مبروك عليكم العتبة الجديدة

اهو انى قعدة معاكم رغم انى والله لاهية فى شوى حاجات فى الحوش لكن قلت خلينى نهدرز معاكم وبعدين إنوض انكمل

ايه يابنات حق شن جهزتوا لرمضان خلونا نستفيدوا
حتى انى احرف منك يامش معقولة مانحبش حاجات الفريز الصراحة الطازة احلى بهلبة
فلهذا انى نطيب كل يوم بيومه ولا مرات على يومين بس

يابنات .. انا نستأذن ..زوجي على جية ...تصبحوا على خير

كتبت بواسطة مش معقولة

باهي صار وتيتي يا اوشن ..
انا نفكر وبس

تعرفي يامش معقولة من لما كنت بنت
امي ان شاء الله ربي يطول في عمرها عودتنا نوتو قبل رمضان
بفترة
كل شي المعدنوس .صلصة البتسا . السلاطة المشوية .الحمص لشربة طبعا احنا نفصصو فيه.
المهم يبدا كل شي واتي من مستلزمات رمضان
الواحد ميبش يقضي وقته كله في المطبخ
وان شاء الله كل عام وانتم بخير

كتبت بواسطة مش معقولة

يابنات .. انا نستأذن ..زوجي على جية ...تصبحوا على خير

اذنك معاك وانت من اهل الخير وديما طمنينا عليك

مش معقولة .. قدامك كل خير

و حتى انى نستاذن يابنات نمشى نصلى المغرب

ام ايوب كيف حالك تي وينك غطستي

السلام عليكم

مبرووووك الدويرة الجديدة
وبارك الله فيك يا سيفن سيز
وان شاء الله تكون عتبة مباركة...
كيف حالكم يابنات

شن تهدرزوا على التوتي لرمضان والله يابنات اني منوتي في حاجة اللهم لو عندي حاجة ناقصة نشريها وخلاص اما حكايت اني انطيب ونحط في الفريز لالا كل يوم ويومه ..
وزي ماقالت اوشن.. مرات الحاجة تقعد باليومين يعني منطيبش كل يوم وكان اطر الامر انحط في الفريز ونطلعها يوم تاني { نقول حرام النعمة انلوحها}
وزوجي يقولي متكتريش حتى شربة بس بركات

وبنسبة لموضوع تساقط الشعر

...فيه وصفة لتساقط الشعر ..بحبوب منع الحمل ...اللي كاتبتها تقول مجربة وكويسة ...وناوية نجربها . شن رايك !!الوصفة يا حنة تاخدي خمسة من حبوب منع الحمل وتطحنيهم وتخلطيهم مع الشامبو امتاعك ..وتغسلي بيه شعرك عادي ..لكن ما تخليش الشامبو يمس اماكن تانية ...قالوا

والله شعري يطيح بطريقة مش عادية ديمة نحمد في ربي لان شعري مليان كنهادى راحت عليا لليل
تعرفوا شعري في كل مكان هههههههه فكرتني بمقولة ...... ...... ......
زوجي ديمة ايقولي شنو هذا ,,,, يادموع شن جيب شعرك اهني اني مش عارف
الله غالب.... وهي اماية بريطانيا زاداته لانها فيها نسبة الكلور عالية
واني قريت موضوع الاخت امتاع حبوب منع الحمل واستغربت فيه { شن علاقتها بمنع تساقط الشعر}
لكن قولت انجربها هكي هكي هو ايطيح ..لكن ماعنديش الحبوب زعمى نشريهم من الصيدلية من غير وصفة؟

ام ايوب كيف حالك ياغالية وكيف حال الصغار ان شاء الله الجميع بخير

مش معقولة قدامك كل خير ياحبيبة وربي يسهل عليك

اوشن ... الحمد لله انا بخير و انت كيف حالك و شن أخبارك
تى شنى وين غطست مش قلت لكم نمشى نصلى المغرب و نجى
دموع ... كيف حالك .. صار حتى انت زيى إطيبى كل يومه بيومه و الله اريح حتى انى مانكثرش اندير شربة و معاها حاجتين خفاف و فيه البركة هاداكا فى ليبيا ياكبدى يحطوا اشكال و الوان ماشاء الله

دموع كيف حالك نورة الهدرزة