والله تعب اني اول ما اتزوجت جي رمضان على طول والله كان اتعب رمضان في حياتي
لان العيلة ما شاء الله كبير واني وسلفاتى جدد على العيلة ههههههههه انتقمو منا { والله بصارة}

صار انت يا دموع من عرايس المطبخ لاان توا في ليبيا الي يتزوجو قبل رمضان بشوية مسمينهم( عرايس المطبخ) ههههههههههههههههههه

ايه صح كلامك يا اوشن
ميس ليبيا كيف حالك ان شاء الله بخير وكل عام وانتي طيبة وربي يحفضلك اميمتك

ميس ليبيا كيف حالك ان شاء الله بخير وكل عام وانتي طيبة وربي يحفضلك اميمتك

الحمد لله انا بخير ... وانتي بصحة وسلامة يارب ... سلمك ويحفظك ويحفظلك كل عزيز وغالي عندك ^_^


انا توة نستاذن بنمشي نرقد ... تصبحن على خير كلكن

في امان الله

مس ليبيا ... الله يسلمك و كيف حالك انت و ربى يخليلك الوالدة ولا يحرمكم منها

صار انت يا دموع من عرايس المطبخ لان توا في ليبيا الي يتزوجو قبل رمضان بشوية مسمينهم( عرايس المطبخ) ههههههههههههههههههه

ههههههههههههههههههه
ههههههههههه الله يعطيكي الهني اول مرة نسمعها ها التسمية
ايه تزوجت قبل رمضان بحوالي اسبوعين ههههههههههو والله ضحكتيني على الاسم
والله اوخيتك طول خشيت درازي للمطبخ قبل حتى رمضان { اللي متعود علي المسؤلية من صغره تنكتب ديمة عليه}
ماهو اني الكبيرة في البنات وامي ربي يحفضها امعلمتني واني صغيرة

انا توة نستاذن بنمشي نرقد ... تصبحن على خير كلكن

في امان الله

اذنك معاك وقدامك كل خير
في حفظ الله ورعايته

موتية الحاجات الي تبي وقت زي رحي المعدنوس وغيره لاكن منطيبش ونحط في الفريز

صح والله عندك حق هو التقريض ياخذ فى وقت هلبة
انى الحلاوات بس هى اللى نوتيها ب 3 او 4 ايام قبل رمضان

ام ايوب

اوشن دريم

نستاذن منكم يا اوخياتي ونتلاقوا غدوة بمشيئة الله

تصبحوا على خيروليلتكم سعيدة

هي
السلام عليكم

دموع... إذنك معاك يالغالية و قدامك كل خير
و عليكم السلام و رحمة الله و بركاته

السلام عليكم و رحمة الله و بركاته

يا بنات : عندى سؤالين :
1- من عندها ماكينة العجن و اللى عندها : بالله شن ماركتها . لانى عندى اسئلة عليها و يهمنى نعرفها قبل ما نشريها.

رواد .... انا عندى الماكينة و ماركتها كيتشن أيد -kitchenaid
بس تعرفى روووووووعة نعجن فيها كل شئ و طبعأ تقدرى تركبى فيها طروف و تشريهم بروحهم يعنى زى اللى تفرم اللحم و امتع رشدة الكسكاس روعة بالكهرباء تكملى حاجتك بسرعة و اللى تحل فى العجينة و امتع الصوصج ... و حتى انى فى الاول كنت حايرة زيك مش عارفة اما نوع ناخذ بس شفت فى حواء البنات يشكروا فيها هلبة و توكلت على ربى و خذيتها السنة اللى فاتت و هذه صورتها

- من فيكم يا اخوات دارت شوبينق من النت .. او من احد المواقع النسائية ؟؟؟
بالله جاوبونى مشكورات .
و السلام عليكم و رحمة الله و بركاته

ايوة شريتها من النت من ebay
و هذا الموقع امتعهم

http://www.ebay.com/

و الصراحة الموقع ماشاء الله عليه من زمان نشروا منه و الحمد لله كل شئ تمام و هما يورولك و يقولولك كل شئ على الحاجة اللى بتشريها و هو مزاد علنى و الله سعره على حسب مرات يطلع ارخص من المحلات بهلبة و مرات لا .... بس انت لما بتشرى قارنى بسعر المحلات ماتاخديش على طول
و بالنسبة للتوصيل الصراحة هما يقولولك ياخذ كم يوم و يوصلك مرات يقولولك فى خلال اسبوع و يوصلك فى خلال 8 او 9 أيام بس تقدرى تراسليهم و كل مرة تتأكدى و هما يردوا عليك
عمومأ انت ديرى طله عالرابط و شوفي ديرى سيرش على اى شئ تبيه حتى الحجاب عندهم
و الملابس ماجربت انى نشرى منهم بس صديقتى شرت منهم بلوزة لكن قالتلى مانحسابش قماشها هكى شكله يختلف مش زى لما فى الصورة
و شرينا منهم العاب الصغار البلى ستيشن و الجيم بوى و الآشرطة امتعهم و بصراحة ارخص من المحلات و زوجى شرى منه الاب توب و كويس ماشاء الله يعنى من سنين نشروا منه الموقع هذا ولا عمره صارلنا معاهم مشكلة الحمد لله
انت جربى و شوفى
و أى سؤال انا حاضرة