انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 18

ليلة العمر (للمتزوجات فقط)

(ملتقى الإخــاء والترحيب - منتديات لكِ النسائية - الأرشيف)
...
  1. #1
    a&a
    a&a غير متواجد النجم الفضي
    تاريخ التسجيل
    Apr 2002
    الردود
    1,056
    الجنس
    أنثى

    ليلة العمر (للمتزوجات فقط)

    السلام عليكم

    اليوم لقيت موضوع جميل جدا عشان نسولف فيه واللي اكيد كل وحده منا يالمتزوجات مرت فيه(ماقلت لا تدخلون يالغير متزوجات) واللي هو:

    ليلة العمر

    وهذي الليله الي مستحيل اي وحده منا تنساها فاليوم حابه نتذكر مع بعض احداث هذي الليله والتجهيزات لها وايش كان فيها من مواقف او مشاكل لا سمح الله او حركات غريبه...واللي حابين تذكرونه عن هالليله اذكروه بس هااااه حدكم اليييين باب الغرفه بعد كذا ستوووووب




    وانا ببدأ اول وحده:
    انا كان زواجي وزواج اخت زوجي في نفس اليوم
    والقصر اللي كان فيه الزواج حضرت فيه زواج قبل زواجي وكنت اقول اللله لو زواجي يكون في هالصاله ...وسبحان الله تحقق حلمي
    اتفقنا على الزفه تكون اطفال صغار ولابسين نفس اللبس ومعاهم ورود وشموع فانزفو اول شئ الصغار وصفو على طول الممر اللي كنت راح امره
    وبعدين كانت زفتي الاولى بما اني الكبيره ...بس المفاجئه لما اجتمعت انا والعروس قبل الزفه طلعت فساتينا زي بعض الا اللهم اني انا شفته جاهز وفصلت عليه وزدت فيه حركه ...وهي أخذته زي ماهو...سبحان الله
    المهم جاء وقت زفتي وبس طلعت من ورااء الستار وتسلطت علي الانوار جتني رجفه من اعلى راسي الى اسفل قدمي...وامي كانت جالسه على كنبه جنب الستاره ..ويوم شافت رجفتي اسمعها تعوذني وتسمي علي...المهم مشيت في الممر اللي حسيته اطول ممر في حياتي واشوف الكوشه بعييييييده وكنت اتلفت واوزع ابتسامات لاني كنت ابغى اشوف الحضور...وبعدين كانو اخواتي واقفات على درجة المنصه قدامي ينتظروني...ويوم جيت اطلع الدرج ...مسكت الجيبونه في الدرجه الاولى وبغيت انقلب على ظهري...بس الحمدلله دوبني ميلت الا واخواتي ماسكيني...وبعدها جلست على الكوشه وجلست انتظر العروس الثانيه
    انزفت وجلسنا بعدها وجو الحريم يسلمون علينا وبعدين بدت عيوني تدمع وبسرعه جابو علبة مناديل يهفهفون علي قالو المكياج بيخرب وبسرعه بلعت الدموع....
    ورقصو وما امداني اجلس ربع ساعه الا والمشرفه على القصر تقول مين اللي زوجها طويل قلت انا ...قالت يقول يالله هاتو العروس وطنشت... وشويه الا وهي راجعه تقول عريسك يبغاك...وقمت طلعت وشويه طلعت العروس الثانيه...ورحنا غرف المعاريس(بعد ها جات امه تقول ليش استعجلتم ما خليتم العرايس شويه ينبسطون...قالو احنا ماقلنا شئ...طلعت المشرفه تبي العرس يخلص وبس)......بعدين جو اخواني وامي وزوجي طبعا ...وجابت لنا ام زوجي العشاءوجلسنا نتصور ...بعدين فصخت الجيبونه ولبست عباتي وانطلقنا الى عش الزوجيه...والباقي عاد مالكم دخل (سر المهنه)


    يالله انا في انتظار اعراسكم = زواجاتكم = زفافاتكم ( راح فيها النحو)
    آخر مرة عدل بواسطة a&a : 30-11-2004 في 07:19 AM

