انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 12 1234511 ... الأخيرالأخير
عرض النتائج 1 الى 10 من 111

الموضوع: رجعتلكم بعد غياب 3 اسابيع من العذاب

  1. #1
    تاريخ التسجيل
    Jun 2007
    الموقع
    في قلب حبيبي احمد رحمه الله
    الردود
    8,842
    الجنس
    امرأة

    heart2 رجعتلكم بعد غياب 3 اسابيع من العذاب



    السلام عليكم يا احلى اخوات


    اول شي بدي اطمنكم على احمد هو الحمدلله احسن من اول وبدي اشكر كل اللي سألو عنو وعني وبشكر ام ملك وأدهم كتير كتير كتير وبشكر سما ورندودا وام سهيل على اتصالهم الله لا يحرمني منكم يارب

    انا رح احكيلكم عن معاناتي مع ابني الله يحميه من يوم ولادتو
    ابني من يوم ما اتولد كان مريض كتير وباميركا شخصو حالتو على انه عندو مرض اسمو osteogenisis imperfecta وهاد المرض زي هشاشة العظام بس اصعب ومن يوم ولادتو طلع عندو اكتر من كسر بالفخد والرسغين
    المهم بحمد الله الكسور التئمت وانا بهالوقت كانت نفسيتي كتير تعبانة على وضع ابني لانو كمان عندو مشكلة بالقلب خلقية بس حكولنا انها ما بتخوف وممكن ينعملها عملية لما يصير 18 سنة ان شاء الله
    المهم الحمدلله ربنا صبرني على هالوضع وما بنكر اني عانيت انا وزوجي ومرينا بأوقات كتير عصيبة خاصة انو كنا بغربة لحالنا
    وبعدها قررنا انو نرجع بلدنا بعد ما تأكدنا انو العلاج موجود وقبل سفرنا باسبوع صار حمودي يستفرغ بشكل مو طبيعي واخدنا على الطوارىء وحكولنا انو عندو ارتداد مريئي والحليب بيرجع على الرئة وبعد عدة فحوصات اتفقو الدكاترة انو يحطولو زي انبوب يوصل للامعاء مشان يريحو المعدة وحاليا لهلأ محطوط الانبوب لحتى يقدر يرضع عادي ونتأكد انو الحليب ما يدخل الرئة
    وضل ابني اسبوع بالمستشفى وطلع يوم سفرنا
    جبناه من المستشفى للمطار
    وتوكلنا على الله وسافرنا وكانت الرحلة كتير سهلة
    وما بقدر اوصفلكم كيف كان شعوري لما شفت امي واهلي وهم كمان كتير انبسطو بولادي
    تاني يوم كنت قاعدة عم العب حمودي وفجأه صار عندو حرارة وصار نفسو يضيق وحسيت انو عم ياخد نفسو بصعوبة
    اخدتو على الطوارىء وعملولو دخول وبعد الفحوصات طلع عندو التهاب رئوي ومن كتر الالتهاب عامل انسداد على الشريان الرئوي وعامل مشكلة بالقلب
    وطبعا كان ابني بحالة الله اعلم فيها
    وكان ما عم يقدر يفتح عيونه وصار يطلع منو زي الزبد وكل ما ارفعلو ايديه ينزلو
    طبعا انا بهالوضع فقدت اعصابي وضليت ادعي ربنا انو يخليه وما يحرمني منو
    اجا دكتور القلب عمل زي ايكو لقلبه وبعدها طلع وصار يحكي مع زوجي واجا زوجي فحكيتله انو ابني عم يروح مني حاسة انو خلص
    فصار زوجي يبكي ويحكيلي عن اجر الصابرين انا بوقتها عرفت انو الدكتور حاكيلو شي وبالفعل طلع الدكتور حاكيلو انو ابنا عم ينازع
    انا بهاللحظة اغمى علي وما قدرت اوقف على رجلي وزوجي على طول حكا مع امي واخوي واجو طلعوني من عندو انا وآية
    وزوجي بهالليلة حمل ابني وضل يقرأ قرآن ويستغفر وانا كمان عند بيت اهلي ضليت استغفر واحكي اللهم اجرني في مصيبتي واخلفني خيرا منها وكنت كل شوية احكي مع زوجي وانا ميتة من الخوف اني اسمع انو خلص ابني راح الله يحميه
    وبعدها اتصل زوجي فيني حكالي انو حمودي فتج عينيه وصار احسن
    وانا طبعا طار عقلي من الفرحة ولله الحمد
    ورحت على المستشفى لقيتو كتير احسن وبعدها ضل بالمستشفى يومين وطلع
    وهو هلأ احسن من اول بس لسه تعبان شوية
    الله يشفيه ويعافية وما يحرمني منو
    بعرف طولت عليكم بس حبيت افضفض شوية واحكيلكم عن معاناتي من يوم ولادة احمد حبيبي
    وبدي احكيلكم كمان انو مافي احسن من الدعاء والاستغفار
    والله اني شفت ابني عم ينازع وبفضل الدعاء ربنا سلمو وخلاه

    شكرا الكم كتير على دعائكم
    والله يخليكم يارب
    وما تنسو ابني من دعائكم هو رح يكون دايما بحاجة الدعاء لحتى ربنا يشفيه شفاء تام

    اختكم
    ام احمد وآية




    حبيبي احمد الله يرحمك يا روح ماما

  2. #2
    تاريخ التسجيل
    May 2009
    الموقع
    *'~`. ღ♥ღام الشــــــــــــــــــــهــــــــــــــداء ليبيا الحرة وشفشوفة برا من غ
    الردود
    8,109
    الجنس
    أنثى
    ربى يخليه ومايحرمك منو ان شاءلله يارب



  3. #3
    تاريخ التسجيل
    Aug 2008
    الموقع
    مع زوجـــــــي وابنـــــي وبنتي الله يحميهم يــارب
    الردود
    627
    الجنس
    أنثى
    الحمدلله الحمدلله الحمدلله
    والله عينيه دمعو وبدي اعيط,الحمدلله انو طلع بالسلامه,يارب يجعل احمد وايه قره عين والديه يااااااااااارب ويفرحكو فيهم.

