بسم الله الرحمن الرحيم

اوكي ياابنات الى يبي يرفع ضغط الشباب يسوي هذي

الحركات.....وشوف ...يله نبدا..



خلكم معاي بنات & في النت


اذا قال ممكن نتعرف ؟
قولي اسفه ماعندي وقت

اذا قال طيب ليه داخله النت مدام ما عندك وقت ؟
قولي استهبل

اذا كلمك واحد منهم على الخاص لاتردي بسرعه.. يعني بين رد ورد مشوار ربع ساعه كذا .

إذا قالك وش رايك بالشات؟
قولي: يااااااااي يجنن بس مشكلتي ما احبه


ها بنات معاي & في السوق


اذا مريتي جنب واحد من الشباب طالعي على جزمته واضحكي.

اذا دخلتي انتي وخويتك محل وفيه شباب قولي يااااااااربي وشذا الزحمه .

اذا دخلتي محل أنتي وزميلتك وفيه معك شباب طلعي العطر من شنطتك ورشيه و قولي ياربي شل الكتمه والريحه البايخه ذي.

اذا واحد من الشباب رمى رقم تليفونه بشنطتك او بالاكياس اللي معك الحقيه وقولي له يا استاذ الورقه الظاهر طارت من جيبك.

اذا تعمد واحد من الشباب ان يكون قريب منك وجالس يطالعك أتركيه لحد مايلف وجه عنك وبعدين طلعي جوالك وكانك تكلمين واحد قولي هلا شلونك حبيبي
ياليت تمر علي فى البيت بقولك عن قصة قرد اليوم شفته بالسوق.

في الشارع وقفت سيارة الوالد أو السواق جنب سيارة واحد من الشباب عند الاشاره الحمرا اول ما توقف سيارتكم فى الاشاره عطي النافذة ظهرك.

اذا جيتي تبي تمرين من شارع وانتي ماشيه ووقف واحد من الي خبرك وخلاك يابو زعط تمرين ........لاتمرين من قدامه روحي مري من ورا السياره.

غاليتي

فارسة قطر

...

أنا أسألك ماهي خلاصة الموضوع..

لبد أن نستغل أقلامنا..بما ينفعنا

وينفع الجميع...


أعذريني إن قسوة عليك..

أختك

غراس الخير

مرحبا اختي الكريمة وسعدنا بتسجيلك معنا ...


ولكن اعلق على مقالتك واقول :

ليس من خلق الفتيات لفت انتباه الشباب أو مخالطتهم فهو امر محظور شرعي ...ويجب على الفتاة الالتزام بالحياء والادب وعدم مخالطة الرجال .

السلام عليكم
أختى فى الله اضم صوتى للا خت غراس الخير بارك الله فيك وفيها الموضوع ليس فيه فائدة
على العكس هو يحرض البنات على معاكسة الشباب وأحنا يا أختى محاسبات على كل كلمة نكتبها
الصراحة الكلام الذى كتبتيه ممكن يعلم البنات أشياء ما كانوا يعرفوها
عذرا اختى العزيزة ولكن من اجلى و اجلك و اجل بنات و نساء المسلمين علينا ان نوضح
بدون زعل
تحياتى

شدعوه عاااااد

الموضوع عبط في عبط يعني ما تبون تفرفشون شوي

وما اظن ان وحدة بتسوي جي لأن الموضوع كله ضحك

مشكوره اختي فارسة قطر .. والله فاهمة ان قصدك ضحك وفرفشه ..

بس ولو يالغاليه لازم نحكم شرع الله بكل امور حياتنا حتى بمزحنا ولاضحكنا ..

الحين افرضي انا عجبني الكلام فعلا وسويت حركه من الحركات اللي ذكرتيها !!!

ولا وحده عجبها الموضوع ونقلته للمنتدى ولانشرته وأعجب به بعض الفتيات وطبقووه !!

واش دعوى تحملين نفسك اوزاار وسيئااات عشان موضوع مايسوى !!

مشكوره يالغاليه .. شاكره لك تقديرك وتفهمك

اختي فارسة قطر((درة قطر))
هذا الموضوع مو من مستواك
نبي منك درر بنات قطر<<<<,<< سجع

افاااااااااااااااا عليكم

انا فارسة قطرية اصلية

وانشاء الله بعجبكم

كتبت بواسطة عواصف شوق

اختي فارسة قطر((درة قطر))
هذا الموضوع مو من مستواك
نبي منك درر بنات قطر<<<<,<< سجع

صح لسانك يا شوق..
غاليتي فارسة قطر .. الفارسة العربية الأصيلة لا تضيع وقتها فيما لا يعود عليها بالفائدة..
وبما اتك فارسة أصيلة.. حياك الله بين اخواتك ولا تغضبي العتب على قدر المحبة.