  2. #2
    غزاله غير متواجد عضو نشيط
    تاريخ التسجيل
    Jan 2001
    الردود
    480
    الجنس
    امرأة
    هلا والله بالغاليه a&a

    والله موضوعك حلو يذكر كل وحده فينا بأحلى الأيام واسأل الله ان تكون ايامنا جميعا حلوه تحت طاعة الله سبحانه


    بس ما قلتي متى كان زواجك اي قبل كم سنه ؟؟؟؟؟؟ طبعا اذا مافيه مانع


    ويسرني اكون اول وحده تشارك معاك


    اما بالنسبه لي تزوجت عام 1419 هـ

    وكانت ليلة زواجي الحمد لله بسيطه وكنت انا وحدي في الزواج يعني ما معايه عروس ثانيه

    بس اللي كان منكد عليه ليلتها اني من شدة نحفي فستان الزواج صرت اسبح فيه

    يسعني ويسع معايه ثنتين ولسوء الحظ ماجى الفستان الا عصر اليوم الأول يعني اليوم الثاني زواجي

    مايمديني اسوي فيه ولاشيء

    وقعدت حزينه كيف اخرج بهذا الشكل وكان زواجي اول زواج في الإجازه بعد تخرجي من كلية التربيه على طول

    بس ربك يسرها اختي الكبيره كانت متقنه للخياط والتفصيل على مكينة الخياطه وقدرت تسيطر على الموقف

    وكانت زفتي بسيطه خرجت بزفة اخوات لي في الله غطاريف ودق دفوف

    والحمد لله بشهادة كثير من اخواتي الغاليات في قريتي ان زواجي تلك السنه كان احلى واجمل زواج

    وهذا فضل الله له الحمد والشكر

    والآن انا عندي البراء 6 سنوات في التمهيدي

    ومعاذ 3سنوات قاعد يونسني في البيت

    ولك اختاه كل الحب والتقدير على موضوعك الحلو الذي يدل على جمال روحك

    محبتك

    ام البراء

    غزاله

  3. #3
    الخقاقة's صورة
    الخقاقة غير متواجد عضو نشيط
    تاريخ التسجيل
    Jul 2004
    الموقع
    في قلب كل من يحبني
    الردود
    381
    الجنس
    مرحبا اختي a&a

    بصراحه موضوع حلو ... وتراني ضحكتني سالفه الجيبون حقتك هههههههههه الله يعينك لو كنت مكانك كان اغمى علي من الفشيله ههههههههههه

    المهم با قول لكم شو صار لي ليله عرسي..

    انا متزوجه من سنتين تقريبا يعني الذكريات للحين فرش

    عرسي سويته في احدى صالات الفنادق بصراحه ما كان ودي اسويه هناك بس اصرار من زوجي انه ما يبي عرسنا يصير في اي مكان وطبعا انا كنت اقنعه واقول له نسويه في اي صاله اصرف لنا واخف للمصاريف عاند وبعد الزواج اقتنع بس بعد ايش ههههههههه

    المهم انا ما كنت ابي زفه فيها اطفال ولا حاجه زي كذا كنت ابي بس انا وزوجي نمشي وفعلا صارت الزفه كذا دخلنا انا وزوجي الصاله وكنا نمشي على مهلنا والصاله كلها ظلام والضوء مسلط علينا وانا كنت لا اطالع لا يمين ولا شمال امشي كني في حرس وطني هههههه من الخوف المهم وصلنا الكوشه وريلي على طووول لما وصلنا قعد على الكرسي فانا بسرعه صرخت فيه اوووقف بسرعه مو الحين نقعد.. ففز بسرعه وقف ... فالمسكين كان شكله يضحك يا عيني هههههههههههه وللحين لما ابي اضحك اشغل الفيديو حقت عرسي هههههههههه

