انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 20 1234511 ... الأخيرالأخير
عرض النتائج 1 الى 10 من 200

الموضوع: ريجيمات خسستني اكتر من 20 كيلو في شهرين

  1. #1
    تاريخ التسجيل
    Jul 2007
    الموقع
    القاهره
    الردود
    967
    الجنس

    loool ريجيمات خسستني اكتر من 20 كيلو في شهرين

    اولا سلام عليكم و رحمه الله و بركاته
    انا ساره و عندي 23 سنه وزني كان الاول كان 108 من شهرين و الحمد لله عملت ريجيم الشهرين دول و مشيت كويس و مظبوطه شويه و لخبطت بردو شويتين عشان كلنا بنغلط بس كل ما بقع بقوم نفسي تاني عشان يبقى اسمي نجحت و الحمد لله خسيت لحد دلوقتي اكتر من 20 كيلو يمكن لو كنت ملخبطتش شويه في النص كنت خسيت اكتر بس لو من عمل الشيطان و انا الحمد لله راضيه عن نفسي اوي باللي وصلتله و عندي عزيمه ان شاء الله لحد رمضان اخس اكتر من كده و انا طول عمري بعمل ريجيم و اخس شويه و ارجع ابهدل الدنيا اول ما وزني يثبت و بزهق بس المره دي ثبت فترات كتييييييييره بس كنت بصبر و الاقي فجاه الميزان نزل مره واحده و اكتر مره حصل معايا كده الميزان ثبت اسبوعين و بعدها في 10 ايام 8 كيلو مره واحده مع اني كنت بمشي على نفس الانظمه بتاعتي فعايزه اقول لكل واحده بتعمل ريجيم و عاوزه تغير من نفسها فعلا الصبر الصبر الصبر هو ده اللي بيوصل الاكل اللي ملينا نفسنا بيه سنين مش هنصحى من النوم نلاقيه راح فيها ايه لما اتعب اسبوع في ريجيم و معكش خالص و يبقى ريجيم جامد و اجي اوزن اخر الاسبوع الاقي نفسي خسيت كيلو ماشي هي حاجه تزعل بس كيلو ده احسن من مفيش و اديكي قلتيه ده غير ان حتى لو مخستيش اكيد البطن مرتاحه احنا دايما نتعامل مع الريجيم على انه حرمان مع ان كل واحده فينا لازم تتعامل على انه نظام حياه عشان حطو في دماغكو ان حتى لو خسينا بقينا 50 كيلو و بطلنا ريجيم و رجعنا ناكل هنبقى في 3 شهور زي ما كنا لان جسمنا هرموناته قابله للتخن و الا مكناش تخنا من الاول اصلا فلازم نتعود على الريجيم انه نظام حياتنا لينا مره واحده في الاسبوع ناكل اللي نفسنا فيه و باقي الاسبوع مظبطين اكلنا حاجه مش وحشه في سبيل اننا منشوفش نظرات مش عجبانا في وشوش الناس و نلبس اللي احنا عايزينو

    عارفين امبارح كان قرايبي عندنا لما شافوني بيقولولي انتي كده على اخر السنه ان شاء الله تروحي تعملي فيديو كليبس فقولهم يا جماعه مش اوي كده انا يارب ابس اقدر اكمل و اخس تاني فقالولي انتي مجنونه انتي اصلا اول مره تخسي كده في حياتك و لوحدك كمان من غير دكتور عشان انا كنت بروح لدكاتره كتيير و واحده فيهم قالتلي بصي الريجيم ده اراده فاللي توصل للي انتي وصلتيله مش بعيد عليها توصل للوزن المثالي الكلمه بستطني اوي و ادتني عزيمه اني اوصل يعني اوصل ان شاء الله و يارب توصلو معايا عشان فعلا التخسيس الجماعي ده احسن انواع التخسيس عشان بيضيع الكسوف و بنتكلم مع بعض زي ما احنا عايزين و نشجع بعض و ده اللي هيدينا الاستمراريه

