بصراحة ولا تهونون حبيباتي والله يوسع صدوركم بالعافية..

والله اني احب الهبال وسعة الصدر والضحك والهسترة..

بس احس كذا كنا مبالغين شوي؟

ماادري كل الموضوعات العاب في العاب...

واكثرها يعتمد علىانها تدخل وبس يعني مافيه افكار او اسئلة ا

معليش ترى ما اقصد ازعل احد


احبكم والله واعتبركم خوات في الله..


بس احيان عند بعض الموضوعات اقول في نفسي ارد والا لا.......بعني اقول وشهو له


ماادري يمكن انا ثقيلة طينة يمكن بس حلو تصير لعبة كل فترة وفترة والمناقشات البناتية والنسوانية هي الاكثر..
مو لازم نناقش هل الزرقاوي يتبع القاعدةوالا لا... والا نناقش التشبيه ومصايبه ... والا معادلة القطع الناقص

بس يعني

فيه موضوعات فيها هبال وهسترة بس فيها فايدة


سامحوني اذا زعلتكم



حبيبتكم حلاوة توفي وان شاء الله المرة جاية معاي قهوة

هلا اختي حلاوة توفي .. حياك الله بيننا ..

والف شكر يالغاليه على كلمااتك الحلوه .. بس ياحبيبتي منتدى لك مو بس هو (( ملتقى الاخاء !! ))

فيه اقسام اخرى .. العامه .. تناقش الامور العامه .. الاجتماعيه تناقش امور النساء اللي قلتي عنها

الطفل .. الاناقه والجمال .. كله موجود ..

بس الاخااء هو الملتقى الوحيد اللي نتنفس فيه ونكركر ونضحك ونلعب .. ولو ان مو كله كذا بس

اختي سراب الله يجزاها خير .. منزله مسابقات بعنوان اختبر معلوماتك .. واختي مغتربه منزله موضوع نحاول نكتب ابيات شعر

والكثيييييييير منها مفيد ..

يعني الملتقى جامع بين كذا وكذا .. اما الاقسام الاخرى فيها كل زين ومفيد


الف شكر لك اختي .. وان شاء الله راح نعجبك ويعجبك المنتدى ..

حلاوة توفي حبيبتي..


بالعكس المفروض ما احد يزعل.....

لأن بكل أسف هذا الي صاير في الغالب..

يعني نادر تلاقين أسألة ثقافيه مفيده..أو مسابقات هادفه....

لكن ما زلنا في دائرة الكلام المباح فلا بأس يا غاليه...

ولعل المسابقات الرائعه تجينا من حلاوتنا العسل...

جربي يا غاليه...

بسم الله الرحمن الرحيم
هلا والله فيكي حلاوة توفي وأسعدكي الله أختي وأنشاء الله ما فيه زعل ولا شي
وأنا معك أختي أنه يجب أن تكون الفائده أكبر من اللعب وغيره
أنتي أطرحي المواضيع الي فيها فائده وأنشاء الله تشوفين الرد منا بأذن الله
وجزاكي الله خيرا على حرصك



أختكي في الله أم قتيبه

اختي حلاوة توفي
يمكن انا انظر الى كلامك من خلال جانب واحد

و اتمنى محد يزعل مني لاني ماودي اجرح احد او اسيء لاحد لانكم كلكم اخواتي و حبيباتي في الله ..

هو طلب بس و اعتبروه ملغي مني اذا كان يزعِّل او يجرح احد..

طلب من الاخوات اللي دايم ما شاء الله نشاطهم في الالعاب اكثر من المواضيع المفيدة ......
لانه اللي يلاحظ مواضيع الالعاب يلاقيها تتعدى اكثر من صفحة في اليوم الواحد بينما الموضوعات المفيدة يمكن اكثر موضوع ما تتعدى صفحاته خمس صفحات و في مدة لا تقل عن شهر .....

ياليت نستفيد من اوقاتنا بدل ما تضيع في الالعاب ....
انا اعرف انها تزيد من التعارف لكن لكل شيء حدود ..... و كل شيء اذا زاد عن حده صار شيء غير مرغوب فيه .....

و انا متأكدة انه عندكم مواهب كتابية ..... ليه ما تظهروها و تبينوها لنا
ترانا مشتاقين لمواضيعكم ..... و ودنا نقراها .....


و سلامتكم حبيباتي

السلام عليكم ورحمة الله وبركاته

عزيزتي حلاوة توفي

كلامك صحيح 100% وانا من كم يوم يخطر على بالي الشيء هذا

وطبعاً كلنا نحب الضحك والفرفشة .....لكن مثل ما قلتي انتي والأخت المعاني السامية كلامكم سليم

وأحب أقول أن اللي تشارك بكثرة في الموضوعات الجادة ما يعني انها ثقيلة دم وانسانة جادة على طول الخط

بالعكس

أيضاً ممكن تكون اللعبة تجمع بين الفائدة والمتعة يعني تحمل صفة الجدية وخفة الدم في آن واحد