    وبعدين قعدنا وشربنا العصير او بالاصح ريلي اللي شرباه لاني ماضقته خير شر وقصينا الكيكه وكان شكلها رووووووعه وطعمها الله عجيب هههههه
    وبعدين عطاني ريلي هديه على الكوشه وخلصت الحفله ورحنا فووووق غرفتنا في الفندق ويابوا لنا العشا ومن الجووووع ولاني ماكليت شي من الصبح اكلت الاولي والتالي ههههههههههه وبعدين خلاص عاد ستوووب هههههههه

    والحين عندي ولد واحد عمره سنه ونص تقريبا

  4. #4
    المغتربه..'s صورة
    المغتربه.. غير متواجد كبار الشخصيات
    تاريخ التسجيل
    Sep 2004
    الموقع
    في المنطقة الشرقية ( الظهران )
    الردود
    12,071
    الجنس
    امرأة
    هلااااااااا a&a والله موضوعك دخل ناافوووووخي

    انا يوم زواجي هذا يوم رهييييييييب .. تخيلوا لين يوم الزواج الصبح وانا ماخترت الورد الي بامسكه وقت الزفه!!

    عاد ليلة الزواج الزواج كانوا خالاتي وبنات خالاتي والدنيا كلها جايه من الراياض وبايتين عندنا

    وبما ان الليله هذي ااخر ليلة معهم سهرنا سواا للساعه 7 الصبح .. وبعدها سحبتني اختي غصب للغرفه انام

    تقول مهبوله انتي وراك عرس ودنيا وانتي مانمتي !!

    واي نومه هذي الي نمتها الله لايوريكم .. حلمت اني تزوجت وسافرت وعيلت وعجزت بعد
    ههههههههههههههههههه

    المهم الساعه 10 وانا بالسياره مع اختي رحنا نختار الورد .. وقعدنا ندور للساعه 1 ليييييييين لقيناه والحمدلله

    بعد كذا نزلت ببيت عمي لاني كنت متفقه مع مرة عمي هي الي اروح معها الكوفير وتوديني للزواج بدل الصجة الي عندي بالبيت

    الساعه 5 العصر وحنا عند الكوفيراا .. وكانت المفاجأة !!!!!

    الكوفيرا الي حجزت عندها مريضه وماقدرت تجي اليوم !!! شوفوا التساليط .. والباقيات ما اعرف شلون شغلهم

    ولاقد احد مدحهم لي !!!

    والله ورطه !!

    وادق على زميله لي لبنانيه تسير خالتها كوفيرا رهييييييييييبه لكني ماخترتها لانها تسوي العروس ب 3 الاف رياال !! تخيلواا ..

    لكن الله يسعدها زميلتي كلمتها ووافقت تسوي لي مكياج عروس لكن مهي معلمه المحل اني عروس وبيحاسبوني
    عاادي ..

    والله الحمدلله طلع المكياج يهبببببببببل والتسريحه تهبل بعد ..

    المهم على مارحت البييييييت .. ولبست ومرة عمي تلبس وحوووسه .. يالله وصلنا الزواج الساعه 1

    وكل شي كان متعطل على جيتي لان فقرات الحفله مرتبينها تكون ورا بعض

    اول شي بنات خالاتي وعماتي الصغار انزفوا على اغنيه حلوه ورقصوا عليها ..

    بعد كذا كان عرض بروجيكتر فيديو .. من يوم اني بالكوفله لين يوم الملكه .. صراحه كان مره حلو

    بعدين .. الزفه !!!!!

    يوم قالوا الزفه .. وجانوا خواتي وبنات خالاتي .. يالله يالله .. صرت أضضضضضضضضضحك مو مصدقه عمري
    وهم يضحكون معي .. والله وانا اطلع من غرفتي رايحه لبوابة الصالة حاسة اني كني داخلة حفله تنكريه مب زواجي اناااا !!

    المهم .. ومن عند الباب جلست أأشر لزميلاتي وارسلهم بوساات واضحك وهم يضحكون ..

    وشغلوا الشريط ودخلت ..