    المهم عشان طولت عليكو انا حبيت اقولكو على اخر ريجيم عملته الاسبوع ده انا قال ايه يا جماعه بقالي شهر مثلا عماله اسمع ناس تتكلم على ريجيم التمر و اللبن و اقول ابدا ده صعب مقدرش المهم لاني مزنوقه في الوقت جدا قلت اجرب و لاني طبعا خايفه من التمر يتخني لانك المفروض تاكلي اي نوع تمر زي ما انتي عايزه مش لازن الناشف فكنت قلقانه منه فعملت اول يوم و قست تاني يوم لقتني خسيت كيلو في يوم واحد مقستش تاني و هقيس ان شاء الله اول شهر 8 بس انا حاسه بنفسي بصحى كل يوم مرتاحه و بطني مش بتوجعني و شبعانه كمان و عشان اكون صريحه اول يومين في الريجيم ده او 3 ايام بالكتيير صعبين شويه عشان اولا تمسكي نفسك من الاكل و لا سلطه و لا حاجه و ثانيا عشان الجسم بيكون بقاله فتره متعود على الريجيم فطبيعي مقللين السكريات فجاه البلح سكرياته كتيير فحسيت بتعب اول يومين فسالت دكتور قريبي قالي يابنتي استحمليه عشان التمر ده هايل فيه كل اللي الجسم بيحتاجه فيتامينات و معادن و سكر و حديد و بروتينات و دهون عشان كده سيدنا محمد كان بيوصي بيه و القرآن اتكلم عنه كتيير بس عدي الايام الاول عاوزه اقولكو اني امبارح عملت وجبه فري واحده عشان افصل الاسبوع كلت واحده بطاطس صغيره مشويه مقدرتش و الله بالعافيه خلصتها و بطني حسيت اكني واكله خروف و مش قادره فانا فعلا عاوزاكو تعيشو معايا التجربه بتاعتي و اكررها تاني و انا ان شاء الله هعمله لحد رمضان و كل اسبوع وجبه فري واحده اللي عاوزه تبدا معايا اهلا بيها تقولي على وزنها و طولها و سنها و اكيد اسمها طبعا عشان نعرف نتكلم طول اليوم و نشجع بعض عشان هو محتاج اراده و ناس مصره و زهقت من شكلها و عاوزه فعلا تتغير لو فيكي الصفات دي يبقى يللا بينا نتحدى الدهون


    الريجيم المفروض ان البنات قالو 21 تمره في اليوم و 3 كوب لبن خال الدسم بس انا الصراحه عملته 15 تمره بس و 3 كوب لين خال الدسم و كنت مش بقسم وجباتي فطار و غدا و عشا كنت بقسمها تمره كل ساعه و اللبن على 6 وجبات زي ما انا عاوزه كل وجبه نص كوب و ده اللي قلهولي دكتور عشان كده بتخلي جهازك الهضمي كل شويه شغال عشان يحرق اللي بتدخليه فنسبه حرقك بتزيد ولو جعتي اوي كلي 2 مش واحده بس متكتريش

    مستنياكو يا بنات و لو واحده عايزاني اقولها على ريجيماتي التانيه اللي عملتها انا في الخدمه



    شدو حيلكو فاضل 20 يوم على رمضان الوقت كالسيف هنقطعه هنقطعه

  2. #2
    تاريخ التسجيل
    Apr 2007
    الردود
    70
    الجنس
    امرأة
    جزاك الله خيرا على التجربة المفيدة ورااااااااااااااااااك ان شاءالله

  3. #3
    تاريخ التسجيل
    Jul 2007
    الموقع
    القاهره
    الردود
    967
    الجنس
    تعقيب كتبت بواسطة بسمةنمر عرض الرد
    جزاك الله خيرا على التجربة المفيدة ورااااااااااااااااااك ان شاءالله

    اهلا بيكي يا بسمه قوليلي طيب وزنك و سنك و طولك عشان ابقى عارفه

  4. #4
    تاريخ التسجيل
    Aug 2007
    الموقع
    فلسطين
    الردود
    918
    الجنس
    أنثى
    السلام عليكم
    اختي سارة انا حابة كتيييييييلر ابدا هالريجيم 00بس انا خايفة من النتيجة 00عشان هيك نفسي اعرف انتي خسيتي عليه والا لأ 00وقديش عملتيه 0000يعني انا لو بديت فيه بكرة ممكن اخس
    "كلام في سرك انا فزت في احدى صفحات المنتدى وصرت الملكة 00المشكلة اني عملت يوم مفتوح 0000ما عرفتش ارجع تاني للريجيم 100% 00وكمان زدت كيلو 0000انصحيني شو اعمل
    بستناك تردي علي على احر من الجمر

  5. #5
    تاريخ التسجيل
    Dec 2006
    الموقع
    ksa
    الردود
    2,203
    الجنس
    أنثى
    مرحبا اختي
    صراحه و انا بقرأ كلامك عجبني كتير كل كلامك صحيح و انا بعيشوا بس مشكلتي الملل بخليني اكل مو الجوع
    انا جربت ريجيمات كتيره و كنت لما اشوف حالي ما نزلت كتير اعصب و اكل كتير
    شو اعمل
    عنجد محتاره
    يا ريت تحكيلنا عن ريجيماتك التانيه
    اذا بدك منبلش مع بعض الاسبوع الجاي
    انا طولي 168
    و يمكن وزني 78
    ادا مو اكتر


