب صافيه


    ولك جزيل الشكر غاليتي

    محبتك ام البراء

  4. #4
    تاريخ التسجيل
    May 2004
    الموقع
    السعودية
    الردود
    417
    الجنس
    هلا ومرحبا فيك أختي غزاله
    انتي أول المعازيم

    تسلمين حبيبتي وأنا والحمد لله بأتم حال

    والله حالتك حاله اذا صرتي ماتحبي اللحم .. (موفره زوجك )

    ولك الف شكر على سواليفك الحلوه زيك ز..

  5. #5
    تاريخ التسجيل
    May 2004
    الموقع
    السعودية
    الردود
    417
    الجنس
    معقوله !!!!

    ماأصدق انه مافيه أحد قبل عزيمتي ؟؟!!

    لدرجة انه نزل لصفحه الثانيه ..
    على العموم مشكوره ,,

  6. #6
    ام قتيبه's صورة
    ام قتيبه غير متواجد كبار الشخصيات "نبض وعطاء""زهرة الحوار "
    تاريخ التسجيل
    Dec 2004
    الموقع
    السعودية
    الردود
    12,696
    الجنس
    امرأة

    Talking

    وعليكم السلام ورحمة الله وبركاته

    هلاااااااااااااااوغلااااااااااااااااا اختي جنان

    والله جيت بسرعه ابلحق على المفطح طلع بس عنوان

    احنا يوم العيد نذهب إلى ام زوجي ونذبح الضحايا وبعدين ناخذ الكبده مع الضلوع يم يم يم

    قولي ما شاء الله لا أغص

    وبعدين أروح لأهلي وأكمل عندهم

    بس هذي قصتنا في يوم العيد الله يوفقنا لصيام عشر ذي الحجه ويوم عرفه بإذن الله

    ويتــقبــــــــل مــــــن المـــــــســـــــــــــلـــــــــــــــــــــــــ مــــــــــــــــيــــــــــــــــــن

  7. #7
    تاريخ التسجيل
    Apr 2004
    الموقع
    كندا
    الردود
    815
    الجنس
    السلام عليكم ورحمة الله وبركاته

    أهلين بالأخت جنان وبكل الأخوات اللي مروو

    أنا من يوم ما جيت لكندا وكل عام ندبخ فيه الشاة أنحرم من شوفتها لأننا ندبح بعيدا عن المساكن أي تجتمع الجاليات المسلمة مع بعض ويدبحون الكباش في الملحمات البعيدة وطبعا أنا كل مرة أحاول أنني أرافق زوجي لكنه ينصحني بعدم الدهاب لأنني حتما سأسأم من طول الإنتظار في السيارة أو يقتلني البرد خارجا
    بس هده المرة نوينا ندهب مع بعض على الأقل ليشاهد إبني الصغير الفريضة ولنلتقط بعض الصور للدكرى
    شفتو هيك أفظل من أن أبقى في المنزل ويأتيني الخروف لحم مقطع وجاهز

  8. #8
    تاريخ التسجيل
    Sep 2004
    الموقع
    مملكة الحب BHR
    الردود
    887
    الجنس
    أنثى
    هلاا وغلااااا

    بحبيبتي جناااان

    يسلمووو عمري على هالعزيمة

    الله يسااامحك ليش متكلفه وااااااجد << خخخخخخخخخخ


    والصرااااااااحة اني ما احب عيد الأضحى أبدا أبدا

    لأني في هذا اليوم أقعد أصيح على الخرفان اللي يذبحووون ..

    ههههههههههههههههه

    ولا أحب شيء أسمه ( لحم ) << ييييي

    أستغفر الله العظيم


    وقبل ما أنسى ..

    المرة الثانية قصدي في العزيمة الجاية طبخي عشانا دجاج ولا سمك ولا ربيان <<< هههههه تتشرط

    لا تنسييييييييييييييييييييييييييييين


    محبتك ..حنووووووووووووون ..

  9. #9
    تاريخ التسجيل
    Dec 2004
    الردود
    115
    الجنس
    هلا والله بالحلا كللللللللللللله ..
    جنوووووونة

    تسلميييييين يا قلبي والله يهديك متكلفة واجد <<خخخخخخخ
    وانا الصراحة اقووولك اني ما في داعي اكتب لان اختي وتوامي حنووووووونة سبقتني وانا زيها بالضبط ..
    هههههههههههههههههههه

    مشكوووووووووورة حيانتي

    ذكووووووووووووورة

  10. #10
    تاريخ التسجيل
    Nov 2004
    الموقع
    الريــــــــــــــــــــــــــــــــاض
    الردود
    203
    الجنس
    السلام عليكم
    هلا اختي جنان
    جيت طايرة ابي الحق على الذبيحة
    في عيد الأضحى اهم شي صلاة العيد طبعاً بعدين نرجع ونعايد بعض على الطاير ورانا ذبح الخروف الا خرفان ليته بس واحد الله يعين بس بعدين يبدون الرجال عمليات الذبح والقتل وها الخرفان ياقلبي عليهم مالقاه الا اول واحد ياخذونه لحتفه مايدري وش السالفة اما الباقين تشوفين الصياح كل واحد يحتري مصيره
    طبعا وانا يالحريم نجهز الفطور والشاهي والقهوة
    انا دايم علي حمس الكبدة وقلقلتها <<<<<<<<< مختصة فيها
    وأحياناً تنظيف الكرشة والمصران <<<<<<<<<< وععععععععع
    بعدين نوزع اكياس اللحم على الجيران وبعض الأقارب
    بعد الإفطار وتنظيف البيت من ملحقات الذبح <<<<<<< هذا اللي ذابحها
    الحين اللي يبي ينام ويرتاح سلامته
    في العصر والليل يتم التزاور حتى ينتهي اليوم
    يوم العيد موب ذاك الزود لأن الكل مشغول بذبايحة طبعاً هذا اهم شي في العيد عكس عيد الفطر
    في صباح اليوم التالي <<<<<< صارت قصة
    يتم الإتجاة للبر حيث التجمع مع الأهل والأحباب في المخيم السنوي الله يتقبل منا ومنكم صالح الأعمال
    والله يوفقنا ويوفقكم لصيام العشر وسلامتكم
    ها وين الذبيحة ؟ مصدقة

مواضيع مشابهه

  1. هل تقبلن بي؟؟؟
    بواسطة عربية12 في ملتقى الإخــاء والترحيب
    الردود: 10
    اخر موضوع: 17-05-2008, 08:33 PM
  2. لا تقتلو اولادكم سرا
    بواسطة محبه لله في الأمومة والطفولة
    الردود: 31
    اخر موضوع: 04-05-2008, 04:33 PM
  3. الى تشوف موضوعى لازم لازم لازم تدخل وتفزع لى
    بواسطة الوردة الجديدة في الحلويات والكب كيك والكيك وحلويات العيد
    الردود: 8
    اخر موضوع: 13-03-2006, 08:36 PM
  4. الردود: 30
    اخر موضوع: 16-07-2005, 11:26 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