    وقتها بس .. اختفى الضحك .. وكشر الوجه واخترعت .. بسم الله كني داخله غرفة العمليات

    بس يوم مشيت شوي وشفت امي قدامي .. وتذكرت انها كلها كم يوم واسافر عنها بديت اصيح ! اصيح واضحك

    هههههههههههههههههه

    واخيرا وصلت الكوشه .. وجلست وبدوا يرقصون وقمت والله ورقصت .. بالبدايه كنت مستحيه .. بس بعد شوي

    رقصت لين قلت بس ..

    والحمدلله

    جا العريس واكلنا الكيكه وسلمت على اهلي وانطلقنا لعش الزوجيه ..

    رح اكملكم وش صاار بعش الزوجيه .. لانه اصلا ماصار شي ..

    دخل زوجي الحمام .. وانا غيرت لبسي ودخلت تحت اللحاف واغمى علي .. من التعب .. والله نممممممت ولا ادري عن زوج ولاعن شي ..

    وسلامتكم

    غثيتكم بحكيي شكلي اطول وحده تكتب .. بس معليش تحملوني
    .
    آخــر كتــآبــآتي :
    * متيــّـــــمـــــــــة *

    .

  5. #5
    طيـــف's صورة
    طيـــف غير متواجد كبار الشخصيات
    تاريخ التسجيل
    Apr 2004
    الموقع
    أعمــاق بحـــاري
    الردود
    21,074
    الجنس
    أنثى
    هههههههههههههههههههههههههههههه

    ام عبدالرحمن ( المغتربه


    ولك مووووووووووووووتيني ضحك على حكياتك

    والمشكله انا بالدوام والكل بسالني ع شو بتضحكي

    ههههههههههههههه الله يسعدك كلامك بجنن خصوصا التكلمه


    ام عبدالله ....... ولا انتي قصتك مشاءالله

    بس مالي مكان بينكم للاسف

    إن الساعة الأكثر ظلمة هي الساعة التي تسبق شروق الشمس

    اذا ان اعجبكِ موضوع لي فلا تقل لي شكراً و لكن أدعي:
    اللهم اغفر له ولوالديه ما تقدم من ذنبهم و ما تأخر..
    وقِهم عذاب القبر وعذاب النار .. و ادخلهم الفردوس الاعلى مع
    الانبياء و الشهداء و الصالحين...واجعل دعائهم مستجاب بالدنيا والآخره اللهم اجمعين


  6. #6
    ريـم الشمـال's صورة
    ريـم الشمـال غير متواجد النجم الفضي
    تاريخ التسجيل
    Aug 2004
    الموقع
    السعودية - ღ تبوكـ الورد ღ
    الردود
    1,562
    الجنس
    أنثى
    مواقفكم مضحكة مررررررررررره

    بس و الله دخلت لقافة تعرفوني ملقوفة زياااااادة عن اللزوم أنا لسى بدري علي


    و حبيت بعد أسلم عليكم

  7. #7
    a&a
    a&a غير متواجد النجم الفضي
    تاريخ التسجيل
    Apr 2002
    الردود
    1,056
    الجنس
    أنثى
    اهلين اختي غزاله

    انا زواجي كان قبل عشر سنين

    اما سالفة النحف ايام الزواج فهذا شئ دايم الحصول...انا كان عندي فستان من فساتين زواجي امي رافضه اني البسه لانه ماسك على جسمي...ويوم لبسته بعد الزواج كنت ادور فيه دوران...