    شكرا كتير على عرض تجربتك
    شو رأيك بريجيم الماء؟

  6. #6
    تاريخ التسجيل
    Jul 2007
    الموقع
    القاهره
    الردود
    967
    الجنس
    تعقيب كتبت بواسطة كندي عرض الرد
    السلام عليكم
    اختي سارة انا حابة كتيييييييلر ابدا هالريجيم 00بس انا خايفة من النتيجة 00عشان هيك نفسي اعرف انتي خسيتي عليه والا لأ 00وقديش عملتيه 0000يعني انا لو بديت فيه بكرة ممكن اخس
    "كلام في سرك انا فزت في احدى صفحات المنتدى وصرت الملكة 00المشكلة اني عملت يوم مفتوح 0000ما عرفتش ارجع تاني للريجيم 100% 00وكمان زدت كيلو 0000انصحيني شو اعمل
    بستناك تردي علي على احر من الجمر

    اه يا بنتي يوم الفري ده بعده بنتعذب و الله عشان كده انا بعمله وجبه واحده بس فري عشان مفتحش على البحري و بكون مختاره هي ايه قبلها عشان مفضلش اكل كتيير و بصي الريجيم ده يا جماعه بجد هايل انا مقستش بس حلو جدا و انا حاسه بهدومي اعمليه من بكره و توكلي على الله انا عملته اسبوع واحد بس و فرق معايا و النهارده ابتديته تاني و هفضل ان شاء الله اعمله لحد رمضان بس ربنا يقدرني بس التزمي بيه بالحرف عشان نتايجه تظهر و معدتك تصغر فعلا

  7. #7
    تاريخ التسجيل
    Jul 2007
    الموقع
    القاهره
    الردود
    967
    الجنس
    تعقيب كتبت بواسطة roza nofal عرض الرد
    مرحبا اختي
    صراحه و انا بقرأ كلامك عجبني كتير كل كلامك صحيح و انا بعيشوا بس مشكلتي الملل بخليني اكل مو الجوع
    انا جربت ريجيمات كتيره و كنت لما اشوف حالي ما نزلت كتير اعصب و اكل كتير
    شو اعمل
    عنجد محتاره
    يا ريت تحكيلنا عن ريجيماتك التانيه
    اذا بدك منبلش مع بعض الاسبوع الجاي
    انا طولي 168
    و يمكن وزني 78
    ادا مو اكتر


    شكرا كتير على عرض تجربتك
    شو رأيك بريجيم الماء؟

    بصي احنا خلاص رمضان قرب عشان كده انا كنت مخليه ريجيم التمر لقبل رمضان عشان يفرق معانا و كمان صحي ده غير انه بيصغر المعده جامد فلو تقدري تبتديه اعمليه من دلوقتي عشان تدخلي الستينات ان شاء الله قبل رمضان او على الاقل 70 لانه بجد هايل بس هو عاوز اول يومين بالذات اراده جامده اوي انك تكوني عارفه انك معندكيش اكل غير التمر و اللبن بس لو عدتيهم خلاص مش هتجوعي خالص و فعلا هتشوفي نتيجه هايله لانه مش بينفع معاه عك خالص اما عن ريجيم الميه فانا قريته بس مجربتوش و مظنش هجربه عشان مش مرتحاله مش عارفه ليه بس لو تعرفي حد جربه قوليلي تجربتها ايه معاه و ان شاء الله ريجيماتي هنزلهالك


    ده كان اول ريجيم ليا
    الافطارمن 8 الي 9 صباحا)
    3ملاعق فول بدون زيت أو قطعه جبنه قريش 100 جرام أو بيضه مسلوقه + ربع رغيف اسمر او قطعه توست اسمر + كوب شاي او نسكافيه بسكر او لبن مش الاتنين
    الغذاءمن 3 الى 4 مساءا)
    ربع فرخه و يفضل الصدر عن الورك عشان دهونه اقل أو شريحه لحمه بدون دهن 250 جرام و مش كفته او 3 سمكات مشوين او علبه تونه كبيره + طبق سلطه كبير + 3 ملاعق ارز او 3 ملاعق مكرونه او ربع رغيف اسمر + اي نوع خضار ني في ني (كوسه, فاصوليا,باميه)
    العشاءمن 8 الى 9 مساءا)
    كوب زبادي بدون سكر او عسل و يمكن اضافه رده للاحساس بالشبع او قطعه جبنه قريش +خيار+1 طماطم أو كوب لبن خالي الدسم

    ملحوظه:
    1.شرب الماء كتيير لزياده الشبع و للتخسيس و سعراته الحراريه (0)
    2.في اليوم 2 ملعقه سكر بالكتيير طوال اليوم.
    3.التقليل من المنبهات و يمكن شرب الشاي الاخضر و النعناع و الينسون و البابونج و الشمر.
    4.ممنوع اضافه اي شيء على الدايت.
    5.ممنوع مياه غازيه حتى لو كانت دايت.
    6.المشي على الاقل 3 مرات في الاسبوع.
    7.الالتزام بمواعيد الاكل كل يوم في نفس الميعاد لتعويد المعده على الشبع.
    8.عند الاحساس بالجوع ممكن اكل خيار او خس.