    الحمدلله ربنا استجاب لدعواتنا
    ربنا يطمنك عليه يارب,بوسيلي اياه

  4. #4
    تاريخ التسجيل
    Aug 2006
    الموقع
    في ارض الحرمين الشريفين
    الردود
    12,856
    الجنس
    أنثى
    ياحبيبتي ربي يشفيه شفاء تام لايغادر سقما
    وتشوفيه عريس

  5. #5
    تاريخ التسجيل
    Nov 2008
    الموقع
    فى دنيا ملهاش امان ...بلاد الله لخلق الله
    الردود
    447
    الجنس
    أنثى
    تماتيمووو

    الف الف الف سلامة على حمودى

    وربنا يشفيه ويعافيه ويخليه اللهم امين

    والله انى حاسة بيكى قوى يا تاما لأن هلا كمان مرت بتجربة صعبة اليومين اللى فاتوا ودخلت عمليات وبنج كلى

    وطبعا كنت حاسة بأحساس فظييييع والحمد لله ربنا عداها على خير وفعلا الدعاء هو خير سلاح فى المواقف اللى زى دى

    وبسم الله ما شاء الله عليك قوية وايمانك قوى وربنا يخلى لك زوجك ويهديه

    والله انى بدعى لأحمد فى صلاتى ان ربنا يشفيه ويعافيه وان شاء الله تشوفيه عريس هو ايوية بأذن الله

    الف سلامة على احمد يا تماتيموووو وربنا يقومه بالسلامة ان شاء الله

  6. #6
    تاريخ التسجيل
    May 2009
    الردود
    2,507
    الجنس
    امرأة
    ربنا يشفيلك أحمد يارب و يخليهولك و تفرحى بيه يارب هو و أيه و يكرمك و يباركلك فيهم يارب

  7. #7
    تاريخ التسجيل
    Mar 2009
    الموقع
    اسبانيا
    الردود
    25,681
    الجنس
    امرأة
    التدوينات
    4
    التكريم
    • (القاب)
      • ريحانة العطاء
      • متألقة صيف 1432هـ
      • زهرة ركن السياحة
      • عضو نادر
      • مراسلة صحفية 2
      • متميزة الاسابيع الابداعية
      • سفيرة ركن السياحة و السفر
      • ريحانة العطاء
    (أوسمة)
    حمدلله علي سلامته ربنا يحميه




  8. #8
    تاريخ التسجيل
    Aug 2008
    الردود
    785
    الجنس
    أنثى
    الحمد لله على سلامتك وربنا يشفى ابنك ويبارك فيه ويحميه من كل شر يارب
    اختى توكلى على الله وانتى بتحكى لنا ما صار معك تزكرت والله يوم اتولد نفس الظروف والحالة الصحة الا مر فيها ابنك اخى كذلك
    وفعلا لما يصير عمرو 18 سنة بعملو الو عملية القلب وان شاء الله بتكون ناجحة
    اخى بكون من ابى يعنى من ام تانية وبسم الله ما شاء الله الان عمره 19 سنة ونص
    للذلك اختى انتى مؤمنة والحمد لله وربنا قادر على كل شى
    وربنا اله حكمته بكل شى
    دمتى بود وبحفظ الرحمن انتى وزوجك وابنك واهلك وجميع المسلمين يارب

  9. #9
    تاريخ التسجيل
    Jul 2009
    الردود
    64
    الجنس
    امرأة
    ياحيــاتي ربي يشفيـه ويعافيـة ويخليـه قرة عيـن لك ولابووه يااارب,,
    وان شاء الله ربي يرفــع عنوو ياااارب..
    اللهم رب النـاس اذهب الباس اشفي احمد انت الشافي شفاء لايغادر سقمـا..

    اللهم رب النـاس اذهب الباس اشفي احمد انت الشافي شفاء لايغادر سقمـا..

    اللهم رب النـاس اذهب الباس اشفي احمد انت الشافي شفاء لايغادر سقمـا..

    اللهم رب النـاس اذهب الباس اشفي احمد انت الشافي شفاء لايغادر سقمـا..

    اللهم رب النـاس اذهب الباس اشفي احمد انت الشافي شفاء لايغادر سقمـا..



  10. #10
    تاريخ التسجيل
    Apr 2007
    الموقع
    على بابك ربي ولن أغادره
    الردود
    8,152
    الجنس
    امرأة
    الف الف الف سلامة على حمودى ربى يخليه ومايحرمك منو


مواضيع مشابهه

  1. الردود: 54
    اخر موضوع: 30-10-2008, 06:44 AM
  2. رجعتلكم بعد غياب و معايا سمك مشوى و سلطة بالصور
    بواسطة azmiralda000 في الأطباق الرئيسة
    الردود: 22
    اخر موضوع: 12-05-2008, 02:26 PM
  3. عودة بعد طووووووول غياب بس رجعتلكم فنانة فوتوشوب
    بواسطة فتاة بيت المقدس في ركن التصاميم
    الردود: 13
    اخر موضوع: 11-08-2006, 12:35 PM
  4. روينة رجعتلكم بعد غياب طال00000000000000
    بواسطة روينة في ركن التغذية والصحة والرجيم
    الردود: 5
    اخر موضوع: 13-08-2002, 07:00 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