    الحمدلله ان زواجك تم على خير وكان من اروع الزواجات

    ومشكووووووره على الإطراء الجميل

  8. #8
    دراوشة غير متواجد زهرة لا تنسى
    تاريخ التسجيل
    Dec 2003
    الردود
    1,301
    الجنس
    أنثى
    بسم الله الرحمن الرحيم
    حلو هالموضوع بيخلينا نتذكر
    بس فيه عنا متل بيقول عجوز وبتحكي عن ليلة عرسها
    انا عارفة ان المتل ما ينطبق على الكل بس يعني دايما نحس انه هذا اليوم صار له زمان
    وانا اللي صار معي انه عندنا العادة قبل 21 سنة العروس اذا بيتها قريب من بيت العريس بتطلع من بيت اهلها بزفة
    يعني مجموعة نسوان ومعهم طبلة وبيغنوا اغاني افراح ومعاهم مجموعة من الرجال اللي بيمشوا قدامهم
    ومين اللي بيطلع العروس خالها واخوها الكبير
    وانا طلعوني اخوتي وقد ما كنت بكيت في بيت اهلي ما قدرت اوقف على رجلي
    واخوتي تقريبا حملوني وكان لازم بعد ما يوصلوني مسافة قريبة من بيت زوجي يتركوني مع نسوان تنتين من اهل العريسسس بس ما قبلت لاني مش قادرة امشي على رجلي
    وظلوا معي لحتى وصلوني
    بس لما وصلت صحيت ونسيت كل البكي مع انني اسة عم ابكي
    لاني تذكرت اخوي الكبير اللي توفى قبل شهرين وكيف كان يوصف هالحادثة ويظل يضحك
    وانا بطلب منكم تدعوا له بالرحمة
    وشكرا

  9. #9
    a&a
    a&a غير متواجد النجم الفضي
    تاريخ التسجيل
    Apr 2002
    الردود
    1,056
    الجنس
    أنثى
    اختي الخفاقه الحمدلله ان موضوعي عجبك

    ضحكتيني انتي والحرس الوطني...مو عشان كذا انا جلست اتلفت واوزع ابتسامات...لان الناس الاحظهم دايم ينقدون يقولون هذي ماشيه على طول على المنصه...وبصراحه كان ودي اشوف المعازيم وصديقاتي يأشرون لي...

    ماشاء الله عليك تعشيتي يوم عرسك...انا والله ماذقته عطاني لقمه ويالله اكلتها وقلت الحمدلله شبعانه
    وانا من الصبح ما ط بطني غير حبة بيتزا واتفرج على العشاء وميته حسره بس ماني قادره ابلع اي شئ واحس شكلي غلط وانا اكل...وجلست الحاله معايه اسبوع وانا مستحيه اكل معاه بس ماشاء الله يوم شفته ياكل وماهمه تجرأت

    ومشكوووره على مشاركتك

  10. #10
    a&a
    a&a غير متواجد النجم الفضي
    تاريخ التسجيل
    Apr 2002
    الردود
    1,056
    الجنس
    أنثى
    اختي المغتربه...وش هالزواج ماشاء الله اهلك ماقصرو معاك...حلوه حركة البروجكتير بس على ايامي كانت ما طلعت
    والله ذكرتيني بيوم زفتي خواتي وبنات اخوالي واعمامي متجمعين وراء الستاره وبدت الزفه يقولون اطلعي قلت طيب شويه ..قالو اطعي والا بندفك...عاد تخيلي وانا مدفوفه من وراء الستاره ...قلت لا خلاص انا باطلع ..وبالييييالله قدرت احرك رجلي

    والله ماشاء الله رقصتي وشبعتي بعرسك...احسن مني ما امداني اشوف المعازيم

    احم احم يعني كملتي عش الزوجيه والله انك تضحكين ماشاء الله عليك شكلك ماخذه على زوجك مره ...والله ماقدرت يومها اغمض عيوني ويوم نام قدرت انام شويعالساعه 6 الفجر...وشويه حسيت ان فيه احد يطالع فيني وصحيت ولقيته صحيح يطالع بوجهي وقمت يمكن كلها نص ساعه ...وتخيلي بعدها ما نمت الييين اليوم الثاني الساعه 3الفجر والله كان عندي ايام الزواج فقر في النوم

    اسعدني مرورك

مواضيع مشابهه

  1. ليلة رومانسية من ليالي ألف ليلة وليلة ...فقط للمتزوجات
    بواسطة #جاردينيا# في نافذة إجتماعية
    الردود: 11
    اخر موضوع: 24-02-2007, 08:40 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96