    و تاني ريجيم كان ال5 كيلو في 5 ايام
    اليوم الأول : زبادى
    اليوم الثانى : بطاطس مسلوقه بدون ملح
    اليوم الثالث : فرخه مشوية
    اليوم الرابع : جزر
    اليوم الخامس : برتقال ويوسفى


    و ثالث ريجيم ال7كيلو في 7 ايام
    الرجيم
    الافطار ثابت طيلة الاسبوع
    شاي او قهوة بدون سكر او السكر الخاص بالرجيم الموجود في الصيدليات ان رغبتي 2 كاس ماء
    يومي الاول و الثاني
    الغذاء : قطعة لحم بقري "ستيك"مشوية ومعاها كثير من السلطة الخس +الطماطم +وخيار +جزر بدون زيت ولكن قليل من الملح واليمون
    العشاء سلطة الى حتى الاشباع
    يومي الثالث و الرابع
    الغذاء:
    بيضتان مسلوقتان وصحن سلطة
    العشاء سلطة
    يومي الخامس و السادس
    الغذاء:
    خيارتان وعلبة صغيرة زبادي خالي الدسم
    العشاء خيارتان فقط
    يوم السابع
    الغذاء تفاحة
    والعشاء تفاحة
    وكثري شرب الماء عشان تشبعي في اليوم ده بالذات


    وريجيم التمر بس انا بمشي على كل دايت اكتر من مره

  8. #8
    تاريخ التسجيل
    Dec 2006
    الموقع
    ksa
    الردود
    2,203
    الجنس
    أنثى
    شكرا حبيبتي على الرد
    عن جد اعملتيلي تفاؤل
    جعجبتني الريجيمات كتير
    و خصوصا الاول



    ريجيم الماء بحكوا عنو ممتاز و بنحف بس لازم تتحملي شرب الميه كتير و خصوصا على الريق

    ادا بتحبي بتكتبلك اياه


    شكرا مره تانيه

  9. #9
    تاريخ التسجيل
    Jul 2007
    الموقع
    القاهره
    الردود
    967
    الجنس
    تعقيب كتبت بواسطة roza nofal عرض الرد
    شكرا حبيبتي على الرد
    عن جد اعملتيلي تفاؤل
    جعجبتني الريجيمات كتير
    و خصوصا الاول



    ريجيم الماء بحكوا عنو ممتاز و بنحف بس لازم تتحملي شرب الميه كتير و خصوصا على الريق

    ادا بتحبي بتكتبلك اياه


    شكرا مره تانيه
    ياريت تكتبيه لو حلو ممكن نعمله مع بعض

  10. #10
    تاريخ التسجيل
    Jul 2006
    الموقع
    الكــــQ8ـــويت
    الردود
    10,286
    الجنس
    أنثى
    ماشاء الله عليج عيني عليج بارده ربي يحفضج ويوفقج يارب وتوصلين للوزن المثالي
    انا اشجعج من كل قلبي وصراحه فرحانه لج واااايد ومستانسه للنتيجه الي وصلتيلها ومستانسه اكثر لعزيممتج
    وارادتج القويه ماشاء الله عليييييج وانا فعلا لما اقرا كلامج اتشجع كثير وتصير عندي عزيمه واراده كبيره
    مشكورررره وايد وموفقه يارب

مواضيع مشابهه

  1. ريجيمات خسستني اكتر من 20 كيلو _ الجزء الثالث يا بنات
    بواسطة srs.com في ركن الألعاب والترفيه
    الردود: 179
    اخر موضوع: 18-02-2009, 04:18 AM
  2. ريجيمات خسستني اكتر من 20 كيلو في شهرين-الجزء الثاني
    بواسطة srs.com في ملتقى الإخــاء والترحيب
    الردود: 253
    اخر موضوع: 09-09-2007, 09:33 AM
  3. ريجيمات اللبن تخفض الوزن كيلو فى اليوم رووووعه يابنات
    بواسطة 7awa في ركن التغذية والصحة والرجيم
    الردود: 11
    اخر موضوع: 03-06-2005, 01:45 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